كومەديا اكتەرى ەل باسقارادى

بۇدان بىلاي ورتالىق امەريكادا ورنالاسقان گۆاتەمالا مەملەكەتىن كومەديا اكتەرى دجيممي مورالەس باسقارادى. بۇگىندە ول پرەزيدەنت لاۋازىمىنداعى جاڭا قىزمەتىن باستاپ كەتتى. جەرگىلىكتى تەلەۆيدەنيەنىڭ حابارلاۋىنشا, ۇلىقتاۋ ءراسىمى ەل استاناسى – گۆاتەمالا قالاسىنداعى ۇلتتىق تەاتردا وتكەن. سالتاناتتى جيىندا دجيممي مورالەس انت قابىلداپ, پرەزيدەنتتىك لەنتا­نى قابىلداپ الدى. اتالعان ءرا­سىمگە ون شاقتى مەملەكەتتىڭ باسشىسى, سونداي-اق, اقش-تىڭ ۆيتسە-پرەزيدەنتى دجو بايدەن قاتىستى. د.مورالەس 2015 جىلدىڭ قازان ايىندا وتكەن سايلاۋدىڭ ەكىنشى كەزەڭىندە جەڭىسكە جەتىپ, گۆاتەمالانىڭ 50-ءشى پرەزيدەنتى اتاندى. نەگىزى گۆاتەمالالىقتار ءۇشىن د.مورالەس ءبىرىنشى كەزەكتە كومەديا جانرىنداعى اكتەر ءارى رەجيسسەر رەتىندە جاقسى تانىس. اكتەردىڭ جەرگىلىكتى تەلەارنالاردىڭ بىرىنەن جەكسەنبى سايىن بەرىلىپ وتىراتىن ءازىل-وسپاق باعدارلاماسى زور سۇرانىسقا يە. سونداي-اق, 46 جاس­تاعى ساياساتكەر, ءتورت بالانىڭ اكەسى كاسىپكەرلىكپەن دە اينالىسادى. ودان بولەك, سۋ جاڭا پرەزيدەنت قورعانىس جانە قاۋىپسىزدىك سالالارى بويىنشا ماماندىقتاردىڭ ماگيسترانتى ەكەنىن دە اتاپ وتكەن ءجون. ساياسي ساحناداعى قادامىن ەن­دى باستاعان مورالەس جاڭا قىز­مە­تىندە گۆاتەمالا ءۇشىن ەڭ ما­ڭىز­دى ماسەلەنىڭ ءبىرى – سىبايلاس جەم­قور­لىقپەن كۇرەس جۇرگىزۋگە ۋادە بەردى. سونداي-اق, ول جۇمىسىنىڭ ەڭ باس­تى باعىتى رەتىندە الەۋمەتتىك جاع­­دايى ناشار جەرگىلىكتى حالىق­تىڭ ازىق-ت ۇلىك ماسەلەسىن شەشۋ, ءبىلىم بەرۋ جۇيەسىندەگى وزەكتى سۇ­راق­تاردى قولعا الۋ جانە كاسىپ­كەرلىكتى دا­مىتۋعا قولعابىس جاساۋ ەكەنىن اتاپ كورسەتتى. ەلامان قوڭىر, «ەگەمەن قازاقستان».