ازيا جۇلدەگەرلەرىنە قۇرمەت

“نۇر وتان” حدپ وبلىستىق فيليالىندا بانگكوكتە وتكەن ازيا چەمپيوناتىنا اقمولا وب­لىسىنان قاتىسقان بالۋانداردى قۇرمەتتەۋ ءراسىمى بولدى. وعان “جاس وتان” جاستار قاناتىنىڭ بەل­سەندىلەرى, وبلىستىق تۋريزم ءجا­نە سپورت باسقارماسىنىڭ باس­شى­لارى, بۇقارالىق سپورت جانا­شىرلارى مەن مەكتەپ وقۋشىلارى قاتىستى. – قازاقستاننىڭ ءجاسوسپىرىم بالۋاندارى بايراقتى باسەكەدە توپ جارىپ, ەل مەرەيىن اسقاق­تات­تى, ­– دەدى ءباسپاسوز ءماسليحاتىن ۇيىمداستىرۋشىلار. قىزدار كو­مانداسى ون سالماق دارەجەسىندە 8 مەدالدى جەڭىپ الدى. ونىڭ ىشىندە 1 التىن, 4 كۇمىس جانە 3 قولا جۇلدە بار. كوكشەتاۋ قالا­سىن­داعى قاجىمۇقان اتىنداعى سپورت­تا دارىندى بالالار مەكتە­بىنىڭ وقۋشىسى ديانا ۋاليەۆا قولا مەدالدى ەنشىلەدى. ديانا ازيا چەمپيوناتىنا ەكىنشى رەت قاتىسىپ وتىر. بىلتىرعى باسە­كە­دە جەرلەسىمىز جۇلدەلى ەكىنشى ورىنعا كوتەرىلگەن ەدى. رەسپۋبليكامىزدىڭ ەرلەر كو­مانداسى ون سالماق دارەجەسىنىڭ بارىندە دە جۇلدەلى بولدى. ستەپنوگور قالاسىنداعى بوگەنباي باتىر اتىنداعى سپورتتا دارىندى بالالار مەكتەبىنىڭ وكىلدەرى باتۋحان شىراقباەۆ ەركىن كۇرەستە التىن مەدال تاقسا, ۆلاديمير كۋدرين كۇمىس جۇلدەنى ەنشىلەدى. ءباسپاسوز ءماسليحاتىندا وبلىس ماقتانىشىنا اينالعان سپورت­شى­لار, ولاردىڭ جاتتىقتىرۋ­شى­لارى ەۆگەني سۋدەيكين مەن بالتاش ۋاليەۆ, وبلىستىق تۋريزم جانە سپورت باسقارماسىنىڭ باس­تى­عى شىناربەك باتىرحانوۆ جۋرناليستەر قويعان سۇراقتارعا جاۋاپ قايتارىپ, بولاشاق ماقساتتارى تۋرالى اڭگىمەلەدى. “نۇر وتان” حدپ وبلىستىق فيليالىنىڭ ءبولىم باستىعى باۋ­ىرجان ىبىراەۆ ازيا چەمپيو­نا­تىنىڭ جۇلدەگەرلەرىن قۇتتىقتاپ, ولارعا پارتيا اتىنان سىي-سياپات جاسادى. باقبەرگەن امالبەك, اقمولا وبلىسى.