كوشپەلى القا ءماجىلىسى

تاراز گارنيزونىندا قورعانىس مينيسترلىگىنىڭ كوشپەلى القا ءماجىلىسى ءوتتى. وعان قورعانىس مينيسترلىگى باس­شى­لىعىنىڭ وكىلدەرى, دەپارتامەنتتەر مەن باسقارمالاردىڭ باسشىلارى, «وڭ­تۇستىك» وڭىرلىك قولباسشىلىعى قۇرا­مالارى مەن بولىمدەرىنىڭ باسشىلارى قاتىستى. كوشپەلى وتىرىس پراكتي­كاسى العاش رەت ەنگىزىلىپ وتىر. «وڭتۇستىك» وڭىرلىك قولباس­­شىلىعىندا وتكىزىلىپ جاتقا­نى دا جايدان-جاي ەمەس. ءويت­كەنى, وڭتۇستىك باعىت ستراتە­گيالىق باعىتتاردىڭ ءبىرى بولىپ تابىلادى. وسىعان باي­لا­نىستى, «وڭتۇستىك» ءوڭىر­لىك قولباسشى­لىعىنىڭ اسكەر­لەرىنە مەم­لەكەت باسشى­سى­نىڭ, سونداي-اق, قورعانىس مينيستر­لىگىنىڭ تاراپىنان ەرەكشە كوڭىل بولىنەدى. «وسى جىلى «وڭتۇستىك» ءوڭىر­لىك قولباس­شى­لىعىندا العاش­قى القا ءماجىلىسىن وتكىزۋى­مىز كەزدەيسوق ەمەس. سەبەبى, بۇل جاۋىنگەرلىك, جە­دەل-اۋماقتىق جانە جۇمىلدىرۋ جاعىنان ەڭ ءىرى قۇرالىم بولۋىمەن بىرگە, قارۋلى كۇشتەرى­مىز گەوساياسي اۋقىمدا ەلدى قورعاۋ جونىندە جاۋىن­گەرلىك تاپسىرمالاردى ورىندايتىن ماڭىزدى ستراتەگيالىق شەپ», – دەپ اتاپ ءوتتى قورعانىس ۆەدومستۆوسىنىڭ باسشىسى يمانعالي تاسماعامبەتوۆ. اسكەرلەردىڭ جاۋىنگەرلىك ازىرلىگى مەن جاۋىن­گەرلىك قابىلەتتىلىگى اسكەري ءتارتىپ پەن قۇقىقتىق ءتارتىپتىڭ جاي-كۇيىنە تىكەلەي بايلانىستى. «وڭتۇستىك» ءوڭىر­لىك قولباسشىلىعىنىڭ اسكەر­لەرىندەگى وسى تۇستاعى ماسە­لەلەر بۇگىنگى وتىرىستىڭ نە­گىزگى سەبەبى بولدى. وسىعان باي­لانىستى, «وڭتۇستىك» ءوڭىر­لىك قولباسشىلىعى قۇراما­لارى مەن بولىمدەرىنىڭ اسكە­ري ءتارتىبى مەن قۇقىقتىق ءتارتى­بىنىڭ جاي-كۇيى تۋرالى ماسەلە قاراۋعا ۇسىنىلدى. «ۇدايى جاۋىنگەرلىك ازىرلىكتەگى بارلىق بولىمشەلەر جەدەل دەن قويۋدىڭ ۇجىمدىق كۇشتەرى رەجىمىندە ارەكەت ەتۋى ءتيىس. بۇل تۋرالى ەلباسى – جوعارعى باس قولباسشى قارۋلى كۇشتەردىڭ باسشىلىق قۇرامىمەن جۋىرداعى كەزدەسۋى بارىسىندا ەرەكشە قاداپ ايتتى. بۇل فاكت باسشىلىقتىڭ جوعارعى باس قولباسشىنىڭ تالاپتارىنا ساي كەلۋىن عانا ەمەس, جاۋىنگەرلىك قابىلەتتىلىكتىڭ جوعارى دارەجەسىندە بولۋىن دا مىندەتتەيدى», – دەپ ەرەكشە اتاپ ءوتتى قورعانىس ءمينيسترى يمانعالي تاسماعامبەتوۆ. كوشپەلى القا ءماجىلىسىنىڭ ماڭىزدى اسپەكتىسى «وڭتۇستىك» وڭىرلىك قولباسشىلىعىن ءارى قاراي جەتىلدىرۋ جونىندە وزەكتى ماسەلەلەردى كوتەرۋ جانە شەشۋ بولعانىن ايتا كەتۋ قاجەت. سونداي-اق, تاربيە جۇمىسىنىڭ فۋنكتسيونالدىعى مەن پاندىك جۇيەلەندىرىلۋىن ارتتىرۋ ماسەلەلەرى قوزعالدى. «ەگەمەن-اقپارات».