ينۆەستورلار ءۇشىن «ءبىر تەرەزە»

ەلىمىزدە ەندى ينۆەستيتسيالىق جوبانى جۇزەگە اسىرۋعا قاجەتتى بارلىق مەملەكەتتىك قىزمەتتى «ءبىر تەرەزە» قاعيداتى ارقىلى حالىققا قىزمەت كورسەتۋ ورتا­لىقتارىنان-اق الۋعا بولادى. كەشە استاناداعى وسىنداي قىزمەت كورسەتۋ ءبولىمىنىڭ جۇمىسىمەن ينۆەس­تيتسيالار جانە دامۋ ءمينيسترى اسەت يسەكەشەۆ تانىستى. حالىققا قىزمەت كورسەتۋ ورتا­لىقتارىندا «ءبىر تەرەزە» قاعيداتى ارقىلى ينۆەستورلارعا قىزمەت كور­سەتۋ بولىمدەرى جاڭا جىلدان بەرى ەلىمىزدىڭ بارلىق وبلىستارىندا ىسكە قوسىلعان بولاتىن. ينۆەستيتسيالار جانە دامۋ مينيسترلىگىنىڭ ءمالى­مەتىنە قاراعاندا, قازاقستاندا قازىرگى تاڭدا ينۆەستورلارعا قىز­مەت كورسەتەتىن 19 ءبولىم جۇمىس ىستەيدى. ونىڭ ەكەۋى استانادا, ۇشەۋى الماتىدا, ال قالعانى وبلىس ورتالىقتارىندا ورنالاسقان. بۇل بولىمشەلەر ين­ۆەستورلارعا بيۋروكراتيالىق جانە اكىمشىلىك سالماقتى ايتارلىقتاي تومەندەتەدى دەپ كۇتىلۋدە. «تەز وزگەرىسكە ۇشىراپ وتىرعان سىرتقى جاعدايلاردا ينۆەستورلار مەن شاعىن بيزنەس ءۇشىن بيۋ­روكراتيالىق كەدەرگىلەردى جويۋعا قاتىستى رەفورمالاردى جىلدام جاساۋ كەرەك. مەملەكەت باسشىسىنىڭ تاپسىرماسى بويىنشا وتكەن جىلى مينيسترلىكتە باسىمدىقتى جوبالار ءۇشىن «ءبىر تەرەزە» قاعيداتى بويىن­شا قىزمەتتى جۇزەگە اسىردىق. ءبىز بارلىق مەمورگاندارمەن نور­ماتيۆتىك-زاڭنامالىق بازانى قا­راستىردىق. ەندى بيىلدان باستاپ كەز كەلگەن ينۆەستورلار ءۇشىن كەڭەس بەرۋ مەن بارلىق رۇقساتنامالىق قۇجاتتاردى ۇسىنۋ قامتىلىپ وتىر. ياعني, ءاربىر ينۆەستور مەمورگاندارعا جۇگىنبەستەن, حقو-عا كەلىپ, ءبىر جەردەن 350 مەملەكەتتىك قىزمەتتى الۋعا مۇمكىندىك جاسالىپ وتىر», دەدى ءا.يسەكەشەۆ. بۇل تۇرعىدا جەردى پايدالانۋ, قۇرىلىس جۇمىستارىنا قاجەتتى قۇجاتتار, ساۋلەتتىك-جوبالاۋ عي­ماراتتارى, ينۆەستيتسيالىق شارتتى بەكىتۋ جانە باسقا دا قىزمەتتەر قامتىلىپ وتىر. اتاپ ايتقاندا, وسى ينۆەستورلارعا قىزمەت كورسەتۋ سەكتورلارىندا ءتيىستى قۇجاتتاردى بەرۋ بارىنشا قىسقا مەرزىمدە اتقارىلماق. مۇنىمەن قوسا مينيستر قازىرگى كەزدە موبيلدىك قىزمەتتەر بو­يىن­شا جۇمىستار جالعاسىپ جات­قاندىعىن جەتكىزدى. «100 