اتا زاڭعا ارنالعان شارا

قازاقستان رەسپۋبليكاسى كونستيتۋتسياسىنىڭ 15 جىلدىعىنا ارنالعان شارانى ۇيىمداستىرۋعا اقتوبە مەملەكەتتىك پەداگوگيكالىق ينستيتۋتى ۇيىتقى بولدى. “اتا زاڭ – ەل دامۋىنىڭ بەرىك ىرگەتاسى” اتتى دوڭگەلەك ۇستەل باسىنداعى اڭگىمەگە وبلىستىق اكىمدىكتىڭ, قۇقىق قورعاۋ ورگاندارىنىڭ,  “نۇر وتان”حدپ وبلىستىق فيليالىنىڭ, بۇقارالىق اقپارات قۇرالدارىنىڭ باسشىلارى مەن وكىلدەرى جانە قالاداعى جوعارى وقۋ ورىندارىنىڭ عالىمدارى, ستۋدەنتتەرى شاقى­رىلدى. دوڭگەلەك ۇستەلدى قىسقاشا كى­رىسپە ءسوز سويلەپ اشقان وسى ينستي­تۋتتىڭ رەكتورى, ەكونوميكا عى­لىم­دارىنىڭ دوكتورى عالىمجان نۇرىشەۆ ەلىمىزدىڭ اتا زاڭىنىڭ قوعامدىق دامۋداعى  ورنى  مەن ما­ڭىزىنا توقتالدى. بەلگىلى قوعام قايراتكەرى, فيلوسوفيا عىلىم­دارى­نىڭ دوكتورى امانگەلدى اي­تالى قازاقستان رەسپۋبليكاسى كونستيتۋتسياسىنىڭ نەگىزدەرى ءجايلى  تاراتا اڭگىمەلەدى.ول اتا زاڭى­مىز­دىڭ ەلىمىزدەگى ادام قۇقىعى مەن باس بوستاندىعىنا كەپىلدىك بەرەتىن, تۇراقتىلىق پەن دوستاستىققا, ەكونوميكالىق دامۋعا العىشارت جاسايتىن باستى قۇجات بولىپ تابىلاتىنىن  جەتكىزدى.قازاقستان رەسپۋبليكاسىنىڭ كونستيتۋتسياسى ءجايلى كەلىستى اڭگىمەنى “نۇر وتان” حدپ وبلىستىق فيليالىنىڭ توراعاسى, وبلىستىق ءماسليحاتتىڭ حاتشىسى بالعالي ورداباەۆ, پەدا­گوگيكا عىلىمدارىنىڭ كانديداتى نيەتجان بەرىكوۆ, وسى ينستيتۋتتىڭ تىلدەردى دامىتۋ باسقارماسىنىڭ باستىعى گۇلشات ساپارقىزى جانە باسقالارى ءوز وي-پىكىرلەرىمەن تولىقتىرىپ, كەڭەيتە  ءتۇستى. “قوس شىنار” قوعامدىق قايىرىمدىلىق قورىنىڭ توراعاسى عالىمجان بايدەربەستىڭ ءار ادامنىڭ اتا زاڭىمىزبەن قاتار, مەملەكەتتىك رامىزدەردى قادىرلەپ, قاستەر تۇتۋى كەرەكتىگى ءجايلى ويى دا جينالعاندار كوڭىلىنەن شىقتى. دوڭگەلەك ۇستەلگە قاتىسۋشىلار  ەلىمىزدىڭ قولدانىستاعى اتا زاڭى­نىڭ ەرەكشەلىكتەرىنە توقتالىپ, باسقا مەملەكەتتەردىڭ كونستيتۋ­تسيا­لارىنا ۇقسامايتىن ارتىقشى­لىق­تارىنا بايلانىستى دايەكتى ويلارىن ورتاعا سالدى. اتا زاڭى­مىزدىڭ وزگە ەلدەردىڭ كونستي­تۋ­تسيالارىنىڭ كوشىرمەسى ەمەس ەكەن­دىگىنە, حالىقارالىق ستاندارتتارعا ساي كەلەتىنىنە دالەل-دايەكتەر كەلتىرەدى. ساتىبالدى ءساۋىرباي. اقتوبە وبلىسى.