جازۋشىعا قۇرمەت كورسەتتى

جاقىندا قازاقستان جازۋشىلار وداعىنىڭ مۇشەسى ءجادي شاكەن ۇلى دۇنيەجۇزىلىك شىڭعىس حان اكادەمياسىنىڭ اكادەمياسى اتاعىن يەلەندى. موڭعوليانىڭ قازاقستانداعى توتەنشە جانە وكىلەتتى ەلشىسىنىڭ ءبىلىم جانە مادەنيەتكە جاۋاپ­تى باس كومەكشىسى باياسگاح ەرحەمبايار سالتاناتتى ءراسىم بارىسىندا جازۋشىعا وسى اتاقتىڭ بەرىلگەنىن حابارلاپ, اتالعان اكادەميانىڭ توسبەلگىسى مەن شىڭعىس حان اتىنداعى «التىن جۇلدىز» وردەنىن تابىستادى. ءجادي شاكەن ۇلى – «اق­بوتا», «بالقايماق», «قى­تايداعى قازاقتار», «ءبىر ۋىس ساۋلە», «قارالى كوش», «جال­عىزدىڭ ءۇنى», «اق­بالاپان», «جانىبەك باتىر», «ارمانشىل بالا» ەڭ­بەك­تەرىنىڭ اۆتورى. جازۋ­شى­نىڭ «اقبوتا» اتتى ەڭبەگى قىتايدا, ال «اقبالاپان» كى­تابى تۇركيادا جارىق كورىپ, وزگە ەلدەردىڭ وقىرماندارى تاراپىنان دا وڭ باعاسىن العان. ونىڭ بىرقاتار شى­عارمالارى وقۋلىقتارعا ەنسە, «تۇركى-موڭعول يمپەرياسى جانە ونىڭ قازاق حاندارىن قالىپتاستىرۋىنىڭ نەگىزى», «شىڭعىسحان اۋلەتى جانە حان تۇقىمىنان تورە قويۋ», «شىعىس تۇركىستان ماسەلەلەرى», «وسپان باتىر» سىندى تاريحي تاقىرىپتا جازعان عىلىمي ماقالالارى ءارتۇرلى باسىلىمداردا جا­ريالانعان. سونداي-اق, ج.ءشا­كەن ۇلىنىڭ قۇراس­تىرۋىمەن 20-دان استام كىتاپ جارىق كورگەن. 2015 جىلى «تاۋەلسىزدىك تاعىلىمى», «ارمانشىل با­لا» ەڭبەكتەرى ءۇشىن حا­لىق­ارالىق كىتاپ ءجار­مەڭ­كە­سىندە ارنايى ماراپاتقا يە بولعان جازۋشى بۇگىندە اقمولا وبلىسىنا قاراستى تسەلينوگراد اۋدانىنداعى قوياندى ورتا مەكتەبىندە ديرەكتور بولىپ قىزمەت اتقارادى. بۇعان دەيىن دۇنيەجۇزىلىك شىڭعىس حان اكادەمياسىنىڭ اكادەميگى اتاعى ەلىمىز بويىنشا 5-6 ادامعا عانا بەرىلگەن ەكەن. ال اقمولا وبلىسى بويىنشا بۇل مارتەبەنى العاش رەت مەكتەپ ديرەكتورى يەلەنىپ وتىر. ءادىل ايتقان.