پاۆلودار. 11 قاڭتار. سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتە قىسقى دەمالىس كەزىندە مەكتەپ وقۋشىلارىنا ارنالعان اپتالىق وبلىس ورتالىعىنداعى «گەوگرافيا ءۇيىنىڭ» باستاماسىمەن وتۋدە. بۇل تۋرالى egemen.kz ءتىلشىسى حابارلادى.
گەوگرافيالىق اپتالىقتا نورۆەرگيالىق عالىم جانە ساياحاتشى تۋر حەيەردالدىڭ 1947 جىلعى ەكسپەديتسياسى جايىنداعى «كون-تيكي» (نورۆەگيا) كوركەم ءفيلمى كورسەتىلدى. گەوگرافيا ءۇيىنىڭ ديرەكتورى ا. ۆەرۆەكين فيلم تۋرالى قىزىقتى دەرەكتەر جانە ساياحاتشى تۋر حەيەردالدىڭ ءومىرى مەن ساياحاتتارى جايىندا اڭگىمەلەپ بەردى. وقۋشىلار وسلو – بيۋگدەي تۇبەگىندەگى «كون-تيكي» مۋزەيىنەن اكەلىنگەن زاتتار كورمەنسىن تاماشالادى.
اپتالىق سوڭىنا قاراي وقۋشىلار «ەۆەرەست» (اقش, ۇلىبريتانيا, يرلانديا) كوركەم ءفيلمى, شوقان ۋاليحانوۆ» (قازاقستان) دەرەكتى ءفيلمى, بي-بي-سي ۇسىنعان «جەر پلانەتاسى» ( ۇلىبريتانيا) دەرەكتى ءفيلمى جانە «ەرتىس كۇنىنە ارناۋ – ۇلى وزەن تۋرالى» جانە «قاز قوناق: كەشە, بۇگىن, ەرتەڭ» (قازاقستان) اتتى دەرەكتى فيلمدەر كورە الادى.
«بۇل جوبانىڭ بالالار ءۇشىن ماڭىزى زور. گەوگرافيالىق فيلمدەر كورسەتىلىمى ارقىلى وقۋشىلار تۋعان جەردەن باستاپ-بۇكىل پلانەتانى تانىپ-بىلۋگە باعىتتالىپ وتىر. تانىم ارقىلى ولاردىڭ ءوز ەلىنە, جەرىنە دەگەن سۇيىسپەنشىلىگى ارتادى», – دەيدى الەكساندر ۆەرۆەكين.
فاريدا بىقاي.
دەرەك: egemen.kz.
سۋرەت: رۋفينا تورپيششەۆا.
