شىعىس قازاقستان وبلىسى اكىمىنىڭ ورىنباسارى تاعايىندالدى

وسكەمەن. 15 قاڭتار. شىعىس قازاقستان وبلىسى اكىمىنىڭ ەكونوميكالىق ماسەلەلەر جونىندەگى ورىنباسارى بولىپ قۋات تۇماباەۆ تاعايىندالدى. بۇل تۋرالى egemen.kz ءتىلشىسى حابارلادى. ول بۇعان دەيىن شىعىس قازاقستان وبلىسىنىڭ ەكونوميكا جانە بيۋدجەتتى جوسپارلاۋ باسقارماسىنىڭ باسشىسى قىزمەتىن اتقارعان بولاتىن. «قۋات مۇحيت ۇلى قازاقستان رەسپۋبليكاسىنىڭ ەكونوميكا مينيسترلىگىندە 12 جىلدان استام جۇمىس ىستەدى. قاتارداعى ماماننان لاۋازىمدى قىزمەتتەرگە دەيىن ءوستى. ءوڭىرىمىزدىڭ ەكونوميكا جانە بيۋدجەتتىك جوسپارلاۋ باسقارماسىنا باسشىلىق جاساي ءجۇرىپ, ءوزىنىڭ كاسىبي دەڭگەيىنىڭ جوعارىلىعىن كورسەتتى», دەدى جاڭا ورىنباسارىن تانىستىرعان وبلىس اكىمى دانيال احمەتوۆ. قۋات تۇماباەۆ 1980 جىلى 30 قازاندا سەمەي قالاسىندا دۇنيەگە كەلگەن. قازاق, ورىس جانە اعىلشىن تىلدەرىن مەڭگەرگەن. 2001 جىلى شاكارىم اتىنداعى سەمەي مەملەكەتتىك ۋنيۆەرسيتەتىن «حالىقارالىق ەكونوميكالىق قاتىناستار» ماماندىعى بويىنشا ءبىتىردى. 2003 جىلى قازاق گۋمانيتارلىق زاڭ ۋنيۆەرسيتەتىن «زاڭگەر» ماماندىعى بويىنشا ءتامامدادى. ەڭبەك جولىن 2001 جىلى بانك قىزمەتكەرى بولۋدان باستادى. 2003 جىلدان باستاپ باس مامان, 2005 جىلدىڭ ساۋىرىنەن قازاقستان رەسپۋبليكاسى ەكونوميكا جانە بيۋدجەتتى جوسپارلاۋ مينيسترلىگىنىڭ قارىز الۋ جانە نەسيەلەۋدى مەملەكەتتىك جوسپارلاۋ دەپارتامەنتىنىڭ ءبولىم باستىعى بولدى, قىركۇيەك ايىنان دەپارتامەنت باسشىسىنىڭ ورىنباسارى بولدى. كەلەر جىلى اتالعان مينيسترلىكتىڭ بيۋدجەتتىك ينۆەستيتسيالاردى جوسپارلاۋ باسقارماسىنىڭ جەتەكشىسى بولىپ تاعايىندالسا, 2008 جىلى ينۆەستيتسيالىق ساياسات دەپارتامەنتى ديرەكتورىنىڭ ورىنباسارى بولىپ اۋىستى. 2011 جىلى قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ وڭىرلىك دامۋ كوميتەتى توراعاسىنىڭ ورىنباسارى بولىپ تاعايىندالدى. 2012 جىلدىڭ ءساۋىر ايىنان باستاپ اتالعان مينيسترلىكتىڭ ينۆەستيتسيالىق ساياسات دەپارتامەنتىنىڭ ديرەكتورى بولدى. ال 2015 جىلدىڭ ناۋرىز ايىنان وسى قىزمەتىنە دەيىن شىعىس قازاقستان وبلىسىنىڭ ەكونوميكا جانە بيۋدجەتتى جوسپارلاۋ باسقارماسىنىڭ باسشىسى بولىپ ەڭبەك ەتتى. دۋمان اناش. دەرەك, سۋرەت: egemen.kz