فوتو: استانا قالاسىنىڭ اكىمدىگى
قالالىق جول قوزعالىسىن ۇيىمداستىرۋ ورتالىعىنىڭ مالىمەتىنشە, ارنايى ەۆاكۋاتورلار ەرەجە بۇزعان كولىكتەردى كوممۋنالدىق تۇراقتارعا جەتكىزۋگە كىرىستى.
ءماسليحات شەشىمىنە سايكەس, كەلەسى ورىنداردا زاڭسىز قويىلعان كولىكتەرگە باسىمدىق بەرىلەدى:
- جاياۋ جۇرگىنشىلەر وتكەلدەرى مەن تروتۋارلار;
- مۇمكىندىگى شەكتەۋلى جاندارعا ارنالعان ارنايى ورىندار;
- تىيىم سالۋ بەلگىلەرى ورناتىلعان جانە وزگە كولىكتەرگە كەدەرگى كەلتىرەتىن اۋماقتار.
ورتالىق ديرەكتورى مارات سادۋوۆتىڭ ايتۋىنشا, دۇرىس قويىلماعان كولىكتەر كوشەلەردىڭ وتكىزۋ قابىلەتىن 50 پايىزعا دەيىن تومەندەتەدى. قازىرگى تاڭدا استانادا 600 مىڭنان استام اۆتوكولىك بار, ال اۆتوماتتاندىرىلعان جۇيەلەر كۇن سايىن 2 مىڭنان استام زاڭ بۇزۋشىلىقتى تىركەيدى.
ەۆاكۋاتسيا پروتسەسى تولىقتاي تسيفرلاندىرىلعان:
-
ارنايى جۇيە قۇقىقبۇزۋشىلىقتى تىركەپ, مالىمەتتى پوليتسياعا جولدايدى.
-
پوليتسيا قىزمەتكەرى تسيفرلىق سەرۆيس ارقىلى قاۋلى راسىمدەيدى.
-
كولىك يەسىنە eGov Mobile ارقىلى حابارلاما كەلەدى.
-
ماڭىزدى: ەگەر جۇرگىزۋشى قۇقىقبۇزۋشىلىقتى سول جەردە تۇزەسە, كولىك ەۆاكۋاتسيالانبايدى, تەك اكىمشىلىك شارا قولانىلادى.
كولىك جۇرگىزۋ كەزىندە تەلەفون پايدالانۋ: بەينەباقىلاۋ كامەرالارى قالاي جۇمىس ىستەيدى؟
كولىگىن تاپپاي قالعان تۇرعىندار 102 نەمەسە 112 نومىرلەرىنە حابارلاسۋى قاجەت.
-
ەۆاكۋاتسيا قۇنى – 3 اەك (شامامەن 11 076 تەڭگە, 2026 جىلعى كورسەتكىش بويىنشا).
-
كولىكتىڭ ارنايى تۇراقتا تۇرعان ۋاقىتى ءۇشىن بولەك تولەم الىنادى.
كولىكتى قايتارۋ ءۇشىن پوليتسيا دەپارتامەنتىنىڭ اكىمشىلىك تاجىريبە بولىمىنەن رۇقسات الۋ قاجەت. قالا بيلىگى جۇرگىزۋشىلەردى وزگەلەرگە كەدەرگى كەلتىرمەۋگە جانە جول ەرەجەسىن قاتاڭ ساقتاۋعا شاقىرادى.
