01 قىركۇيەك، 2010

پارتيا – بۇقارالىق سپورتتىڭ ناسيحاتشىسى

363 رەت كورسەتىلدى
ەلباسى ءوزىنىڭ حالىققا جول­داۋىندا بۇقارالىق سپورت پەن تۋريزم سالاسىن دامىتۋعا ەرەكشە ءمان بەرگەنى بەلگىلى. وسىعان وراي مادەنيەت مينيسترلىگى جولداۋ­داعى نەگىزگى باسىمدىقتار مەن تاپ­سىرمالاردى ءتۇسىندىرۋ بويىن­شا ۇكىمەتتىك ەمەس ۇيىمدار ارا­سىندا مەملەكەتتىك ساتىپ الۋ بايقاۋىن ۇيىمداستىرعاندى. اتالعان بايقاۋ جەڭىمپازدا­رى­نىڭ ءبىرى – “قازاقستاننىڭ سپورت وداعى” زاڭدى تۇلعالار بىرلەستىگى سالاماتتى ءومىر سالتىن ناسيحاتتاۋ جانە ءتۋريزمدى، بۇقارالىق سپورت­تى دامىتۋ سالاسىنا قاتىستى جول­داۋداعى باسىمدىقتاردى ءتۇ­سىن­دىرۋ ءىس-شارالارىن جان-جاقتى جۇرگىزۋ ۇستىندە. وسى رەتتە “قا­زاق­ستاننىڭ سپورت وداعى” زتب سپورت ينجينيرينگى سالاسىندا جۇ­مىس ىستەيتىن كومپانيالار تو­بى­نىڭ باستاماسىمەن وتكەن جى­لى ومىرگە كەلگەندىگىن ايتا كەتۋ كە­رەك. مىنە، بۇل باعىتتا دا جۇيە­لى جۇمىسىمەن تانىلعان “نۇر وتان” حالىقتىق-دەموكراتيالىق پار­تياسى دا ەل تۇرعىندارى ارا­سىن­دا سپورتتى دامىتۋدى ناسي­حاتتاپ ءجۇر. “نۇر وتان” حدپ ورتا­لىق اپپاراتىنىڭ ءباسپاسوز ورتا­لى­عىن­دا جوبانىڭ جۇزەگە اسىرى­لۋىنا وراي “قازاقستان رەسپۋب­ليكاسىندا بۇقارالىق سپورت پەن ءتۋريزمدى دامىتۋ” تاقىرىبىندا وتكەن ءباسپاسوز ءماسليحاتىندا وسى ماسەلە جان-جاقتى اڭگىمە وزەگىنە اينالدى. وعان “قازاقستان سپورت وداعى” زاڭدى تۇلعالار بىرلەس­تى­گىنىڭ اتقارۋشى ديرەكتسياسىنىڭ توراعاسى ەرلان جانعۇلوۆ، “نۇر وتان” حدپ ورتالىق اپپاراتى سايا­سي جۇمىس دەپارتامەنتىنىڭ دي­رەك­تورى پاۆەل كازانتسەۆ قاتىستى. جوبا ەلىمىزدىڭ بارلىق ءوڭىر­لەرىندەگى تۇرعىنداردىڭ سالامات­تى ءومىر سالتىنا جانە سپورتقا دە­گەن كوزقاراسىن ايقىنداۋدى كوز­دەيدى. سونداي-اق بۇقارالىق سپورت­تىڭ دامۋى مەن سپورتتىق ين­فراقۇرىلىمنىڭ جاعدايىنا قاتىستى كەشەندى زەرتتەۋلەر ءجۇر­گىزۋ جوسپارلانعان. بۇدان باسقا ايماقتارداعى تۋريزم سالاسىن­دا­عى جاعدايدى زاردەلەۋگە ارنالعان زەرتتەۋلەر ورىن الارى دا بەلگىلى بولىپ وتىر. تاعى ءبىر بەلگىلى بولعانى، جوبا قورىتىندىسى بويىنشا استانا قالاسىندا رەسپۋبليكالىق سەمي­نار وتەدى. وندا ەلىمىزدىڭ بارلىق اي­ماقتارىندا وتكىزىلگەن ءىس-شا­رالار قورىتىندىسى شىعارىلىپ، سپورت­تى دامىتۋ تاجىريبەلەرى ەك­شەلىپ، ۇسىنىستار ازىرلەنەدى جانە ناقتى تەتىكتەر تالقىلاناتىن بولادى. اسقار تۇراپباي ۇلى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار