01 قىركۇيەك، 2010

“قازاقستان” سپورت سارايى — ۇزدىك مۇز ايدىنى

428 رەت كورسەتىلدى
ماسكەۋ قالاسىندا وتكەن “مۇز ايدىندارىنىڭ كۇندەرى” اتتى حا­لىق­ارالىق كونگرەستە استانا قالاسىنىڭ “قازاقستان” سپورت سارايى “سپورتتىق ءىس-شارالاردى وتكىزۋگە ارنالعان ۇزدىك مۇز ايدىنى” اتاندى. بۇل كونگرەسس 29 شىلدە مەن 1 تامىز ارالىعىندا ماسكەۋدە وتكەن “رەسەي – سپورتتىق دەرجاۆا” اتتى حالىقارالىق سپورت فورۋمىنىڭ شەڭبەرىندە وتكىزىلگەن بولاتىن. فورۋم 1980 جىلعى ءXXىى وليمپيا ويىندارىنىڭ وتكىزىلۋىنە 30 جىل تولۋىنا ورايلاستىرىلىپ، 42 ەلدەن كەلگەن 3500 وكىلدەردى قارسى الدى. ولاردىڭ ىشىندە حالىقارالىق سپورت فەدەراتسيالارى مەن ۇيىمداردىڭ، سونىمەن قاتار، دەنە تاربيەسى مەن سپورت سالاسىنداعى مەكەمەلەردىڭ باسشىلارى مەن وكىلدەرى بولدى. قاتىسۋشى ەلدەر سانىنىڭ اۋ­قىمدىلىعى حالىقارالىق جولداس­تىق قاتىناستاردىڭ دامۋىنا جول اشقاندىعى ءسوزسىز. فورۋم قوعام ومىرىندەگى سپورتتىڭ ءمانى مەن ورنى جايىنداعى كوكەيتەستى سۇحبات الاڭى رەتىندە عانا ەمەس، سونىمەن قاتار، سپورتتىق ينفراقۇرىلىمدى دامىتۋ سالاسىنداعى تاجىريبە الماسۋ، عى­لى­مي-تەحنيكالىق، اقپاراتتىق رە­سۋرستاردى كورسەتۋگە مۇمكىندىك بەردى. جوعارىدا ايتىلعانداي، اتال­مىش فورۋمنىڭ شەڭبەرىندە “مۇز ايدىنداردىڭ كۇندەرى” اتتى ءبىرىنشى حالىقارالىق كونگرەس وتكەن بو­لا­تىن. بۇل جيىنعا مۇز قۇرىلعىلا­رىنىڭ بەلگىلى وندىرۋشىلەرى مەن ءونىم بەرۋشىلەر، مۇز سارايلار، اي­دىندار، سپورت كەشەندەرى، سونداي-اق، سپورتتىق فەدەراتسيالار مەن كلۋب­تار، باق وكىلدەرى مەن باسقا­رۋ­شى ورگاندار قاتىستى. قاتىسۋشى­لار­دىڭ ىشىندە استانا قالاسىنداعى “قازاقستان” سپورت سارايىنىڭ وكىلدەرى دە بولدى. كونگرەستىڭ جۇمىسى ءتورت كۇن جۇرگىزىلىپ، ۇيىمداستىرۋشىلار قاتىسۋشىلاردىڭ نازارىنا مۇز نىساندارىنا ارنالعان سپورتتىق-تەحنولوگيالىق قۇرىلعىلارىن جوسپارلاۋ جانە سالۋ ەرەكشەلىكتەرى جايىندا تولىق اقپاراتتار ۇسىندى، سونداي-اق، ولاردى پايدالانۋدىڭ ەكونوميكالىق اسپەكتىلەرىنە توق­تالىپ، سوڭىندا ماسكەۋدەگى ءىرى مۇز ايدىندارىن كورسەتكەن بولاتىن. ءىس-شارانىڭ سالتاناتتى ءبولىمى كونگرەستىڭ العاشقى كۇنى وتكەن-ءدى. “مۇز ايدىنىنىڭ ۇزدىك ينفرا­قۇرىلىمى ءۇشىن”، “جىلدام مۇز ايدىنى”، “ۇزدىك كوپ فۋنكتسيالى مۇز سارايى” جانە سول سياقتى ت.ب. 16 نوميناتسيا بويىنشا كونگرەستىڭ العاشقى سىيلىقتارى بەرىلگەن بولاتىن. كوپتەگەن باسقا نومي­نانت­تاردىڭ ىشىندە وتكىزىلگەن ىرىكتەۋ سايىسى بويىنشا استانا قالا­سىنىڭ “قازاقستان” سپورت سارايى “سپورتتىق ءىس-شارالاردى وتكىزۋگە ارنالعان ۇزدىك مۇز ايدىنى” نومي­ناتسياسىنداعى سىيلىققا يە بولدى. كونگرەستە مۇز ايدىنىنىڭ اتى­نان شىققان “قازاقستان” سس دي­رەكتورىنىڭ ورىنباسارى ەرجان سادۋاقاسوۆ “بۇل جۇلدە ءبىز ءۇشىن وتە ماڭىزدى، جانە ونى سپورتتىق كە­شە­نىمىزدەگى بارلىق قىزمەتكەرلەر ات­ق­ارعان جۇمىسىنىڭ جەمىسى دەپ ساناۋ كەرەك. “قازاقستان” سپورت سارايى بەلگىلەنگەن كورسەتكىشتەردى ودان ءارى جەتىلدىرۋگە تىرىسادى”، – دەيدى. “قازاقستان” سپورت سارايى ەلبا­سىنىڭ تاپسىرماسى بويىنشا 2001 جىلى سالىندى. كەشەننىڭ قۇرا­مىنا: رەسپۋبليكالىق دارەجەدەگى ءىس-شارالاردى وتكىزۋگە بەيىمدەلگەن وليمپيادا ستاندارتتارىنا ساي باس­سەين (50 م.)، ارنايى دەنە شىنىق­تى­رۋ زالدارى، سونىمەن قاتار، كوپ­تە­گەن سپورتتىق سەكتسيالار، وليم­پيا ويىندارىنىڭ كۇمىس جۇلدەگەرى اسحات جىتكەەۆ اتىنداعى دزيۋدو زالى، جاڭادان اشىلعان شىعىس جەكپە-جەك كۇرەس زالى، شاعىن فۋت­بولدان سايىستار وتكىزەتىن فۋتبول الاڭى جانە 5332 كورەرمەنگە ارنالعان مۇز ايدىنى مەن وعان قوسىمشا سالىناتىن مۇز ايدىنى­نىڭ جاڭا عيماراتى كىرەدى. داستان كەنجالين.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار