ستەپنوگور قالاسىنداعى مەشىتتەن ءورت شىقتى

كوكشەتاۋ. 11 قاڭتار. ستەپنوگور قالاسىنىڭ زاۆودسكوي كەنتىندەگى مەشىتتەن ءورت شىقتى. بۇل تۋرالى اقمولا وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى. دزەرجينسكي كوشەسىنىڭ بويىنداعى مەشىت 30 ادامعا شاقتالعان. ءورت تۋرالى قالالىق ىشكى ىستەر بولىمىنە تاڭعى اۋىسىمعا بارا جاتقان جۇمىسشىلار حابارلاعان كورىنەدى. «ءتىلسىز جاۋدى» قۇرىقتاۋعا توتەنشە جاعدايلار قىزمەتىنەن 10 ادام مەن 2 ارنايى تەحنيكا, «ستەپنوگور تاۋ-كەن حيميا كومبيناتى», «ستەپنوگور پودششيپنيك زاۋىتى» اكتسيونەرلىك قوعامىنان 6 ادام مەن 2 تەحنيكا جۇمىلدىرىلعان. وقيعا قاڭتاردىڭ 10 كۇنگى تاڭعى 06.05 مينۋتتار شاماسىندا ورىن العاندىقتان زارداپ شەككەندەر جوق. ايتكەنمەن, مەشىتتىڭ 100 شارشى مەتر اۋماعىنا زالال كەتىرىلگەن. قازىر ءتيىستى ورگاندار ءورتتىڭ شىعۋ سەبەپتەرىن انىقتاۋ ۇستىندە. باقبەرگەن امالبەك. دەرەك, سۋرەت: اقمولا وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.