حالىقتىڭ جاۋابى بىرتەكتى

كەشە ورتالىق تەلەكوممۋنيكاتسيا قىزمەتىندە پارلامەنت ءماجىلىسىنىڭ سايلاۋىن مەرزىمىنەن بۇرىن وتكىزۋ جونىندەگى دەپۋتاتتار باستاماسىنا حالىقتىڭ قالاي قارايتىندىعى تۋرالى الەۋمەتتىك زەرتتەۋ قۇرىلىمدارى جۇرگىزگەن ساۋالدامالار بويىنشا ەسەپ بەرىلدى. ءبىرىنشى ءسوز العان «دەموكراتيا ينستيتۋتى» عىلىمي-زەرتتەۋ قاۋىمداستىعى» قوعامدىق ۇيى­مىنىڭ ديرەكتورى يۋليا كۋچين­cكايا دەپۋتاتتاردىڭ كەشەگى ءۇن­دەۋىنەن كەيىن ءبىز مەملەكەتتىك ورگاندار, ازاماتتىق قوعام ينس­تيتۋتتارى جانە جوو-لاردىڭ كوپتەگەن وكىلدەرى اراسىندا جەدەل-ساۋالداما جۇرگىزدىك. سونىڭ ىشىندە 97 ساراپشى بولدى. ەندى سونىڭ ناتيجەلەرى تۋرالى ايتسام, ول بىلاي بولدى: سۇرالعانداردىڭ 95,6 پايىزى ماجىلىسمەندەردىڭ باستاماسىن قولدايتىندارىن ايتتى. سونىڭ ىشىندە 94,8 پايىزى دەپۋتاتتاردى مەرزىمىنەن بۇرىن سايلاۋ داعدارىسقا قارسى شارالاردىڭ قاتارىنا جاتاتىنىن اتاپ ءوتتى. ساراپشىلاردىڭ 94,1 پايىزى ءماجىلىس جانە ءتۇرلى دەڭگەيدەگى ءماسليحاتتار سايلاۋلارىن بىرگە وتكىزۋدى سايلاۋعا بولىنەتىن مەملەكەتتىك قارجىنى ۇنەمدەۋ تۇرعىسىنان ءتيىمدى دەپ سانايدى. سونىمەن قاتار, ساراپشىلاردىڭ 90 پايىزدان جوعارى بولىگى بەسىنشى شاقىرىلعان پارلامەنت ءماجىلىسىنىڭ دەپۋتاتتارى وزدەرىنىڭ نەگىزگى ميسسياسىن ورىندادى دەپ ەسەپتەيدى. سۇرالعانداردىڭ 96,7 پايىزى بەس ينستيتۋتتىق رەفورما – ۇلت جوسپارىن ورىنداۋ ءۇشىن ءماجىلىس دەپۋتاتتارىنىڭ سايلاۋى تەز ارادا وتكەنى ءجون دەپ سانايدى. 94,2 پايىزى پارلامەنت جۇمىسىن ءارتاراپتاندىرۋدىڭ ماڭىزدىلىعىن اتاپ وتكەن. ولار سايلاۋعا جاڭا پارتيالاردىڭ ءتۇسىپ, ءوز دەپۋتاتتارىن وتكىزگەنىن ءجون كورەدى. ەۋرازيالىق ينتەگراتسيا ينستيتۋتىنىڭ الەۋمەتتىك زەرتتەۋلەر ءبولىمىنىڭ مەڭگەرۋشىسى بوتاگوز تورەحانوۆا دا ءوز قىزمەتتەرىنىڭ جەدەل-ساۋالداما وتكىزگەنىن ايتتى. ءبىز بارلىعى 615 ادامعا ساۋال بەردىك, دەدى ول. سونىڭ ىشىندە 82,5 پايىزى ءماجىلىس دەپۋتاتتارىنىڭ ۇندەۋى تۋرالى حاباردار بولىپ شىقتى. سونىڭ ىشىندە 93,6 پايىزى سايلاۋدى مەرزىمىنەن بۇرىن وتكىزگەندى دۇرىس دەپ سانايتىنىن جەتكىزدى. سۇرالعانداردىڭ 97,2 پايىزى ءماجىلىس پەن ءماسليحاتتار سايلاۋلارىنىڭ بىرگە وتكىزىلگەنىن قالايتىنىن ايتتى. ويتكەنى, بۇل بيۋدجەت قاراجاتىن ۇنەمدەۋگە قول جەتكىزەدى دەپ ەسەپتەيدى ولاردىڭ ءبارى. رەسپوندەنتتەردىڭ 93,5 پايىزى ءماجىلىس دەپۋتاتتارىنىڭ سايلاۋ­ىن تەز ارادا وتكىزۋدى دۇرىس دەپ سانايدى ەكەن, ويتكەنى, ولار ۇلت جوسپارىن ىسكە اسىرۋعا بەلسەنە قاتىسۋعا ءتيىستى. سۇرالعانداردىڭ 94,6 پايىزى ءماجىلىستىڭ بۇرىنعى قۇرامى ءوز مىندەتتەرىن تولىعىمەن ورىنداعانىن مالىمدەپتى. قورىتا ايتقاندا, ساۋالداما جۇرگىزگەن ەكى ۇيىم دا ءبىر-ءبىرىنىڭ سوزدەرىن اينا-قاتەسىز قايتالاپ بەرگەن, دەمەك, حالىقتىڭ جاۋابى بىرتەكتى بولعان. جاقسىباي سامرات, «ەگەمەن قازاقستان».