دەنساۋلىق ساقتاۋ ءمينيسترىنىڭ بۇيرىعى №492

03.07.2010ج. استانا ق. ەمدەۋگە جاتقىزۋ بيۋروسى پورتالى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ستاتسيونارعا جوسپارلى  ەمدەۋگە جاتقىزۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى «ازاماتتاردىڭ تەگىن مەديتسينالىق كومەكتىڭ كەپىلدىك بەرىلگەن كولەمىن الۋىن قامتاماسىز ەتۋ تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 19 قاراشاداعى № 1887 قاۋلىسىنىڭ 3-تارماعىنىڭ 3) تارماقشاسىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان ەمدەلۋگە جاتقىزۋ بيۋروسى پورتالى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ستاتسيونارعا جوسپارلى  ەمدەۋگە جاتقىزۋدى ۇيىمداستىرۋ جونىندەگى نۇسقاۋلىق بەكىتىلسىن. 2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق قىزمەتكە اقى تولەۋ كوميتەتى (ەرمەكباەۆ ق.ق.) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن. 3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اكىمشىلىك-قۇقىقتىق جۇمىس دەپارتامەنتى (بيسميلدين ف.ب.) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن. 4. «تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە ستاتسيونارعا جوسپارلى ەمدەۋگە جاتقىزۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 21 جەلتوقسانداعى № 860 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5978 تىركەلگەن, قازاقستان رەسپۋبليكاسىنىڭ ورتالىق اتقارۋ جانە وزگە دە مەملەكەتتىك ورگانداردىڭ اكتىلەر جيناعىندا جاريالانعان, 2010 جىلعى 30 ساۋىردەگى № 9 توم) كۇشى جويىلدى دەپ تانىلسىن. 5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋدىڭ ۆيتسە-ءمينيسترى ا.د. قۇرمانعاليەۆاعا جۇكتەلسىن. 6. وسى بۇيرىق ونى العاش رەسمي جاريالانعان كۇنىنەن  باستاپ ون كۇنتىزبەلىك كۇن وتكەننەن كەيىن قولدانىسقا ەنگىزىلەدى. مينيستر ج. دوسقاليەۆ. تولىعىمەن 492 دەنس مين