01 قىركۇيەك، 2010

جاس فوتوسۋرەتشىلەر كورمەسى

414 رەت كورسەتىلدى
“بايتەرەك” مونۋمەنتىنىڭ جانىندا كونستيتۋتسيانىڭ 15 جىلدىعىنا وراي “استانا ۆ وبەكتيۆە – استانانىڭ ايشىقتى كورىنىستەرى” اتتى تالانتتى جاس فوتوسۋرەتشىلەردىڭ كورمەسى ءوتتى. “التىن كۇن” قوعامدىق قورىنىڭ ۇيىمداستىرۋىمەن وتكەن بۇل كورمەگە جەتى فوتوسۋرەتشىنىڭ 62 جۇمىسى قويىلدى. شارانىڭ باستى ماقساتى – ەلباسى ن.نازارباەۆتىڭ 2010 جىل­­عى جولداۋىنا سايكەس شىعار­ماشىل جاستاردىڭ ەڭبەكتەرىن كورسەتىپ، ولارعا قولداۋ ءبىلدىرۋ. كونستيتۋتسيانىڭ 15 جىلدىعىنا وراي ارنايى ۇيىمداستىرىلىپ وتىرعان اتالمىش ءىس-شارانىڭ ما­ڭىزى ەرەكشە. كورمەگە قويىلعان تالانتتى فوتوسۋرەتشىلەردىڭ باس­تى تاقىرىبى – اسەم استانانىڭ ءزاۋلىم عيماراتتارى، ەسىل بويى­نان ورىن تاپقان تاڭعاجايىپ ساياباقتار، قالا تۇرعىندارى مەن جالىنداعان ارمانشىل جاستار­دىڭ فوتوسۋرەتتەرى. “اتالمىش شارانى ۇيىمداس­تىرۋ ءۇشىن وسىدان ءبىر اي بۇرىن جاس فوتوسۋرەتشىلەرگە ارنالعان كونكۋرس جاريالاعان بولاتىنبىز. كونكۋرس ناتيجەسىندە بىزگە 300-دەن اسا فوتوسۋرەت كەلىپ ءتۇستى. وسى­لاردىڭ ىشىندە ەڭ ساپالى ءارى كاسىبي تۇرعىدا باعالانعان فوتو­سۋ­رەتتەردى ءبىز بۇگىن سىزدەردىڭ الدا­رىڭىزعا قويىپ وتىرمىز. بۇل ورايدا ءبىزدىڭ ۇستانعان باعىتىمىز – تالانتتى جاستاردىڭ جۇمىسىن كەڭ اۋديتورياعا پاش ەتۋ”، –دەيدى “التىن كۇن” قوعامدىق قورىنىڭ پرەزيدەنتى ەركەبۇلان كەنجە­بولاتوۆ. ايتا كەتەيىك، “التىن كۇن” قوعامدىق قورىنىڭ بۇل كۇنگى قول­دانىستاعى جوبالارى شىعار­ماشىل جاستار اۋديتورياسىنا ارنالعان. ەلوردامىزدىڭ شىعار­ما­شىل جاستارىنىڭ بۇل ەڭبەكتە­رىن قالا تۇرعىندارى مەن قوناق­تارى تاماشالادى. كورمە ءبىر اپتا بويىنا جالعاسىپ، اپتا سوڭىندا جاس فوتوسۋرەتشىلەرگە ۇيىمداس­تى­رۋشىلار تاراپىنان ديپلومدار بەرىلەدى دەپ جوسپارلانىپ وتىر. جۇلدىز ءبايدىلدا، ەۋرازيا ۇلتتىق ۋنيۆەرسيتەتىنىڭ ستۋدەنتى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار