06.08.2010 ج. استانا, ۇكىمەت ءۇيى
«قاۋىپسىزدىكتىڭ جالپى تالاپتارى, جەدەل ىزدەستىرۋ ءىس-شارالارىن وتكىزۋ كەزىندە تەلەكوممۋنيكاتسيالىق جابدىققا قويىلاتىن فۋنكتسيونالدىق جانە تەحنيكالىق تالاپتار» تەحنيكالىق رەگلامەنتىن بەكىتۋ تۋرالى
«تەحنيكالىق رەتتەۋ تۋرالى» قازاقستان رەسپۋبليكاسىنىڭ 2004 جىلعى 9 قاراشاداعى زاڭىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان «قاۋىپسىزدىكتىڭ جالپى تالاپتارى, جەدەل ىزدەستىرۋ ءىس-شارالارىن وتكىزۋ كەزىندە تەلەكوممۋنيكاتسيالىق جابدىققا قويىلاتىن فۋنكتسيونالدىق جانە تەحنيكالىق تالاپتار» تەحنيكالىق رەگلامەنتى بەكىتىلسىن.
2. وسى قاۋلى العاش رەت رەسمي جاريالانعاننان كەيىن ون ەكى اي وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.
* * *
قازاقستان رەسپۋبليكاسى ۇكىمەتىنىڭ 2010 جىلعى 06 تامىزداعى № 805 قاۋلىسىمەن بەكىتىلگەن «قاۋىپسىزدىكتىڭ جالپى تالاپتارى, جەدەل ىزدەستىرۋ ءىس-شارالارىن جۇرگىزۋ كەزىندە تەلەكوممۋنيكاتسيالىق جابدىققا قويىلاتىن فۋنكتسيونالدىق جانە تەحنيكالىق تالاپتار» تەحنيكالىق رەگلامەنتى 1. قولدانۋ سالاسى 1. «قاۋىپسىزدىكتىڭ جالپى تالاپتارى, جەدەل ىزدەستىرۋ ءىس-شارالارىن جۇرگىزۋ كەزىندە تەلەكوممۋنيكاتسيالىق جابدىققا قويىلاتىن فۋنكتسيونالدىق جانە تەحنيكالىق تالاپتار» تەحنيكالىق رەگلامەنتى (بۇدان ءارى – تەحنيكالىق رەگلامەنت) قازاقستان رەسپۋبليكاسىنىڭ «تەحنيكالىق رەتتەۋ تۋرالى», «قازاقستان رەسپۋبليكاسىنىڭ ۇلتتىق قاۋىپسىزدىگى تۋرالى», «جەدەل ىزدەستىرۋ قىزمەتى تۋرالى», «بايلانىس تۋرالى», «مەملەكەتتىك قۇپيالار تۋرالى» زاڭدارىن ىسكە اسىرۋ ماقساتىندا ازىرلەندى. 2. تەحنيكالىق رەگلامەنت تالاپتارى اينالىمعا شىعارىلاتىن, پايدالانۋعا ەنگىزىلەتىن جانە پايدالانۋداعى تەلەكوممۋنيكاتسيا جابدىعىنىڭ مىناداي تۇرلەرىنە قولدانىلادى: 1) تىركەلگەن بايلانىس جەلىلەرىنىڭ كوممۋتاتسيالىق جابدىعى; 2) ۇتقىر بايلانىس جەلىلەرىنىڭ كوممۋتاتسيالىق جابدىعى; 3) ينتەرنەت جەلىلەرىنىڭ كوممۋتاتسيالىق جابدىعى. 3. تەحنيكالىق رەگلامەنتتىڭ 2-تارماعىندا كورسەتىلگەن تەلەكوممۋنيكاتسيالىق جابدىق (بۇدان ءارى – تەلەكوممۋنيكاتسيالىق جابدىق) جەدەل ىزدەستىرۋ ءىس-شارالارىن جۇرگىزۋ كەزىندە (بۇدان ءارى – ءجىى) مەملەكەتتىك قۇپيالاردى قۇرايتىن مالىمەتتەردىڭ قورعالۋىن قامتاماسىز ەتۋمەن قولدانىلادى. 