قىستىڭ كوزى قىراۋدا قالا تۇرعىندارىنا ارنالعان دەمالىس ورىندارى قاجەت-اق. اسىرەسە, اقتۇتەك بورانى مەن قالىڭ قاسات قارى, بەت شىمشىعان ايازى بىرگە كەلەتىن شىعىس ءوڭىرىنىڭ شىڭىلتىر قىسىندا قىسقى سپورت تۇرىمەن شۇعىلدانعا نە جەتسىن؟!
وسى ورايدا وسكەمەن مەن سەمەي قالالارىندا تۇرعىنداردىڭ قىسقى دەمالىسىنا تولىق جاعداي جاسالدى دەۋگە بولادى. التاي مەن ارقانىڭ ايازى تابىساتىن ەرتىس وزەنىنىڭ بويىنداعى قوس قالادا مۇز ايدىندارى مەن شاڭعى جولدارى اشىلىپ, حالىققا قىزمەت كورسەتىپ جاتقانىنا بىرنەشە كۇن. كۇندە كەلسە دە قىس قىزىعىنا ءبۇلدىرشىندەر مەن بالالار تويار ەمەس.
قازىر وبلىس ورتالىعىندا ەكى مۇز ايدىنى جۇمىس ىستەپ تۇر. ۇيىمداستىرۋشىلاردىڭ ايتۋىنشا, مۇندا تاۋلىگىنە 5 مىڭعا جۋىق ادام كەلەدى ەكەن. جارقىلداعان شىرشانى اينالا كونكي تەپكەن قالىڭ قاۋىمدى تاماشالاۋدىڭ ءوزى عاجاپ! كومسومول ارالىندا بالالارعا ارنالعان سىرعاناقتار دا پايدا بولدى. ال سەمەي قالاسىندا «تسەمەنتنيك», «لوكوموتيۆ» ستاديوندارى مەن ورتالىق مادەنيەت ساياباعى, «قۇرىلىسشى» پروفيلاكتورياسىنا 4 مۇز ايدىنى قۇيىلدى. وسكەمەندە كومەندانتكا مەن ءۇلبى وزەندەرىنىڭ جاعالاۋىندا 2 شاڭعى تراسساسى پايدالانۋعا بەرىلدى. الداعى ۋاقىتتا تاعى ءۇشىنشىسى اشىلماق. سەمەيدە قالا تۇرعىندارىنىڭ دەمالىسىنا ارنالعان 5 شاڭعى بازاسى كۇندەلىكتى جۇمىس ىستەپ جاتىر. اتاپ ايتقاندا, «تيسسا», وليمپيالىق سپورت تۇرلەرى بويىنشا بالالار مەن جاسوسپىرىمدەردىڭ سپورت مەكتەبى, «قۇرىلىسشى», ءشاكارىم اتىنداعى سەمەي مەملەكەتتىك ۋنيۆەرسيتەتى مەن سەمەي مەملەكەتتىك مەديتسينا ۋنيۆەرسيتەتىنىڭ شاڭعى بازالارى بار. سونىمەن بىرگە, قالا اۋماعىندا 3 دەمالىس بازاسى, جالپى ءبىلىم بەرۋ مەكتەپتەرى مەن ينتەرناتتارىندا 35 حوككەي قورابى جۇمىس ىستەۋدە.
وڭىردەگى بارلىق مۇز ايدىندارىندا دەمالۋشىلارعا ىڭعايلى بولۋى ءۇشىن شاڭعى مەن كونكيدى جالعا بەرۋ نۇكتەلەرى اشىلدى. الەۋمەتتىك تۇرعىدا از قامتىلعان وتباسىلار مەن بالالار ءۇيلەرىنىڭ تاربيەلەنۋشىلەرىنە تەگىن سىرعاناق تەبۋ مۇمكىندىگى بەرىلدى. سىرعاناقتاردىڭ جانىندا قوعامدىق تاماقتانۋ ورىندارى قىزمەت كورسەتەدى. ال وسكەمەن قالاسىنىڭ ورتالىق الاڭىندا ورنالاسقان الىپ شىرشا اسەم بەزەندىرىلۋىمەن كوز تارتادى. رەسپۋبليكا الاڭى اۋماعىندا سەيىلدەۋشىلەر ءۇشىن دە بىرقاتار جاعداي جاسالىپتى. بالالاردىڭ اتقا ءمىنىپ سەرۋەندەپ, بويلارى توڭازىسا ىستىق شاي ءىشىپ جۇرگەنىن بايقادىق.
– ءار كۇندى كوڭىلدى وتكىزۋگە بولادى. كۇنى بويى كومپيۋتەر الدىندا وتىرعانشا, بىراۋىق دوستارمەن سىرعاناق تەپكەن ابزال ەمەس پە؟! اسىرەسە, ماعان ورتاسىنداعى جاسىل شىرشاسى كوز تارتاتىن كومسومول ارالىنداعى مۇز ايدىنى قاتتى ۇنادى, – دەيدى وسكەمەندىك سانجار تىلەۋحان ەسىمدى 7 سىنىپ وقۋشىسى.
