ءۇندىستاندا 4 سودىردىڭ كوزى جويىلدى

استانا. 15 قاڭتار. ءۇندىستاننىڭ پوليتسيا قىزمەتكەرلەرى جارىلىس ۇيىمداستىرماق بولعان 4 ادامنىڭ كوزىن جويدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. پوليتسەيلەر مەن لاڭكەستەردىڭ اراسىنداعى قاقتىعىس چحاتتيسگارح شتاتىنا قاراستى باستار ەلدى مەكەنىندە بولدى. جالپى, سۋىق حابار بەيسەنبى كۇنى كەلىپ تۇسكەن. كوپ ۇزاماي ايتىلعان جەرگە كەلگەن ءتارتىپ ساقشىلارى قىلمىسكەرلەرمەن قاقتىعىسقانن. «50 ادامنان قۇرالعان جاساق قارۋلانعان ءتورت ادامنىڭ كوزىن جويدى. وپەراتسيا ءساتتى ءوتتى», – دەيدى قۇقىق قورعاۋ ورگانىنىڭ قىزمەتكەرى. ايتا كەتەيىك, 1980 جىلدان بەرى ءۇندىستاندا سودىرلار قولىنان 20 مىڭعا جۋىق ادام قازا تاپقان. ولاردىڭ باسىم بولىگى – بەيبىت حالىق. ەڭ ءىرى قاقتىعىس 2010 جىلى بولعان. سودىرلاردىڭ اتىس-ششابىسىنان 1 مىڭنان استام ادام مەرت بولعان. ال 2014 جىلعى قاقتىعىستان 600 تۇرعىن قازا تاپتى. سونداي-اق, 2013 جىلى چحاتتيسگارح شتاتىندا لاڭكەستەر بۇرىن-سوڭدى بولماعان شابۋىل جاسادى. ەل ءۇشىن قاۋىپتى سانالعان سودىرلار توبى ايماقتىق ءۇندىستان ۇلتتىق كونگرەسىنە (ۇۇك) باسا-كوكتەپ كىرىپ, وق جاۋدىرعان. وقيعا ورنىندا 24 ادام مەرت بولدى. ونىڭ ىشىندە ۇۇك-نىڭ ءبولىم باسشىسى ماحەندرا كارما بار. سونداي-اق, مينيسترلىكتە بىرنەشە لاۋازىمدا قىزمەت ەتكەن ۆيديا چاران دا ولىمنەن قاشىپ قۇتىلا العان جوق. ايان ءابدۋالي. دەرەك: تاسس. سۋرەت: news.caravan.kz.