4. تەلەكوممۋنيكاتسيالىق جابدىق جوبالىق, شارتتىق, تەحنيكالىق قۇجاتتامالارعا سايكەس قوسىلنىستاردى كوممۋتاتسيالاۋ ءۇشىن فۋنكتسيونالدىق قولدانىلۋى بويىنشا سايكەستەندىرىلەدى. 5. تەلەكوممۋنيكاتسيالىق جابدىقتى فۋنكتسيونالدىق قولدانىلۋى بويىنشا سايكەستەندىرۋ ولشەمدەرى: 1) ابونەنتتەر قوسىلىستارىنىڭ كوممۋتاتسياسى; 2) اقپاراتتىق رەسۋرستارعا قوسىلىستار كوممۋتاتسياسى; 3) ماتىندىك جانە گرافيكالىق حابارلامالاردى بەرۋ ءۇشىن قوسىلىستار كوممۋتاتسياسى بولىپ تابىلادى. 6. تەلەكوممۋنيكاتسيالىق جابدىقتىڭ سايكەستىگى, جابدىق تۋرالى قاجەتتى اقپارات ىلەسپە قۇجاتتاردا جانە (نەمەسە) تاڭبالاۋدا بولۋىمەن قامتاماسىز ەتىلەدى. 7. تەلەكوممۋنيكاتسيالىق جابدىقتا قوسىلىستار كوممۋتاتسياسى ءۇشىن فۋنكتسيونالدىق قولدانۋ تۋرالى جانە وسى تەحنيكالىق رەگلامەنتكە سايكەستىگى تۋرالى ءماتىن تۇرىندەگى اقپاراتى بار تاڭبالاۋ بولۋى ءتيىس. 8. تەلەكوممۋنيكاتسيالىق جابدىقتىڭ جەدەل ىزدەستىرۋ ءىس-شارالارىنا قويىلعان مىندەتتتەردى ورىنداۋعا اسەر ەتۋشى قاۋىپتى (تاۋەكەل) فاكتورلار: 1) قىلمىستىق ءىس قيمىلداردىڭ وسۋىنە جانە ۇلتتىق قاۋىپسىزدىككە نۇقسان كەلتىرۋى مۇمكىن ءجىى-ءنى تەحنيكالىق جۇرگىزۋدىڭ فۋنكتسيالارى مەن قۇرالدارىن قامتاماسىز ەتپەۋ; 2) ءجىى جۇرگىزۋ كەزىندە مەملەكەتتىك قۇپيالاردىڭ جوعالۋىنا جانە ۇلتتىق قاۋىپسىزدىككە نۇقسان كەلتىرۋگە اكەپ سوعاتىن, قۇپيالىلىق رەجىمىنىڭ تالاپتارىن قاماتاماسىز ەتپەۋ بولىپ تابىلادى. 2. تەرميندەر مەن انىقتامالار 9. تەحنيكالىق رەگلامەنتتە قازاقستان رەسپۋبليكاسىنىڭ «تەحنيكالىق رەتتەۋ تۋرالى», «بايلانىس تۋرالى», «مەملەكەتتىك قۇپيالار تۋرالى» زاڭدارىندا, ەلەكتر بايلانىسى بويىنشا سالالىق جىكتەۋىشتە پايدالانىلعان تەرميندەر, سونداي-اق مىناداي تەرميندەر مەن انىقتامالار قولدانىلادى: 1) تىركەلگەن تەلەفون بايلانىسى جەلىلەرىنىڭ كوممۋتاتسيالىق جابدىعى – تىركەلگەن تەلەفون بايلانىسى جەلىلەرىندە ەلەكتروماگنيتتىك نەمەسە وپتيكالىق سيگنالداردى قالىپتاستىرۋعا, تاراتۋعا, قابىلداۋعا, ساقتاۋعا, وڭدەۋگە, كوممۋتاتسيالاۋعا نەمەسە ولاردى باسقارۋعا مۇمكىندىك بەرەتىن تەحنيكالىق قۇرىلعىلار, جابدىق, جۇيەلەر جانە باعدارلامالىق قۇرالدار; 2) ۇتقىر بايلانىسى جەلىلەرىنىڭ كوممۋتاتسيالىق جابدىعى – ۇتقىر بايلانىس جەلىلەرىندە ەلەكتروماگنيتتىك نەمەسە وپتيكالىق سيگنالداردى