ناقتى قادام» ۇلت جوسپارى اياسىندا اقپاراتقا قولجەتىمدىلىك بويىنشا جۇمىستار ءجۇرىپ جاتىر. بيىل 4 ماڭىزدى پورتال قۇرالاتىن بولادى. ونىڭ نەگىزگى ماقساتى – بارلىق مينيسترلىكتەر سايتتاردا باعدارلامالار, بيۋدجەتتەر, ساتىپ الۋلار تۋرالى بارشا اقپاراتتى حالىق ءۇشىن قولجەتىمدى ەتۋگە ءمىن­دەتتى», دەدى ءا. يسەكەشەۆ. سون­داي-اق, مينيستر ەلىمىزدىڭ ينۆەستيتسيالىق احۋالىنا دا قىس­قاشا توقتالىپ ءوتتى. «الەمدەگى داعدارىس سالدارىنان 2014 جىلى ينۆەستيتسيانىڭ تومەندەۋىن باي­قادىق. تالداۋ دە­رەكتەرىنە سۇيەنسەك, ينۆەستيتسيالار مۇناي-گاز جانە تاۋ-كەن سەكتورلارىندا تومەندەدى. ال وڭدەۋشى سا­لا­داعى ينۆەستيتسيا كولەمى ءوزى­نىڭ دەڭگەيىن ساقتاپ قالدى», دەدى ءا.يسەكەشەۆ. وسى ورايدا مينيستر داعدارىسقا قاراماستان, يندۋستريالىق باعدارلاما وڭدەۋشى سالاعا وڭ اسەر ەتكەنىن اتاپ ءوتتى. «ءبىز ينۆەستورلارمەن جۇمىس­تاردى جالعاستىرۋدامىز. يندۋس­تريالىق باعدارلاما بويىنشا جو­بالاردىڭ جالپى پۋلىنىڭ 150-دەن استامى شەتەل ينۆەستورلارىنىڭ قاتىسۋىمەن جۇرۋدە. داعدارىسقا قاراماستان بارشا ينۆەستورلار جۇمىستارىن جالعاستىرۋدا, ياعني نىسانداردى جۇزەگە اسىرۋ مەن ءتيىستى قۇرىلىس جۇمىستارى جۇرۋدە. جاڭا ينۆەستورلارمەن جۇ­مىستار اتقارىپ جاتىرمىز. كۇن سايىن مينيسترلىككە 5-10 ينۆەستور كەلەدى. ءبىز ولارعا قاي سالاعا ينۆەس­تيتسيا سالۋ كەرەكتىگى, جەڭىلدىكتەر الۋ تۇرعىسىندا كەڭەس بەرەمىز», دەدى. وسى ورايدا مينيستر ەندى ينۆەستورلار قاراپايىم قىزمەتتەردى بارىنشا قىسقا مەرزىمدە الۋعا ءمۇم­كىندىك اشىلعانىن باسا ايتتى. الداعى ەكى جىلدا حالىققا قىز­مەت كورسەتۋ ورتالىقتارىندا كورسەتىلەتىن مەملەكەتتىك قىزمەتتەر سانى ارتا تۇسپەك. ءا.يسەكەشەۆ بۇگىندە حالىققا قىزمەت كورسەتۋ ورتالىقتارىندا كوپ قىزمەتتەردى الۋعا بولاتىنىن ايتا كەلە, «بي­ىل بىرنەشە قۇرىلىمداردى بىرىك­تىرەمىز, وسى ورايدا ەل ازاماتتارى حالىققا قىزمەت كورسەتۋ ورتا­لىقتارىندا 530 قىزمەتتى الاتىن بولادى. ءبىز ەكى جىلدىڭ اياسىندا, ءارى كەتسە ءۇش جىلدا بارلىق 700 مەملەكەتتىك قىزمەتتى حقو-لار­دا جۇزەگە اسىرۋدى جوسپارلاپ وتىرمىز», دەدى. دينارا بىتىكوۆا, «ەگەمەن قازاقستان».