قاھارمان قۇتتىقتادى

وتكەن جىلدىڭ قىر­كۇيەك ايىندا قاراعاندىداعى جالپى ءبىلىم بەرەتىن №77 مەك­تەپ-بالاباقشا كە­شە­نىندە قازاقتىڭ تۇڭعىش عارىش­كەرى توقتار اۋباكىروۆ اتىن­داعى «ۇلتتىق ۇلاندار سىنىبى» اشىلعان بولاتىن. بۇگىنگى كۇندە 5-سىنىپتا وقيتىن 24 ۇلان اسكە­ري-پاتريوتتىق تاربيە الىپ, باتىر­دىڭ ونەگەلى ىزىمەن ءجۇرىپ, جان-جاقتى بولىپ ءوسىپ كەلەدى. مىسالى, ولار ساباقتى عانا جاقسى وقىپ قويماي, سپورتتا دا العا ءتۇ­سىپ, شىعىس جەكپە-جەك ءتۇر­لەرىن جەتىك مەڭگەرگەن. تاياۋدا وسى وقۋ ورنىنا حالىق قاھارمانى, كەڭەس وداعىنىڭ با­تىرى توقتار اۋباكىروۆ ارنايى كەلدى. بۇل كۇنى مەكتەپتە ۇلان­داردىڭ انت قابىلداۋ شاراسى ۇيىم­­داستىرىلعان بولاتىن. باتىر ۇلتتىق ۇلان­دار سىنى­بىنىڭ تاربيە­لە­نۋشىلەرىن ءومىر­دەگى ما­ڭىزدى قادامدارىمەن قۇت­تىقتاپ, ولارعا ءوزىنىڭ اقىل-كەڭەسىن ايتتى. – ارقاشان ۇستازدا­رىڭ­نىڭ ەڭبەگىن باعالاڭدار! مىسالى, مەن ءاردايىم ءوز ۇستازدارىمدى ماقتان تۇ­تامىن. ءتىپتى, گەرمانياعا كوشىپ كەت­كەن ۇستازىممەن كۇنى بۇگىنگە دەيىن حا­بار­لاسىپ تۇرامىن, – دەدى تۇڭ­عىش عارىشكەر. بۇدان كەيىن ول ۇلانداردىڭ وسى سال­تاناتتى ساتكە ارنايى كەلگەن اتا-انالارىنا ارناپ ءسوز سويلەدى. – قازاق ەلىنىڭ وسىنداي ۇل­دارى باردا ءبىزدىڭ ماڭگىلىك ەل بولا­­رىمىزعا كۇمان جوق. ۇلاندار جاس­تايى­نان پاتريوتتىق رۋحتا تاربيەلەنەدى. وتان قور­عاۋ­دىڭ, ەلىن, جەرىن ءسۇيۋدىڭ ءمان-ماعىناسىن بويلارىنا ءسى­ڭىرەدى. سوندىقتان, ەر بالالاردى ەرلىك مەكتەبىنە جول­داعان سىزدەرگە ۇلكەن راحمەت! – دەدى توقتار وڭعار­باي ۇلى. انت قابىلداۋ راسىمىندە ۇلان­دار №5451 اسكەري ءبو­لىمىنە قاراس­تى «بۇركىت» ار­نايى ماقساتتاعى جاسا­عىنىڭ كومەگىمەن ءوز ونەر­لەرىن كورسەتتى. مەكتەپ ديرەكتورى, «ۇلت­­­تىق ۇلان­دار سىنىبىن» اشۋعا باستاما­شى بول­­عان زايرا جانتىباەۆا سال­­­تاناتتى ءراسىم سوڭىندا توقتار ءاۋ­ب­ا­­­كىروۆكە ۇستاز­دار, اتا-انالار ءجا­نە شاكىرت­تەر اتىنان العىس ايتتى. قايرات ءابىلدينوۆ, «ەگەمەن قازاقستان». قاراعاندى.