قالىپتاستىرۋعا, تاراتۋعا, قابىلداۋعا, ساقتاۋعا, وڭدەۋگە, كوممۋتاتسيالاۋعا نەمەسە ولاردى باسقارۋعا مۇمكىندىك بەرەتىن تەحنيكالىق قۇرىلعىلار, جابدىق, جۇيەلەر جانە باعدارلامالىق قۇرالدار; 3) ينتەرنەت جەلىلەرىنىڭ كوممۋتاتسيالىق جابدىعى – ينتەرنەت جەلىلەرىندە ەلەكتروماگنيتتىك نەمەسە وپتيكالىق سيگنالداردى قالىپتاستىرۋعا, تاراتۋعا, قابىلداۋعا, ساقتاۋعا, وڭدەۋگە, كوممۋتاتسيالاۋعا نەمەسە ولاردى باسقارۋعا مۇمكىندىك بەرەتىن تەحنيكالىق قۇرىلعىلار, جابدىق, جۇيەلەر جانە باعدارلامالىق قۇرالدار; 4) باسقارۋ ءپۋلتى – ءجىى جۇرگىزۋ كەزىندە تەلەكوممۋنيكاتسيالىق جابدىقپەن كوماندالار جانە حابارلامالار الماسۋعا ارنالعان تەلەكوممۋنيكاتسيالىق جابدىقتىڭ قۇرامىنا كىرەتىن اپپاراتتىق-باعدارلامالىق جانە تەحنيكالىق قۇرالدار جيىشتىعى; 5) ارنايى دەرەكقور – ءجىى جۇرگىزۋ كەزىندە ىرىكتەلىپ الىنعان حابارلامالاردى ۇزاق ۋاقىت ساقتاۋ جۇيەسى; 6) اكىمشىلىك ەتۋدىڭ جانە وڭدەۋدىڭ جۇمىس ورىندارى – باسقارۋ پۋلتىنە اكىمشىلىك ەتۋ جانە ارنايى دەرەك قورداعى حابارلامالاردى وڭدەۋ ءۇشىن مامانداندىرىلعان باعدارلامالىق قامتاماسىز ەتۋى بار كومپيۋتەرلىك جۇمىس ورىندارى; 7) تەلەكوممۋنيكاتسيالىق جابدىق – ەلەكتروماگنيتتىك نەمەسە وپتيكالىق سيگنالداردى قالىپتاستىرۋعا, تاراتۋعا, قابىلداۋعا, ساقتاۋعا, وڭدەۋگە, كوممۋتاتسيالاۋعا نەمەسە ولاردى باسقارۋعا مۇمكىندىك بەرەتىن تەحنيكالىق قۇرىلعىلار, جابدىقتار, جۇيەلەر جانە باعدارلامالىق قۇرالدار; 8) ءجىى جۇرگىزۋ فۋنكتسيالارى مەن تەحنيكالىق قۇرالدارى – ءجىى قويىلعان مىندەتتەردىڭ ورىندالۋىن قامتاماسىز ەتەتىن تەلەكوممۋنيكاتسيالىق جابدىقتىڭ قۇرامىنا كىرەتىن اپپاراتتىق-باعدارلامالىق جانە تەحنيكالىق قۇرالدار جيىشتىعى; 9) بايلانىس سالاسىنداعى ۋاكىلەتتى ورگان – قازاقستان رەسپۋبليكاسىنىڭ ۇكىمەتى ايقىندايتىن, بايلانىس سالاسىندا مەملەكەتتىك ساياساتتى ىسكە اسىرۋدى, بايلانىس سالاسىندا قىزمەت كورسەتەتىن نەمەسە ولاردى پايدالاناتىن تۇلعالاردىڭ قىزمەتىنە مەملەكەتتىك باقىلاۋدى, ۇيلەستىرۋ مەن رەتتەۋدى جۇزەگە اسىراتىن ورتالىق اتقارۋشى ورگان; 10) ءجىى جۇرگىزۋ جونىندەگى ۋاكىلەتتى ورگان – قازاقستان رەسپۋبليكاسىنىڭ زاڭناماسىنا سايكەس تەلەكوممۋنيكاتسيا جەلىلەرىندە جەدەل ىزدەستىرۋ ءىس-شارالارىن جۇزەگە اسىراتىن مەملەكەتتىك ورگان; 11) مونيتورينگ ورتالىعى – جەدەل ىزدەستىرۋ ءىس-شارالارىن جۇرگىزۋ كەزىندە بارلىق تەلەكوممۋنيكاتسيا جەلىسىندە تەلەكوممۋنيكاتسيالىق جابدىقتى باسقارۋدى جانە ىرىكتەپ الىنعان حابارلامالاردى ساقتاۋدى قامتاماسىز ەتەتىن تەلەكوممۋنيكاتسيا جەلىسىنىڭ قۇرامىنداعى جابدىقتار جيناقتالىمى. 3. نارىقتا ورنالاستىرۋ شارتتارى 10. تەلەكوممۋنيكاتسيالىق جابدىق تەحنيكالىق رەگلامەنتكە سايكەس بولعان جاعدايدا نارىقتا ورنالاستىرىلادى. 11. قازاقستان رەسپۋبليكاسىنىڭ اۋماعىندا اينالىمداعى نەمەسە رەسپۋبليكا اۋماعىنا اكەلىنەتىن تەلەكوممۋنيكاتسيالىق جابدىقتا, ءجىى جۇرگىزۋ فۋنكتسيالارعا جانە تەحنيكالىق قۇرالدارعا سايكەستىگى جونىندە سەرتيفيكات بىرگە بولۋى ءتيىس. 12. تەلەكوممۋنيكاتسيالىق جابدىق پايدالانۋ مەرزىمىندە ۇزدىكسىز, توقتاۋسىز ۇزاق ۋاقىت جۇمىس ىستەۋىن, توقتاۋلار سانىنىڭ ەڭ كەمىن قامتاماسىز ەتۋ ءتيىس. 4. جالپى قاۋىپسىزدىك تالاپتارى, تەلەكوممۋنيكاتسيالىق جابدىققا قويىلاتىن فۋنكتسيونالدىق جانە تەحنيكالىق تالاپتار 13. تەلەكوممۋنيكاتسيالىق جابدىقتىڭ مىناداي ءجىى تەحنيكالىق جۇرگىزۋ فۋنكتسيالارى بولۋى ءتيىس: 1) تەلەفون سويلەسۋلەرiن تىڭداۋ جانە جازىپ الۋ; 2) جۇرگىزىلگەن تەلەفون سويلەسۋلەرى تۋرالى مالiمەتتەر الۋ; 3) ماتىندىك جانە گرافيكالىق قۇجاتتىق حابارلامالاردى قاراۋ جانە جازىپ الۋ; 4) بەرىلگەن ماتىندىك جانە گرافيكالىق قۇجاتتىق حابارلامالار تۋرالى مالiمەتتەر الۋ; 5) ۇتقىر ابونەنتتەردىڭ تۇرعان جەرلەرى تۋرالى مالىمەتتەر الۋ; 6) دەرەكقورلاردا اقپاراتتى جيناقتاۋ جانە ساقتاۋ. 14. ءجىى تەحنيكالىق جۇرگىزۋ مىندەتتەرىن ورىنداۋ ءۇشىن تەلەكوممۋنيكاتسيا جەلىلەرىنىڭ يەلەرى, بايلانىس وپەراتورلارى, تەلەكوممۋنيكاتسيالىق جابدىقتىڭ قۇرامىندا مىناداي قۇرالداردىڭ بولۋىن قامتاماسىز ەتەدى: 1) قوسىلۋلاردى جانە اقپاراتتىق حابارلامالاردى بەرۋدى جۇزەگە اسىرۋ بارىسىندا, بەلگىلەنگەن ابونەنتتەردىڭ حابارلامالارىن قارماۋ; 2) بەلگىلەنگەن سايكەستىك بەلگىلەرى بويىنشا بەرىلەتىن ماتىندىك جانە گرافيكالىق قۇجاتتىق حابارلامالاردى قارماۋ; 3) بەلگىلەنگەن ابونەنتتەردىڭ قوسىلۋلارى جونىندە ستاتيستيكالىق اقپاراتتى, قوسىلۋ ۋاقىتتارىنىڭ فازاسىن, ۇزاقتىعىن, بەرىلگەن حابارلامالاردىڭ مولشەرىن ت.س.س. جيناۋ; 4) ابونەنتتەر تۋرالى قىزمەتتىك اقپاراتقا قول جەتكىزۋ; 5) تەلەكوممۋنيكاتسيا جەلىسىندەگى (بيللينگكە) بارلىق قوسىلۋلار تۋرالى ستاتيستيكالىق اقپاراتقا قول جەتكىزۋ; 6) ۇتقىر بايلانىس ابونەنتتەرىنىڭ (ۇتقىر بايلانىس جەلىلەرى ءۇشىن) تۇرعان جەرى جونىندەگى ستاتيستيكالىق اقپاراتقا قول جەتكىزۋ; 7) حابارلامالاردى قارماۋدى, اقپارات جيناۋدى ۇيىمداستىرۋ ءۇشىن باسقارۋ ءپۋلتى (جۇيەسى); 8) ءجىى كەزىندە ىرىكتەپ الىنعان حابارلامالاردى, ستاتيستيكالىق جانە قىزمەتتىك اقپاراتتى ساقتاۋ ءۇشىن دەرەكتەردىڭ ارنايى قورلارى; 9) باسقارۋ ءپۋلتىن (جۇيەلەرىن) جانە ارنايى دەرەك قورلارداعى حابارلامالاردى وڭدەۋدى اكىمشىلەندىرۋدىڭ جۇمىس ورىندارى; 10) شىعارىلعان اكىمشىلەندىرۋ جانە وڭدەۋ جۇمىس ورىندارىنان ارنايى دەرەكقورعا قول جەتكىزۋ. 15. تەحنيكالىق رەگلامەنتتىڭ 14-تارماعىندا كورسەتىلگەن تەحنيكالىق قۇرالدار جەكە قۇرىلعىلار جانە جۇيەلەر بولۋى مۇمكىن. اتالعان قۇرالداردى (جۇيەلەردى) ءوزارا قوسۋ ستاندارتتىق جالپى قابىلدانعان بايلانىس حاتتامالارى بويىنشا جۇزەگە اسىرىلۋى ءتيىس. 16. حابارلامالاردى قارماۋ قۇرالدارى بايلانىس قىزمەتىن پايدالانۋشىلاردىڭ بەلگىلەنگەن تەلەفون نومىرلەرى, ينتەرنەت جەلىلەرىن پايدالانۋشىلاردىڭ سايكەستىك بەلگىلەرى, ەلەكتروندىق پوشتا مەكەنجايلارى, وزگەدە ۇقساس سايكەستىك بەلگىلەرى بويىنشا, ولاردىڭ جالپى سانىنىڭ 1%-دان كەم ەمەس بايلانىس قىزمەت پايدالانۋشىلارىنىڭ حابارلامالارىن قارماۋدى قامتاماسىز ەتۋى ءتيىس. ءار ءتۇرلى پايدالانۋشىلاردىڭ حابارلامالارىن ءبىر مەزگىلدە قارماۋ قامتاماسىز ەتىلۋى ءتيىس. 17. تەلەفون سويلەسۋلەرى مەن قۇجاتتىق حابارلامالاردى ارنايى دەرەك قورلارعا جازۋ ستاندارتتىق جالپى قابىلدانعان حاتتامالار بويىنشا جۇزەگە اسىرىلۋى ءتيىس. 18. ارنايى دەرەكقور اقپاراتتاردى ساقتاۋعا جانە ولارعا قول جەتكىزۋگە ستاندارتتىق جالپى قابىلدانعان حاتتامالاردى پايدالانۋى ءتيىس. دەرەكقوردىڭ كولەمى اقپاراتتى كەمىندە 3 اي ۋاقىت كەزەڭى ىشىندە ساقتاۋدى قامتاماسىز ەتۋ ءتيىس. 19. ارنايى دەرەكقوردا جازبالاردى اۆاريالىق جويۋدان قورعايتىن قۇرالدار, سونداي-اق جازبالاردى رەزەرۆتى ساقتايتىن قۇرالدار بولۋ ءتيىس. 20. قوسىلۋلار تۋرالى ستاتيستيكالىق اقپاراتتى جيناۋ قۇرالدارى تەلەكوممۋنيكاتسيا جەلىسىندەگى بارلىق قوسىلۋلار تۋرالى اقپاراتتى جيناۋدى جانە اتالعان اقپاراتتى كەمىندە 3 جىل ۋاقىت كەزەڭى ىشىندە ساقتاۋدى قامتاماسىز ەتۋى ءتيىس. 