“قوجايىن مەن قىزمەتشى”

كلاسسيك جازۋشىنىڭ وسى اتتاس اڭگىمەسىندە قارلى بوراندا اداسىپ كەتكەن قوجايىن مەن قىزمەتشىنىڭ ءبىر-بىرىنە دەگەن ادالدىعى, قايعىلى قازامەن اياقتالسا دا, كەرەمەت كور­كەمدىكپەن سۋرەتتەلگەن عوي. ال مىنا جامبىلدىق قوجايىن مەن “قىزمەت­شىنىڭ” باسىنان وتكەن وقيعا مۇلدە باسقاشا ءوربيدى ەكەن. جامبىلدىق ءىز كەسۋشىلەر 14 تا­مىز كۇنى ءشولدالا اۋىلىنىڭ ما­ڭىن­داعى ساياجاي كوشەلەرىندەگى بوس قال­عان عيماراتتىڭ بىرىنەن زەينەت­كەر­دىڭ ءمايىتىن تاپتى. كوپ ۇزاماي ءجابىر­لەنۋشىنىڭ تالاس اۋدانىنداعى قاس­قابۇلاق اۋىلىنىڭ 76 جاسار تۇرعىنى ەكەنى انىقتالدى. ەگدە جاس­قا كەل­گەنىنە قاراماستان, شارۋاسىن ءساتتى ۇيىمداستىرىپ كەلگەن قاريا تامىز­دىڭ باسىندا ءوزىنىڭ مالشى­سى­مەن بىرگە ونشاقتى قويىن ساتۋ ءۇشىن با­زارعا كەتكەن ساپارىنان ورالماي­دى. تۋىستارى “جۇمىسباستى ادام عوي, ءبىر ىستەرىمەن ايالداپ قالعان شىعار, ءالى دە بولسا كەلىپ قالار, كۇتەيىك” دەگەن ۇمىتپەن قاريانى ىزدەۋگە اسىقپايدى. جامبىل وبلىسى ءىىد كريمينال­دىق پوليتسيا باسقارماسىنىڭ ءبولىم باستىعى, پوليتسيا پودپولكوۆنيگى ارداق ءمادىماروۆتىڭ ايتۋىنشا, بازارعا شىعارعان قويلارىن ءساتتى ساۋدالاعان سوڭ, قاسىندا كومەكتەس­كەن بولىپ جۇرگەن مالشىسى قو­جاي­ىنىن ءشولدالا اۋىلىندا تۇراتىن اناسى­نىڭ ۇيىنە ەرتىپ كەلەدى. جومارت قاريا اندرەيدىڭ اناسىنا دەپ ازدى-كوپتى سىيلىقتار مەن ازىق-ت ۇلىك ساتىپ الادى. ول ءوزىنىڭ مالىن باعىپ جۇرگەن اندرەيگە دە اكەسىندەي قاراپ, با­لاسىنداي ەركەلەتىپ, باستان-اياق كيىندىرەدى ەكەن. اندرەيدىڭ اناسىنىڭ ۇيىنەن شىق­قان سوڭ, ولار ايالداماعا قاراي بەت تۇزەيدى. بوس عيماراتتىڭ ما­ڭىن­دا قاريا كەنەتتەن ءسۇرىنىپ كەتىپ, قال­تاسىنداعى اقشالارىن شاشىپ الا­دى. سول ساتتە جالدامالى مالشى جەر­دە جاتقان تاسپەن قاريانى دەمى ءۇزىل­گەنشە باسىنان قاتىگەزدىكپەن ۇرا بەرەدى, ۇرا بەرەدى... ءسويتىپ, ۇرلىق پەن الاياقتىق قىلمىستارى ءۇشىن بۇرىن 3 رەت سوتتى بولعان 26 جاستاعى اندرەي ءوز اكەسىندەي بولىپ كەتكەن قو­جايى­نىنا “العىسىن” وسىلايشا بىلدىرەدى. كۋاگەرلەردىڭ بولماۋى سەبەپتى ورىن العان كىسى ولىمىنە قاتىستى قىل­مىستىق ءىستى تەرگەۋ قيىنعا تۇسكەن. ايتسە دە, كۇدىكتى كوپ ۇزاماي ساۋدا-سات­تىق جاساپ جۇرگەن جەرىنەن ۇستا­لادى. العاشىندا تەرگەۋ امالدا­رىن شا­تاستىرۋعا تىرىسىپ, جاۋاپكەر­شى­لىكتەن قاشپاق بولعان ول ءوز قىل­مىسىن تولىق مويىندايدى. جامبىلدىق ءتارتىپ ساقشىلارى بۇگىنگە دەيىن 67 كىسى ءولىمىن اشتى, ونىڭ ىشىندە بۇرىن جاسالعاندارى – 12, وتكەن جىلعىلارى – 6. ماسەلەن, قازىرگى ۋاقىتتا 35 جاسار جۇكتى ءاي­ەلدىڭ ولىمىنە كۇدىكتى 29 جاستاعى قالا تۇرعىنىنىڭ ءىسى سوت قاراۋىنا جىبە­رىلدى. بىرنەشە پىشاق جاراقاتى سا­لىنعان مۇعالىم ءمايىتى 2005 جىلى قا­لالىق اۋرۋحانا ماڭىنداعى دوس­توەۆسكي كوشەسى بويىنان تابىلعان بولاتىن. بۇل قىلمىستىق ءىس بويىنشا ىزدەستىرۋ شارالارى بەس جىل بويى جۇرگىزىلدى. سونىڭ ناتيجەسىندە پو­ليتسەيلەر دالەلدى ايعاقتار مەن ءبىر­نەشە كۋاگەرلەردى تاپتى. ولار قىل­مىستىق وقيعا بولعان كۇنى ءجابىر­لەنۋشىگە كەلگەن جاس جىگىتتى جازباي تانىعان. كوسەمالى ساتتىباي ۇلى, جامبىل وبلىسى.