جاڭارۋ جاسامپاز جوبالارعا جول اشادى

كەشە ورتالىق كوممۋنيكاتسيالار قىزمەتىندە «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆ ءباسپاسوز ءماسليحاتىن وتكىزدى. ول بۇرناعى كۇنى ءماجىلىس دەپۋتاتتارىنىڭ جاريالاعان ۇندەۋىنە قاتىستى وتاندىق كاسىپكەرلەردىڭ پىكىرىن ءبىلدىردى. اپتانىڭ سارسەنبىسى كۇنى ەل پارلامەنتىندەگى ءۇش پارتيالىق فراكتسيانىڭ جەتەكشىلەرى كوتەرىپ, ۇسىنعان ۇندەۋدى قالعان دەپۋتاتتاردىڭ بارلىعى ءبىراۋىزدان قولداعانى ءمالىم. كاسىپكەرلەر پالاتاسىنىڭ باسشىسى مۇنداي ۇسىنىستىڭ ءوز ۋاقىتىندا, ورىندى كوتەرىلگەنىن ايتا كەلىپ, سوڭعى ۋاقىتتا پارلامەنت دەپۋتاتتارى بيزنەس-قاۋىمداستىقتارمەن تىعىز بايلانىستا جۇمىس ىستەگەنى جونىندە اڭگىمەلەدى. «اتامەكەن» ۇلتتىق كاسىپكەرلەر پالاتاسى اتىنان كۇنى كەشە عانا وزدەرىڭىز كۋا بولعان ءماجىلىس دەپۋتاتتارىنىڭ, سونىڭ قاتارىندا, پارلامەنتتىك پارتيا فراكتسيالارى باسشىلارىنىڭ باستاماسىن قولداپ, ەلىمىزدە مەرزىمىنەن بۇرىن ءماجىلىس سايلاۋىن جانە وعان بارلىق دەڭگەيدەگى ءماسليحات سايلاۋىن قوسا وتكىزۋ باستاماسىن قولدايتىنىمىزدى جەتكىزگىم كەلەدى. قازىرگى الەمدە ورىن الىپ وتىرعان ەكونوميكالىق قيىندىقتار ءبىزدىڭ ەلگە دە ءوز اسەرىن تيگىزۋدە. سوندىقتان, دەپۋتاتتاردىڭ بۇل باستاماسى وتە ورىندى دەپ سانايمىز. بارشاعا ءمالىم, وتكەن جىلى ەلباسىنىڭ «100 ناقتى قادام» ۇلت جوسپارى اياسىندا ۇلكەن جۇمىستار اتقارىلدى. ناقتى ايتقاندا, «اتامەكەن» ۇلتتىق كاسىپكەرلەر پالاتاسى دا بارلىق 82 زاڭ جوباسىن دايىنداۋعا اتسالىسىپ, سول زاڭداردى پارلامەنت دەپۋتاتتارىمەن بىرگە ەكشەپ, وزدەرىنىڭ ءتيىستى ۇسىنىستارى مەن تىلەكتەرىن ەنگىزدى. ۇلتتىق پالاتا ءماجىلىس دەپۋتاتتارىمەن وسىلاي قويان-قولتىق جۇمىس ىستەدى. اڭگىمەنى وسى ماقساتقا ويىستىرساق, ەندى ۇلت جوسپارى اياسىندا ناقتى جۇمىستار اتقارىلۋى قاجەت. وسىنداي ۇلكەن شارالار قارساڭىندا ءماجiلiس دەپۋتاتتارىنىڭ, پارتيالاردىڭ سايلاۋعا ءتۇسiپ, ەلدiڭ وي-پiكiرiن بiلۋi, مانداتىن الۋى بiزدiڭ ويىمىزشا, يگi باستاما جانە بiز بۇل باستامانى قولدايمىز», دەگەن پالاتا باسشىسى, الەمدiك سىن-قاتەرلەرگە توتەپ بەرۋ ءۇشiن اتالعان سايلاۋدى جىل سوڭىنا دەيiن سوزباۋ ءلازىم ەكەنىنە نازار اۋدارتتى. ەلىمىزدەگى ەكونوميكالىق احۋال مەن ونى وڭالتۋ شارالارى دا پالاتا باسشىسىنىڭ تىلىنە تيەك بولدى. «100 ناقتى قادام» ۇلت جوسپارىنىڭ 50 قادامنان استامى ەكونوميكا, سونىڭ iشiندە, كاسiپكەرلەردi قولداۋعا باعىتتالعان. سوندىقتان, كاسiپكەرلەر ەلباسى جاريالاعان ۇلت جوسپارىنىڭ ناقتى ورىندالۋىنا, ونىڭ وڭ ناتيجەلەرگە قول جەتكiزۋiنە مۇددەلiمiز. تاعى ءبىر ايتارلىعى, ايتۋلى جوسپاردىڭ ارقاسىندا كاسiپكەرلەر كودەكسi قابىلداندى, كاسiپكەرلەر قۇقىعىن قورعايتىن بيزنەس-ومبۋدسمەن ينستيتۋتى بار. وعان قوسا, يندۋستريانى دامىتۋ, شاعىن جانە ورتا بيزنەستi قولداۋ, شەتەلدەن ينۆەستيتسيالار تارتۋ, ۇكiمەت پەن كاسiپكەرلiكتiڭ بiرلەسكەن جۇمىستارىن دامىتۋ سەكiلدi اۋقىمدى شارالار جوسپارلاندى. وسى يگىلىكتىڭ ءبارىن ەسكەرە كەلىپ, ءماجiلiستiڭ جاڭالانىپ, جاڭا مانداتپەن اتالعان جۇمىستارعا كiرiسۋiن قوعام بولىپ قولداعانىمىز ابزال دەپ بىلەمىز. سول سەبەپتi, ءتۇرلى قوعامدىق كۇشتەردi, بارلىق ازاماتتاردى دەپۋتاتتار باستاماسىن قولداۋعا شاقىرامىز», دەدى ا.مىرزاحمەتوۆ. نۇرباي ەلمۇراتوۆ, «ەگەمەن قازاقستان».