بۇگىن ەلىمىزدىڭ بىرقاتار وڭىرىندە جەل كۇشەيىپ, بۇرقاسىن بولادى

استانا. 16 قاڭتار. بۇگىن ەلىمىزدىڭ بىرقاتار وڭىرىندە اۋا رايى جاۋىن-شاشىنسىز بولادى. ال باتىستا اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى. كەي جەرلەردە قار جاۋىپ, بۇرقاسىن بولادى. بۇل تۋرالى قازگيدرومەتكە سىلتەمە جاساعان egemen.kz ءتىلشىسى حابارلادى. كەي وڭىرلەردە تۇمان ءتۇسىپ, كوكتايعاق بولادى. سونداي-اق, جەلدىڭ ۇيىتقۋى كۇشەيەدى. وڭتۇستىك قازاقستان, ماڭعىستاۋ, اقتوبە, شىعىس قازاقستان وبلىستارىنىڭ كەي جەرلەرىندە تۇمان بولادى. سونداي-اق, وڭتۇستىك قازاقستان وبلىسىندا سەكۋندىنا 15-20 مەتر جىلدامدىقپەن جەل سوعادى. اتىراۋ, قىزىلوردا وبلىسىنىڭ كەي جەرلەرىندە تۇماندى اۋا رايى تىركەلىپ, كوكتايعاق بولادى. سىر وڭىرىندە جەلدىڭ جىلدامدىعى سەكۋندىنا 15-20 مەترگە جەتەدى. سونىمەن قاتار, اقمولا, قوستاناي, قاراعاندى وبلىستارىنىڭ كەي جەرلەرىندە دە تۇمان باسىپ, بۇرقاسىن بولادى. جەل 15-20 م/س جىلدامدىقپەن سوعادى دەپ بولجانۋدا. قوستاناي جانە قاراعاندى وبلىستارىنىڭ كەي جەرلەرىندە كوكتايعاق بولادى. سولتۇستىك قازاقستان وبلىسىنىڭ كەي ايماقتارىندا بۇرقاسىن بولىپ, كۇندىز جەل – 15-20 م/س, ال كەي جەرلەردە 25 م/س جىلدامدىقپەن سوعادى. ال جامبىل, الماتى وبلىستارىنىڭ كەي جەرلەرىندە كوكتايعاق بولىپ, جەل ەكپىنى 15-20 م/س-قا دەيىن جەتەدى. كۇندىز جامبىل وبلىسىندا جەل 23 م/س جىلدامدىقپەن سوقسا, كەي جەرلەردە تۇمان تۇسەدى. باتىس قازاقستان وبلىسىنىڭ كەي جەرلەرىن تۇمان باسىپ, جاياۋ بۇرقاسىن بولادى. ەلامان قوڭىر. دەرەك: قازگيدرومەت. سۋرەت: ntv.ru.