پاۆلودار. 11 قاڭتار. پاۆلودارداعى سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتە «مۋزەي ءتۇنى» ءىسشاراسى ءوتتى. ونداعى رۋحاني شارا قورقىت اتا عۇمىرناماسى مەن كۇيلەرىنەن باستاۋ الدى. بۇل تۋرالى egemen.kz ءتىلشىسى حابارلادى مۋزەيلەر كەشەنى ىشىنە جينالعان جوعارى سىنىپ وقۋشىلارى, ستۋدەنتتەر دومبىرانىڭ شىعۋ تاريحى, اڭىزدار تىڭدادى. كيىز ءۇيدىڭ قۇرىلىمى مەن جابدىقتارى تۋرالى اقپاراتتار ءبىلدى. باتىرلاردىڭ بەس قارۋىمەن تانىستى. اتا-بابالارىنىڭ شايقاستا قولدانعان وق, سەمسەر, قىلىش, نايزا, ايبالتا جانە شوقپار سىندى قارۋ تۇرلەرىمەن تانىستى. قولونەر شەبەرلەرلەرىنىڭ اشەكەي بۇيىمدارىنا قىزىعۋشىلقتارىن ءبىلدىردى. وقۋ ورنىنىڭ ساۋلەت جانە قۇرىلىس فاكۋلتەتىنىڭ ستۋدەنتتەرى ءوز قولدارىمەن جاساعان اشكەي بۇيىمدارىن كورسەتىپ, ولاردىڭ جاسالۋ جولدارىمەن تانىستىردى.
مۋزەي كەشەنى وبلىستاعى مادەني مۇرانى ساقتاۋشى رەتىندە ستۋدەنتتەرگە رۋحاني-مادەني قىزمەت جاساپ كەلەدى. ۋنيۆەرسيتەتتىڭ عىلىمي-تانىمدىق, مادەني-اعارتۋشىلىق, قوعامدىق بەلسەندىلىگىن كورسەتۋدە. كەشەن قۇرامىندا وبلىس عىلىمىنىڭ تاريحى, قازاق ەتنوگرافياسى, تەحنيكا تاريحى, گەولوگيالىق, الكەي مارعۇلان اتىنداعى ارحەولوگيالىق, تاريحي, «دوس-مۇقاسان» ءانسامبلىنىڭ شىعارماشىلىعىنا ارنالعان, ەلىمىزدىڭ مينەرالدى-شيكىزات بازاسى, جاندىكتەر مۋزەيلەرى بار.
ۋنيۆەرسيتەتتە وتكەن «مۋزەيلەر ءتۇنى» شاراسىنىڭ ماقساتى –كەنشەندە ساقتالىپ تۇرعان ماعىنالى ەكسپوناتتارىمەن جوعارى سىنىپ وقۋشىلارىن, ستۋدەنتتەردى تانىستىرۋ. ۋنيۆەرسيتەت مۋزەيلەر كەشەنىنىڭ ديرەكتورى گۇلنار راحىمجانوۆا قىزىمەت جاساپ كەلەدى.
فاريدا بىقاي.
دەرەك: egemen.kz.
سۋرەت: رۋفينا تورپيششەۆا.
