فوتو: بقو سانيتاريالىق-ەپيدەميولوگيالىق باقىلاۋ دەپارتامەنتى (ارحيۆ)
قاۋىپ توبىنا مال شارۋاشىلىعىندا ەڭبەك ەتەتىن ازاماتتار, ەندەميالىق ءوڭىر تۇرعىندارى جانە ناۋقاستارمەن تىكەلەي بايلانىستا بولاتىن مەديتسينا قىزمەتكەرلەرى كىرەدى. بۇل توپ وكىلدەرى اۋرۋ جۇقتىرۋ قاۋپىنە كوبىرەك ۇشىرايدى.
مامانداردىڭ ايتۋىنشا, اۋرۋدىڭ ينكۋباتسيالىق كەزەڭى 2-14 كۇن ارالىعىندا وتەدى. العاشقى بەلگىلەرى – 39-40 °C دەيىنگى جوعارى تەمپەراتۋرا, باس اۋرۋى, قالتىراۋ, بۇلشىقەت پەن بۋىنداردىڭ سىرقىراۋى. كەيىنگى كەزەڭدەردە قان كەتۋ بەلگىلەرى پايدا بولۋى مۇمكىن.
دارىگەرلەر دەر كەزىندە مەديتسينالىق كومەك كورسەتىلمەسە, اۋرۋدىڭ ولىمگە اكەلۋى ىقتيمال ەكەنىن ەسكەرتەدى.
ماماندار الدىن الۋ شارالارىن قاتاڭ ساقتاۋدىڭ ماڭىزىن اتاپ وتەدى. اتاپ ايتقاندا, تابيعاتتا بولعاندا رەپەللەنت قولدانۋ, دەنەنى كەنەگە ۇنەمى تەكسەرۋ, قورعانىش كيىم كيۋ جانە مالدى ارنايى وڭدەۋدەن وتكىزۋ ۇسىنىلادى.
«كەنە شاققان جاعدايدا ءوز بەتىنشە ارەكەت ەتپەي, دەرەۋ مەديتسينالىق كومەككە جۇگىنۋ قاجەت», دەلىنگەن رەسمي حابارلامادا.