21. تۇرعان جەرلەرىن انىقتايتىن قۇرالدار ۇتقىر بايلانىس ابونەنتتەرىنىڭ تۇرعان جەرلەرىن ستاندارتتىق ءدال انىقتاۋدى قامتاماسىز ەتۋى ءتيىس. 22. باسقارۋ ءپۋلتىن (جۇيەلەرىن) اكىمشىلەندىرۋ جۇمىس ورىندارىن, بايلانىس قىزمەتىن پايدالانۋشىلاردىڭ تەلەفون نومىرلەرىن, ينتەرنەت جەلىلەرىن پايدالانۋشىلاردىڭ سايكەستەندىرۋ بەلگىلەرىن, ەلەكتروندىق پوشتا مەكەنجايلارىن, ولاردىڭ حابارلامالارىن قارماۋدى جانە جازىپ الۋدى جۇزەگە اسىرۋ ءۇشىن وزگە دە ۇقساس سايكەستەندىرۋ بەلگىلەرىن تاپسىرۋدى قامتاماسىز ەتۋى ءتيىس. 23. ارنايى دەرەكتەر قورلارىندا ساقتالعان حابارامالاردى وڭدەۋگە ارنالعان جۇمىس ورىندارى دىبىستىق حابارلامالاردى تىڭداۋدى, قۇجاتتىق حابارلامالاردى وقۋدى, قاراۋدى قامتاماسىز ەتۋى ءتيىس. 24. تەلەكوممۋنيكاتسيا جەلىسىندە ءجىى قامتاماسىز ەتۋ ءۇشىن ءبىر نەمەسە بىرنەشە مونيتورينگ ورتالىقتارى قالىپتاستىرىلادى, ولاردىڭ قۇرامىنا وسى تەلەكوممۋنيكاتسيا جەلىسىندە حابارلامالاردى قارماۋدى جانە اقپاراتتى جيناۋدى ۇيىمداستىرۋ ءۇشىن باسقارۋ پۋلتتەرى (جۇيەلەرى), ءجىى كەزىندە ىرىكتەپ الىنعان حابارلامالار مەن اقپاراتتى ساقتاۋ ءۇشىن ارنايى دەرەك قوردىڭ جۇيەلەرى, شىعارىلعان اكىمشىلەندىرۋ جانە وڭدەۋ جۇمىس ورىندارىنان قول جەتكىزۋ قۇرالدارى كىرەدى. تەلەكوممۋنيكاتسيا جەلىلەرىندە مونيتورينگ ورتالىقتارىن قالىپتاستىرۋدى وسى جەلىلەردىڭ يەلەرى, بايلانىس وپەراتورلارى جۇزەگە اسىرادى. 25. تەلەكوممۋنيكاتسيا جەلىسىندەگى مونيتورينگ ورتالىعىنا (ورتالىقتارىنا) ءجىى جۇرگىزۋ جونىندەگى ۋاكىلەتتى ورگاننىڭ اكىمشىلەندىرۋ جانە وڭدەۋ جۇمىس ورىندارىن قوسۋ قامتاماسىز ەتىلەدى. جۇمىس ورىندارىن قوسۋ ستاندارتتىق جابدىقتار مەن مەملەكەتتىك قۇپيالاردى قورعايتىن تەحنيكالىق قۇرالداردىڭ كومەگىمەن جۇزەگە اسىرىلادى. 26. سانى 10000 ابونەنتتەن اسپايتىن ءار ءتۇرلى تەلەكوممۋنيكاتسيا جەلىلەرىن, وسى جەلىلەردىڭ بىرىڭعاي مونيتورينگ ورتالىعىن قالىپتاستىرۋ كەزىندە ءجىى جۇرگىزۋ فۋنكتسيالارى مەن تەحنيكالىق قۇرالدارى بويىنشا بىرىكتىرۋگە بولادى. بۇل ورايدا, ءجىى جۇرگىزۋ فۋنكتسيالارى مەن تەحنيكالىق قۇرالدارى بويىنشا بىرىكتىرىلگەن بارلىق تەلەكوممۋنيكاتسيا جەلىلەرىندە ءجىى جۇرگىزۋ قامتاماسىز ەتىلەدى. تەلەكوممۋنيكاتسيا جەلىلەرىن ءجىى جۇرگىزۋ فۋنكتسيالارى مەن تەحنيكالىق قۇرالدارى بويىنشا بىرىكتىرۋدى وسى جەلىلەردىڭ يەلەرى, بايلانىس وپەراتورلارى جۇزەگە اسىرادى. 