قىزىلوردادا 34 جاستاعى كەلىنشەكتىڭ 10 بالاسى بار

استانا. 11 قاڭتار. قىزىلوردالىق گۇلبانۋ جەتكەرباەۆا 34 جاسىندا 10 بالانىڭ اناسى اتانىپ, باتىر انا اتاندى. بۇل تۋرالى nur.kz حابارلايدى. التىن قۇرساقتى كەلىنشەك سوڭعى ەكى بوبەگىن جاڭا جىلدىڭ العاشقى كۇنىندە بوسانعان. ول العاشقى بالاسىن 19 جاسىندا تۋعان. ال قاڭتاردىڭ العاشقى كۇنىندە ەگىز بوسانعان گۇلبانۋ وسىلايشا 34 جاسىندا ون بالانىڭ اناسى اتاندى. ەگىزدەردىڭ ەسىمى – ءالي مەن ءمادي. كەلىنشەك جۇكتىلىگىنىڭ 7-8 اپتاسىندا-اق قۇرساعىندا ەگىز بالا دامىپ كەلە جاتقانىن بىلگەندەرىن ايتادى. سابيلەردىڭ ەسىمدەرىن دە قوس اتاسى قويعان ەكەن. ءتورت كۇن دارىگەرلەردىڭ باقىلاۋىندا بولعان انا مەن قوس نارەستە بىرەر كۇن بۇرىن پەرزەنتحانادان شىقتى. قىزىعى سول, بازارلى وتباسى ەگىزدەردى الىپ كەتۋ ءۇشىن اۆتوبۋسپەن كەلدى. تايشىقوۆتار اۋلەتىنىڭ ۇلكەنى 11-ءشى سىنىپتا وقيدى. گۇلبانۋ كىشكەنتايلارى ءوسىپ, ءبىر جاسقا تولىپ, ءتاي-ءتاي باسقاننان كەيىن وتاعاسى ەكەۋى جاس بالانىڭ ءيىسىن اڭسايتىندارىن جاسىرمايدى. «سول سەزىم, قۇشتارلىق ءاربىر بالامىز تۋعان سايىن وسە بەرەدى. بالالارعا دەگەن ماحابباتىمىز ارتا ءتۇستى. بالا دەگەن تۋعان سايىن ءتاتتى بولا بەرەدى», – دەيدى باتىر انا. سونداي-اق, گۇلبانۋ جەتكەرباەۆا ەڭ باي ءارى باقىتتى جانمىن دەيدى. جالپى, قىزىلوردادا ەلىمىزدىڭ دەموگرافياسىنا ەلەۋلى ۇلەس قوسقان التىن قۇرساقتى انالاردىڭ قاتارى سوڭعى جىلدارى ارتا تۇسكەن. 2016- جىلدىڭ العاشقى اپتاسىندا-اق وبلىس بويىنشا 220 ءسابي دۇنيەگە كەلدى. بۇگىندە وبلىستا 40 مىڭنان استام كوپ بالالى انا بولسا, سونىڭ 25 مىڭى باتىر انا اتاعىن العان. تالعات رايىمبەك. دەرەك, سۋرەت: nur.kz.