«قازاقستان رەسپۋبليكاسى كاسىپوداقتار فەدەراتسياسى» رەسپۋبليكالىق كاسىپوداقتار بىرلەستىگىنىڭ قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن مەرزىمىنەن بۇرىن وتكىزۋ جونىندەگى باستامانى قولداۋ تۋرالى
مالىمدەمەسى
قازاقستان رەسپۋبليكاسى كاسىپوداقتار فەدەراتسياسىنىڭ مۇشەلەرى پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋلارىن وتكىزۋ جونىندەگى باستامانى قولدايدى. اۋقىمدى ينستيتۋتتىق رەفورمالار مەن «100 ناقتى قادام» ۇلت جوسپارىندا كورسەتىلگەن داعدارىسقا قارسى تەتىكتەردى جۇزەگە اسىرۋ جۇمىستارىنىڭ باستالۋى بارلىق قوعامدىق كۇشتىڭ مەيلىنشە بىرىگۋىن تالاپ ەتەدى. جاھاندىق داعدارىس كەزىندەگى مەرزىمىنەن بۇرىن سايلاۋ وتكىزۋ قوعامدا ءوزارا كەلىسىم مەن ىنتىماقتاستىقتى نىعايتادى. سونداي-اق, جاعىمسىز سىرتقى اسەرلەردىڭ الدىن الۋدا وڭ ناتيجەگە جەتۋ ءۇشىن بارلىق رەسۋرستاردى جۇمىلدىرۋعا مۇمكىندىك بەرەدى. سونىمەن قاتار, اتالعان سايلاۋ ساياسي پارتيالارعا وزدەرىنىڭ مەملەكەتتىك قۇرىلىمنىڭ جاڭا ساتىسىنا ءوتۋ كەزىندەگى تيىمدىلىكتەرىن كورسەتۋ ءۇشىن بەرىلىپ وتىرعان جاقسى مۇمكىندىك.
