اقش سوتى تەرروريزم قاۋپى ءۇشىن وزبەك جىگىتىن 25 جىلعا سوتتادى

استانا. 10 قاڭتار. اقش-تىڭ ايداحو شتاتىنىڭ فەدەرالدى سوتى وزبەكستان ازاماتى فازليددين قۋربانوۆتىف تەررورلىق ۇيىمعا قولداۋ كورسەتكەنى جانە جارىلعىش زاتتاردى ساقتاعانى ءۇشىن 25 جىلعا سوتتادى. بۇل تۋرالى ras.kz حابارلادى. «فازليددين قۋربانوۆ «وزبەكستان يسلام قوزعالىسى» ۇيىمىنا ماتەريالدىق قولداۋ كورسەتۋگە كەلىسىم بەرىپ, ارەكەت جاساعانى جانە امەريكا تەرريتورياسىندا تەراكت جاساۋ ماقساتىندا بومبالاردى جيناستىراتىن ماتەريالدار ساتىپ العانى ءۇشىن سوتتالدى», - دەپ مالىمدەدى اقش باس پروكۋرورىنىڭ ۇلتتىق قاۋىپسىزدىك جونىندەگى كومەكشىسى دجون كارلين. «اقش سوتى جاسى 33-تەگى قۋربانوۆ 2015 جىلعى تامىزدا ايىپتى دەپ تاپتى. ول كەسىمدى مەرزىمىن وتەپ بولعاننان كەيىن وتانىنا قايتارىلادى», - دەپ اتاپ كورسەتتى اقش ادىلەت مينيسترلىگىنىڭ وكىلى. پروكۋرورلار ايىپتىعا بەلگىلەنگەن جازاعا قاناعاتتانعاندىقتارىن ءبىلدىردى. قۋربانوۆ 2013 جىلعى مامىر ايىندا ۇستالعان. بۇعان فبر-ءدىڭ ونى ەلەكتروندى پوشتا جانە Skyp ارقىلى بىرقاتار ەلدەردە, سونىڭ ىشىندە وزبەكستان مەن اقش-تا ەكسترەميستىك توپ رەتىندە تانىلعان «وزبەكستان يسلام قوزعالىسى» وكىلدەرىمەن جازىسقان حاتتارىنىڭ مازمۇنىمەن تانىسىپ وتىرۋى سەبەپ بولدى. ول حات الماسۋ بارىسىندا ءوزىنىڭ اقش-قا جاۋلىقپەن قارايتىنىن, ەندى قولدان بومبا جيناپ, ولاردى ايدوحا جانە تەحاس شتاتتارىندا ىسكە قوسۋ نيەتى بار ەكەنىن بىلدىرگەن. تالعات رايىمبەك. دەرەك, فوتو: ras.kz.