الەمدەگى ەڭ الىپ ەسكەرتكىش

قازىرگى قىتايدىڭ نەگىزىن قالاۋشىعا ارنالدى قحر-دىڭ حەنان پروۆينتسياسىندا قازىرگى زامانعى قىتايدىڭ نەگىزىن قالاۋشى ماو تسزەدۋننىڭ بيىكتىگى 37 مەترگە جەتەتىن, سىرتى التىنمەن كومكەرىلگەن الىپ ەسكەرتكىشى سالىنىپ ءبىتتى. ول ەندى رەسمي اشىلۋ سالتاناتىن عانا كۇتىپ تۇر. الىپ مونۋمەنت ستاتۋيانىڭ 3 ميلليون يۋانعا جاقىندايتىن (460 مىڭ دوللارعا جۋىق) بارلىق شىعىنىن جەرگىلىكتى بيزنەسمەندەر كوتەرىپتى. «ماڭايداعى ءبىر­قاتار ەلدى مەكەندەردىڭ تۇر­عىندارى قارجى جيناۋعا قاتىستى», دەپ جازادى The People’s Daily. ماونىڭ التىنمەن اپتالعان الىپ تۇلعاسى پروۆينتسيانىڭ تۋن ۋەزىندەگى اۋىل شارۋاشىلىعى القاپتارىنىڭ ۇستىنەن جوعارىدان قاراپ تۇر. وتكەن عاسىردىڭ 50-ءشى جىلدارىنىڭ سوڭىندا حەنان پروۆينتسياسى ماو جۇرگىزگەن سايا­ساتتىڭ سالدارىنان بولعان اش­تىقتىڭ زاردابىن كوبىرەك تارت­قان ەكەن. قازىر وسى وقيعاعا بايلانىستى قىتاي الەۋمەتتىك جە­لىلەرىندەگى پىكىرلەر ەكىگە جارى­لىپ تۇر. ولار­دىڭ بىرقاتارى ەسكەرتكىشتىڭ قويىلاتىن جەرىنىڭ نەگە بۇل ماڭايدىڭ تاڭدالىپ الىنعانىنا قاتتى تاڭدانىس بىلدىرەدى. ولار بۇعان جۇمسالعان قارجىنىڭ ودان دا گورى ماڭىزدى نارسەگە جا­راتىلعانىن ءجون سانايدى. بۇعان قارسى ەكىنشى جاق ماونىڭ ەگىستىك القاپتىڭ قاق ورتاسىن جارىپ سالىنعان ەسكەرتكىشى كحر-ءدىڭ ءبىرىنشى توراعاسىنا كورسەتىلگەن ۇلكەن قۇرمەت ەكەنىن اۋىزعا الادى. ولار مۇنىڭ كەشەگى كوسەم كەلبەتىن ماڭگى ەستە سقالدىرۋدىڭ لايىقتى ءتاسىلى ەكەنىنە ەش كۇمان كەلتىرمەيدى. قىتايدىڭ قازىرگى ليدەرى سي تسزينپين بولسا, ماونىڭ كەزىندە ءبىرشاما قاتەلىكتەر جىبەرگەنىمەن, ۇلى تاريحي تۇلعا بولىپ قالا بە­رەتىنىن ايتادى. دامير قوجامقۇل.