گولوۆكيننىڭ كەلەسى جەكپە-جەگى وتەتىن كۇن بەلگىلى بولدى

استانا. 6 قاڭتار. كاسىپقوي بوكستا ەل نامىسىن ابىرويمەن قورعاپ جۇرگەن وتانداسىمىز, ورتا سالماقتا WBA (Super), IBO, WBC (Interim) جانە IBF تۇجىرىمدارى بويىنشا الەم چەمپيونى گەننادي گولوۆكين كەلەسى كەزدەسۋىن 23 ءساۋىر كۇنى اقش-تىڭ نيۋ-يورك قالاسىندا وتكىزەدى. بۇل تۋرالى allboxing.ru پورتالىنا سىلتەمە جاساعان egemen.kz ءتىلشىسى حابارلادى. بوكسشىنىڭ پروموۋتەرى توم لەففلەر ءدال سول كۇنگە نيۋ-يوركتەگى اتاقتى Madison Square Garden ارەناسىنا تاپسىرىس بەرىپ قويعان. ازىرگە وتانداسىمىزدىڭ قارسىلاسى كىم بولاتىنى بەلگىسىز. كەيبىر دەرەكتەردە ونىڭ IBF تيتۋلىنان مىندەتتى ۇمىتكەر, باگام ارالدارىنىڭ وكىلى 31 جاستاعى تۋرەانو دجونسون بولۋى مۇمكىن ەكەنى ايتىلعان. گولوۆكيننىڭ مەنەدجەرىنىڭ سوزىنە قاراعاندا, باسقا دا نۇسقالار قاراستىرىلۋدا. ماسەلەن, ورتا سالماقتا WBO تۇجىرىمى بويىنشا الەم چەمپيونى 26 جاستاعى ۇلىبريتانيالىق بيللي دجو سوندەرسكە ۇسىنىس جاسالعان. ايتا كەتەيىك, دۇنيەجۇزىلىك بوكس كەڭەسى (WBC) ورتا سالماقتاعى الەم چەمپيوندارى ساۋل الۆارەس پەن گەننادي گولوۆكينگە قاتىستى ءوز شەشىمىن شىعاردى. سوعان وراي قوس بوكسشى ءوزارا كەزدەسۋ ءۇشىن كەم دەگەندە تاعى ءبىر جەكپە-جەكتەن وتكىزىپ, اتاقتارىن قورعاپ قالۋلارى ءتيىس. قوس تاراپتا 31 مامىرعا دەيىن ۋاقىت بار. ەگەر اتالعان مەرزىمگە دەيىن ەكى جاق ناقتى كەلىسىمگە كەلمەسە, پروموۋتەرلىك ساۋدا ۇيىمداستىرىلادى. وتكەن جىلى قازاقستاندىق ساڭلاق ءۇش كەزدەسۋ وتكىزىپ, بارلىعىندا جەڭىسكە جەتتى. سونىڭ ىشىندە كانادالىق داۆيد لەمەمەن بولعان جەكپە-جەكتىڭ شوقتىعى بيىك. وسى ايقاستان كەيىن گولوۆكين جەڭىس سەرياسىن 34-كە جەتكىزىپ قانا قويماي, قاتارىنان 21 رەت قارسىلاستارىن نوكاۋتقا ءتۇسىرىپ, الەمدىك رەكوردتى جاڭارتتى. ەلامان قوڭىر. دەرەك: allboxing.ru. سۋرەت: vk.com.