قىس قىزىعىنان قۇر قالماڭىز!
دۋمان اناش,
«ەگەمەن قازاقستان».
شىعىس قازاقستان وبلىسى.
وسى ورايدا وسكەمەن مەن سەمەي قالالارىندا تۇرعىنداردىڭ قىسقى دەمالىسىنا تولىق جاعداي جاسالدى دەۋگە بولادى. التاي مەن ارقانىڭ ايازى تابىساتىن ەرتىس وزەنىنىڭ بويىنداعى قوس قالادا مۇز ايدىندارى مەن شاڭعى جولدارى اشىلىپ, حالىققا قىزمەت كورسەتىپ جاتقانىنا بىرنەشە كۇن. كۇندە كەلسە دە قىس قىزىعىنا ءبۇلدىرشىندەر مەن بالالار تويار ەمەس.
قازىر وبلىس ورتالىعىندا ەكى مۇز ايدىنى جۇمىس ىستەپ تۇر. ۇيىمداستىرۋشىلاردىڭ ايتۋىنشا, مۇندا تاۋلىگىنە 5 مىڭعا جۋىق ادام كەلەدى ەكەن. جارقىلداعان شىرشانى اينالا كونكي تەپكەن قالىڭ قاۋىمدى تاماشالاۋدىڭ ءوزى عاجاپ! كومسومول ارالىندا بالالارعا ارنالعان سىرعاناقتار دا پايدا بولدى. ال سەمەي قالاسىندا «تسەمەنتنيك», «لوكوموتيۆ» ستاديوندارى مەن ورتالىق مادەنيەت ساياباعى, «قۇرىلىسشى» پروفيلاكتورياسىنا 4 مۇز ايدىنى قۇيىلدى. وسكەمەندە كومەندانتكا مەن ءۇلبى وزەندەرىنىڭ جاعالاۋىندا 2 شاڭعى تراسساسى پايدالانۋعا بەرىلدى. الداعى ۋاقىتتا تاعى ءۇشىنشىسى اشىلماق. سەمەيدە قالا تۇرعىندارىنىڭ دەمالىسىنا ارنالعان 5 شاڭعى بازاسى كۇندەلىكتى جۇمىس ىستەپ جاتىر. اتاپ ايتقاندا, «تيسسا», وليمپيالىق سپورت تۇرلەرى بويىنشا بالالار مەن جاسوسپىرىمدەردىڭ سپورت مەكتەبى, «قۇرىلىسشى», ءشاكارىم اتىنداعى سەمەي مەملەكەتتىك ۋنيۆەرسيتەتى مەن سەمەي مەملەكەتتىك مەديتسينا ۋنيۆەرسيتەتىنىڭ شاڭعى بازالارى بار. سونىمەن بىرگە, قالا اۋماعىندا 3 دەمالىس بازاسى, جالپى ءبىلىم بەرۋ مەكتەپتەرى مەن ينتەرناتتارىندا 35 حوككەي قورابى جۇمىس ىستەۋدە.
وڭىردەگى بارلىق مۇز ايدىندارىندا دەمالۋشىلارعا ىڭعايلى بولۋى ءۇشىن شاڭعى مەن كونكيدى جالعا بەرۋ نۇكتەلەرى اشىلدى. الەۋمەتتىك تۇرعىدا از قامتىلعان وتباسىلار مەن بالالار ءۇيلەرىنىڭ تاربيەلەنۋشىلەرىنە تەگىن سىرعاناق تەبۋ مۇمكىندىگى بەرىلدى. سىرعاناقتاردىڭ جانىندا قوعامدىق تاماقتانۋ ورىندارى قىزمەت كورسەتەدى. ال وسكەمەن قالاسىنىڭ ورتالىق الاڭىندا ورنالاسقان الىپ شىرشا اسەم بەزەندىرىلۋىمەن كوز تارتادى. رەسپۋبليكا الاڭى اۋماعىندا سەيىلدەۋشىلەر ءۇشىن دە بىرقاتار جاعداي جاسالىپتى. بالالاردىڭ اتقا ءمىنىپ سەرۋەندەپ, بويلارى توڭازىسا ىستىق شاي ءىشىپ جۇرگەنىن بايقادىق.
– ءار كۇندى كوڭىلدى وتكىزۋگە بولادى. كۇنى بويى كومپيۋتەر الدىندا وتىرعانشا, بىراۋىق دوستارمەن سىرعاناق تەپكەن ابزال ەمەس پە؟! اسىرەسە, ماعان ورتاسىنداعى جاسىل شىرشاسى كوز تارتاتىن كومسومول ارالىنداعى مۇز ايدىنى قاتتى ۇنادى, – دەيدى وسكەمەندىك سانجار تىلەۋحان ەسىمدى 7 سىنىپ وقۋشىسى.
قىس قىزىعىنان قۇر قالماڭىز!
دۋمان اناش,
«ەگەمەن قازاقستان».
شىعىس قازاقستان وبلىسى.
