اسىق وينايتىن العاشقى تاقتا

پاۆلودار وبلىسى, كاچير اۋدانى, تروفيموۆكا ورتا مەكتەبىندە جۇمىس ىستەيتىن مۇعالىم بەرىك ءابدى­راحمانوۆ بالالاردىڭ اسىق ويناۋلارى ءۇشىن ارنايى تاقتا جاساپ بەردى. ول وسىلايشا ەلىمىزدەگى وسىنداي ەڭ العاشقى اسىق ۇستەلىنىڭ ومىرگە كەلۋىنە مۇرىندىق بولدى. يدەيا اۆتورىنىڭ ايتۋىنشا, ۇستەلدىڭ ديامەترى ءبىر مەتردى قۇراي­دى ەكەن. – مەكتەبىمىزدە توعىزقۇمالاق ۇيىرمەسى جۇمىس جاسايدى. وندا سول سياقتى دويبى, شاحمات جانە اسىق ويىندارى دا ۇيرەتىلەدى. مۇنداعى ءار ويىننىڭ وزىنە ءتان ارنايى ۇستەلى بار, ال اسىقتا ون­­داي م ۇلىك بولعان ەمەس. سون­دىق­تان ارنايى ۇستەلدى جاساپ شى­عۋعا تاۋەكەل ەتتىم, – دەيدى ب.ءابدىراحمانوۆ. تروفيموۆكا ورتا مەكتەبىندە قازاق ءتىلى مەن ادەبيەت ءپانىنىڭ مۇعالىمى بولىپ ەڭبەك ەتەتىن بەرىك ءابدىراحمانوۆتىڭ ايتۋىنشا, ول وسىمەن اسىق وينايتىن ۇستەلدىڭ ءۇشىنشى ءتۇرىن ومىرگە كەلتىرگەن. ونىڭ بۇدان بۇرىن دا ەكى ءتۇرىن جاساپ شىعارعان كورىنەدى. – ءبىرىنشى ءتۇرى ءتورت بۇرىشتى بولعان ەدى, كەيىن ونى سەگىزبۇرىشتى ەتىپ جاسادىم. الايدا, شەڭبەرلىسى ەڭ ىڭعايلىسى دەگەن تۇجىرىمعا كەلدىم. الداعى ۋاقىتتا مۇنى دا تۇرلەندىرۋ ويىمدا بار. سەبەبى, ۇتىپ العان اسىقتاردى ورنالاستىراتىن ارنايى جەرلەر جوق. ۇستەل حانتالاپاي ويىنىنا ارنالعان, – دەيدى 37 جاستاعى اۆتور. شەبەر كەلەشەكتە قازاقتىڭ ۇلت­تىق ويىنى – ساقانى دا ءۇيىر­مەگە ەنگىزبەكشى. ول بۇل ءۇشىن دالادا وتكىزىلەتىن ويىنعا ارنايى ورىن دا بەلگىلەنىپ قويعان. بۇعان قوسا, مەكتەپ مۇعالىمى ءتۇرلى اسىق ويىنى بويىنشا مەك­تەپىشىلىك جارىستار وتكىزىپ تۇرادى. وعان ارنالعان كۋبوكتى دا ءوزى جاساپ الىپتى. دامير قوجامقۇل.