27. تەلەكوممۋنيكاتسيالىق جابدىقتى رەتتەۋ, تەحنيكالىق قولداۋ, قىزمەت كورسەتۋ, جوسپارلى-الدىن الۋ جانە جوندەپ قالپىنا كەلتىرۋ جۇمىستارىن جۇرگىزۋ ءۇشىن, ءجىى جۇرگىزۋ فۋنكتسياسىن تەكسەرەتىن, ارنايى اقپاراتتىق باعدارلامالىق جانە سىندارلى ورىندالۋى بار تەستىلىك اسپاپتاردى قولدانۋعا بولادى. 5. جوسپارلاۋعا قويىلاتىن قاۋىپسىزدىك تالاپتارى 28. تەلەكوممۋنيكاتسيا جەلىلەرى ءجىى قامتاماسىز ەتۋ جوبالارىمەن قامتىلۋى ءتيىس, ولاردا تەلەكوممۋنيكاتسيالىق جابدىقتار تۋرالى مىناداي مالىمەتتەر بولۋى ءتيىس: 1) تىزبە, تەحنيكالىق سيپاتتاما, قوسۋ سحەماسى; 2) سايكەستىك سەرتيفيكاتتارىنىڭ بولۋى; 3) پايدالانۋ قاعيداسى. 29. تەلەكوممۋنيكاتسيا جابدىعىنىڭ تەحنيكالىق سيپاتتاماسى مەن قوسۋ سحەماسى مىنالاردى: 1) قالالار مەن ەلدى مەكەندەردىڭ گەوگرافيالىق ورنالاسقان جەرلەرىن ەسكەرىپ, تەلەكوممۋنيكاتسيا جەلىسىنىڭ ورنالاسۋىن; 2) ءجىى جۇرگىزۋ فۋنكتسيالارىن جانە تەحنيكالىق قۇرالدارىن; 3) تەلەكوممۋنيكاتسيا جەلىسىندە ورنالاسۋىن جانە مونيتورينگ ورتالىعىن (ورتالىقتارىن); 4) اكىمشىلەندىرۋ جانە باسقارۋ جۇمىس ورىندارىنىڭ قوسىلۋىن; 5) ولارعا قاتىستى ءجىى جۇرگىزىلۋى قامتاماسىز ەتىلەتىن ابونەنتتەر توپتارىن; 6) سانكتسياسىز قول جەتكىزۋدى فيزيكالىق جانە اپپاراتتىق-باعدارلامالىق شەكتەۋ جانە مەملەكەتتىك كۇپيالاردى قورعاۋ شارالارىن بەينەلەۋى ءتيىس. 6. مەملەكەتتىك قۇپيالاردى قورعاۋ جونىندەگى تالاپتار 30. ءجىى جۇرگىزۋ كەزىندە تەلەكوممۋنيكاتسيالىق جابدىقتى پايدالانۋ مەملەكەتتىك قۇپيالاردى قۇرايتىن مالىمەتتەردىڭ اينالىمىن رەتتەيتىن نورماتيۆتىك قۇقىقتىق اكتىلەردى بەلگىلەنگەن قۇپيالىق رەجىمنىڭ تالاپتارىن ەسكەرە وتىرىپ جۇزەگە اسىرىلۋى ءتيىس. 31. تەلەكوممۋنيكاتسيا جەلىلەرىنىڭ وبەكتىلەرىندە قۇپيالىلىق رەجيمى جانە تەلەكوممۋنيكاتسيالىق جابدىقتى قۇراستىرۋ جانە باپتاۋ جونىندەگى مامانداردىڭ, پايدالانۋشىلاردىڭ, قىزمەت كورسەتەتىن جانە پايدالانۋشى پەرسونالدىڭ قول جەتكىزۋىنە رۇقسات بەرۋ جۇيەسى مىندەتتى تۇردە ۇيىمداستىرىلۋى ءتيىس. 32. ءجىى جۇرگىزۋ كەزىندە مەملەكەتتىك قۇپيالاردى قورعاۋدى قامتاماسىز ەتۋ ءۇشىن تەلەكوممۋنيكاتسيا جەلىلەرىنىڭ يەلەرى, بايلانىس وپەراتورلارى تەلەكوممۋنيكاتسيالىق جابدىقتىڭ قۇرامىندا مىناداي قۇرالداردىڭ بولۋىن قامتاماسىز ەتەدى: 1) باعدارلامالىق قامتاماسىز ەتۋدى قورعاۋ; 2) جابدىققا فيزيكالىق اسەر ەتۋ تۋرالى سيگنال بەرۋ (اشىلۋى, قوسىلۋى, اقاۋى ت.