ءمادريدتىڭ قوس كومانداسىنا ترانسفەر جاساۋعا تىيىم سالىندى

استانا. 15 قاڭتار. حالىقارالىق فۋتبول قاۋىمداستىعى (FIFA) الداعى ەكى ترانسفەر ۋاقىتىندا ءمادريدتىڭ قوس كومانداسى «رەال» مەن «اتلەتيكوعا» جاڭادان ويىنشىلار ساتىپ الۋىنا تىيىم سالدى. بۇل تۋرالى eurosport.ru سايتىنا سىلتەمە جاساعان egemen.kz ءتىلشىسى حابارلادى. «رەال» مەن «اتلەتيكو» كوماندالارى جاستار فۋتبول اكادەمياسىنا ايرىقشا كوڭىل بولەدى. سونداي-اق, ترانسفەرلىك ساياساتىنا ءبىر جىلعا جۋىق تەرگەۋ جۇمىستارىن جۇرگىزىپ كەلگەن فيفا باسشىلىعى سوڭىندا وسى شەشىمدى شىعارۋلارىنا تۋرا كەلدى. حالىقارالىق فۋتبول قاۋىمداستىعىنىڭ ايتۋىنشا, اتالعان قوس كوماندا كامەلەت جاسىنا تولماعان جاس ويىنشىلاردى زاڭعا قايشى تۇردە اكادەميالارىنا جازدىرىپ العان. مادريدتىكتەر الداعى جاز بەن كەلەر قىس ۋاقىتىندا قاتارلارىنا جاڭا ويىنشىلاردى قوسا المايدى. سونداي-اق, «رەال» 900 مىڭ شۆەيتسار فرانكىن, ال «اتلەتيكو» 360 مىڭ شۆەيتسار فرانكىن ايىپپۇل رەتىندە تولەۋ مىندەتتەلدى. قوس كوماندانىڭ اپەلياتسياعا بەرۋلەرىنە بولادى. ايتا كەتەيىك, مۇنداي جاعدايعا يسپانيانىڭ تاعى ءبىر كومانداسى «بارسەلونا» دا تاپ بولعان. كاتالوندىقتاردىڭ جازا مەرزىمى 1 قاڭتاردا اياقتالدى. ايان ءابدۋالي. دەرەك, سۋرەت: eurosport.ru.