فوتو: استانا قالاسى اكىمدىگى
ءىس-شاراعا قالا مەكتەپتەرىنەن شامامەن 2000 وقۋشى قاتىسىپ, ءبارى ءبىر ۋاقىتتا كۇيشى-كومپوزيتور قارشىعا احمەدياروۆتىڭ «التىن ۇيا» كۇيىن ورىندادى.
وقۋشىلار دومبىرا, قوبىز, قىلقوبىز, جەتىگەن, سازسىرناي, فلەيتا جانە سكريپكا سەكىلدى ۇلتتىق ءارى كلاسسيكالىق اسپاپتاردا ونەر كورسەتتى. قاتىسۋشىلاردىڭ جاسى 10 مەن 16 جاس ارالىعىندا بولدى.
ۇيىمداستىرۋشىلاردىڭ ايتۋىنشا, شارانىڭ باستى ماقساتى – مۋزىكا ارقىلى ەل بىرلىگىن كورسەتۋ. ءتۇرلى اسپاپتاردىڭ ءۇنى ءبىر ارناعا توعىسىپ, كوپۇلتتى قازاقستاننىڭ تاتۋلىعىن بەينەلەدى.
وقۋشىلار بۇل كۇيدى ورىنداۋ كەزىندە تۋعان جەرگە دەگەن سۇيىسپەنشىلىكتى سەزىنگەندەرىن ايتتى. «التىن ۇيا» كۇيى وتانعا دەگەن ساعىنىش پەن تۋعان ولكەگە قۇرمەتتى بىلدىرەتىن شىعارما.