ب. تۋرالى); 3) اسەر ەتۋشى كوزدەرىدى انىقتاۋ ءۇشىن سانكتسياسىز قول جەتكىزۋ ارەكەتىن, ۋاقىتىن, ورنىن جانە اسەر ەتۋ ءتۇرىن, جابدىقتىڭ تەحنيكالىق مۇمكىندىگىن قوسا ەسكەرە وتىرىپ تىركەۋ. 7. سايكەستىكتى راستاۋ 33. تەلەكوممۋنيكاتسيالىق جابدىقتىڭ سايكەستىگىن راستاۋ تەحنيكالىق رەگلامەنتتە جانە قازاقستان رەسپۋبليكاسى ۇكمەتىنىڭ 2008 جىلعى 4 اقپانداعى № 90 قاۋلىسىمەن بەكىتىلگەن «سايكەستىكتى راستاۋ ءراسىمى» تەحنيكالىق رەگلامەنتىندە بەلگىلەنگەن تالاپتارعا سايكەس جۇزەگە اسىرىلادى. 34. تەلەكوممۋنيكاتسيالىق جابدىق مىندەتتى تۇردە سەرتيفيكاتتاۋدان وتكىزىلىپ, ءجىى تەحنيكالىق قامتاماسىز ەتۋ سالاسىنداعى سايكەستىگى راستالۋى ءتيىس. تەحنيكالىق رەگلامەنتتىڭ 14 جانە 32-تارماقتارىندا كورسەتىلگەن جەكە جۇيەلەردىڭ (قۇرالداردىڭ) سايكەستىگىن راستاۋعا رۇقسات ەتىلەدى. 35. سەرتيفيكاتتاۋ سىناقتارى كەزىندە تەلەكوممۋنيكاتسيالىق جابدىقتىڭ ءجىى تەحنيكالىق جۇرگىزۋ فۋنكتسيالارىن تەكسەرۋ ءۇشىن قولدا بار ارنايى اپپاراتتىق-باعدارلامالىق جانە كونسترۋكتيۆتىك ورىندالۋ تەستىلىك قۇرالدارى قولدانىلادى. 36. سەرتيفيكاتتاۋدان وتكەن تەلەكوممۋنيكاتسيالىق جابدىق بەلگىلەنگەن نىسانداعى سايكەستىك بەلگىسىمەن تاڭبالانادى. 8. قولدانىلۋ مەرزىمدەرى مەن شارتتارى 37. تەحنيكالىق رەگلامەنت قولدانىسقا ەنگىزىلگەن ساتتەن باستاپ قازاقستان رەسپۋبليكاسىنىڭ اۋماعىندا قولدانىستاعى نورماتيۆتىك قۇقىقتىق اكتىلەر ولار تەحنيكالىق رەگلامەنتكە سايكەس كەلتىرىلگەنگە دەيىن تەحنيكالىق رەگلامەنتتىڭ تالاپتارىنا قايشى كەلمەيتىن جانە ۇلتتىق قاۋىپسىزدىك مۇددەسىن قورعاۋ ماقساتىنا سايكەس كەلەتىن بولىگىندە عانا ورىندالۋى ءتيىس. 38. قۇرامىندا بۇرىنعى قولدانىستاعى قۇقىقتىق تالاپتارعا سايكەس قۇراستىرىلعان تەلەكوممۋنيكاتسيالىق جابدىقتارى بار تەلەكوممۋنيكاتسيا جەلىلەرى اتالعان جابدىقتىڭ پايدالانۋ مەرزىمى اياقتالۋىنا قاراي وسى تەحنيكالىق رەگلامەنتكە سايكەس كەلتىرىلۋى ءتيىس. 39. پايدالانۋداعى تەلەكوممۋنيكاتسيالىق جابدىقتىڭ قاۋىپسىزدىك تالاپتارىنا سايكەستىگىن راستايتىن, تەحنيكالىق رەگلامەنت قولدانىسقا ەنگىزىلگەنگە دەيىن قابىلدانعان قۇجاتتار ولاردا بەلگىلەنگەن مەرزىمنىڭ اياقتالۋىنا دەيىن جارامدى دەپ ەسەپتەلەدى.
