كۇن تارتىبىندە – قىسقا دايىندىق

كەشە الماتى قالاسىنىڭ اكىمى احمەتجان ەسىموۆ وڭتۇستىك استانانىڭ 2010-2011 جىلدارداعى كۇزگى-قىسقى كەزەڭگە دايىندىعى بارىسى جونىندە كەڭەس وتكىزدى. كەڭەستە قالانىڭ كوممۋ­نال­دىق قىزمەتىنىڭ, كاسىپورىن­داردىڭ, تۇرعىن ءۇي قورىنىڭ, ءبىلىم بەرۋ جانە دەنساۋلىق ساقتاۋ نىساندارىنىڭ, ينجە­نەر­لىك جۇيەسىنىڭ قازىرگى احۋا­لى­نا باعا بەرىلىپ, ولاردىڭ جىلۋ بەرۋ ماۋسىمىنا دايىن­دىعى بارىسى تالقىلاندى. قالا اكىمىنىڭ ورىنباسارى ەر­بول شورمانوۆ تۇتاستاي العان­دا, قالادا جىلۋ بەرۋ ماۋ­سى­مىنا ازىرلىك جۇمىستارىنىڭ بەلگىلەنگەن كەستەدەن ىلگەرى ءجۇرىپ جاتقانىن مالىمدەدى. وسى دايىندىق جونىندەگى قالالىق شتاب ەنەرگەتيكالىق كەشەن, ءبىلىم بەرۋ, دەنساۋلىق ساقتاۋ, تۇرعىن ءۇي قورى نى­سان­دارىنىڭ الداعى قىسقا سەنىمدى دە ساپالى دايىندالۋى ءجونىن­دەگى جۇمىستاردى ۇيلەستىرىپ, ۇدايى باقىلاۋ جاساپ كەلەدى. جىلۋ ماگيسترالدارىن قايتا جابدىقتاۋدى رەسپۋبليكالىق بيۋدجەت ەسەبىنەن قارجىلان­دى­رۋ­دىڭ جىل سايىن ۇلعايا ءتۇسۋى ولارداعى بۇزىلاتىن اۋقىم­دار­دىڭ بىلتىرعى جىلعى وسى كە­زەڭ­نەن 16 پايىزعا دەيىن ازايۋى­نا مۇمكىندىك بەردى. جىلۋ جۇيەلەرىن سىناقتان وتكىزۋ مەن جوندەۋدەن وتكىزۋ جۇمىستارى ۋاقىتىندا قولعا الىندى. كەڭەستىڭ قورىتىندىسىندا ا.ەسىموۆ اۋداندار اكىمدەرىنە بارلىق تۇرعىن ۇيلەردى قىسقى ماۋسىمعا دايىنداۋ تۋراسىندا پيك-تەرمەن تىكەلەي جۇمىس جاساسۋدى تاپسىردى. ال الداعى 1 جەلتوقسانعا دەيىن تۇتىنۋ­شى­لاردىڭ كوممۋنالدىق قىز­مەت جونىندەگى قارىزدارىن 50 پايىزعا دەيىن جويۋ باعى­تىن­دا جۇمىس ءجۇرۋى كەرەك. بۇ­دان ءبو­لەك, قالا اكىمى ءبىلىم بەرۋ جانە دەنساۋلىق ساقتاۋ سالالارىنىڭ باسشىلارىنا اۋداندار اكىم­دەرى­مەن بىرلەسە وتىرىپ, وقۋ جانە ەمدەۋ ورىن­دارىن جىلۋ بەرۋ كەزەڭىنە دايىنداۋدى قامتاماسىز ەتۋدى جۇكتەدى. ول سونىمەن بىرگە جىلۋ بەرۋدىڭ اۆتونومدى كوزدەرىن قوسىمشا وتىنمەن قامتاماسىز ەتۋدىڭ قاجەتتىگىن اتاپ ءوتتى. باسقوسۋدا كەلەسى جىلدىڭ باسىندا وتەتىن قىسقى ازيا ويىندارىنا دايىندىق بارىسى كەلەلى اڭگىمە تاقىرىبىنا اي­نال­دى. سونىڭ قاباتىندا “سا­مۇ­رىق-قازىنا” اكتسيونەرلىك قوعامىنا ازيادا-2011 نىسان­دا­رى­نا قويىلاتىن شاعىن ستان­سالاردى دەر كەزىندە ىسكە قوستىرۋ جونىندە تاپسىرما بەرىلدى. جىلۋ ماۋسىمىنا دەيىن “الماتى ەلەكتر جۇيەسى” اك­تسيو­نەرلىك قوعامىنىڭ ەنەرگيالىق كوزدەرى تولىق دايىندىق سا­پىن­دا تۇرۋى ءتيىس. بولىپ جاتا­تىن اپاتتاردى دەر كەزىندە قال­پىنا كەلتىرىپ, اۆاريالىق بري­گادالاردى تولىعىمەن جابدىق­تاۋ كەرەك. الداعى قىسقى جىلۋ ماۋسى­مىندا قالانى “قازترانسگاز” جانە “ينتەرگاز ورتالىق ازيا” اكتسيونەرلىك قوعامدارى ۇزدىكسىز گازبەن قامتاماسىز ەتىپ تۇراتىن بولادى. “ايماققا گاز جەتكىزۋ تو­لىق قۋاتىندا جۇزەگە اسۋى قاجەت. قىسقى مەزگىلدە الما­تى­عا گازدىڭ وسىلاي تولىق قۋا­تىن­دا كەلىپ تۇرۋىنىڭ بارلىق شارالارىن جاساڭىزدار” دەدى ا.ەسىموۆ. اكىم تاپسىرما­لارى­نىڭ ورىندالۋىن باقىلاۋ ەنەر­گەتيكا جانە كوممۋنالدىق شارۋاشىلىق باسقارماسىنا جۇكتەلدى. “ەگەمەن-اقپارات”.