ەندىگى قارسىلاس – ومان قۇراماسى

بۇگىن فۋتبولدان قازاقستان قۇراماسى استاناداعى “استانا-ارەنا” جابىق ستاديونىندا ومان داۋلەتىنىڭ قۇراما كومانداسىن قابىلدايدى. جولداستىق كەزدەسۋ مارتەبەسىمەن وتەتىن بۇل ويىن ەلى­مىز تاڭداۋلى جاساعىنىڭ قىركۇيەك ايىندا ەۋروپا چەمپيوناتىنىڭ ءبىرىنشى ىرىكتەۋ ماتچىندا تۇركيا قۇراماسىمەن وتكىزەتىن شايقاسى الدىنداعى باستى سىناعى بولماق. جانكۇيەر قاۋىم رەسپۋبليكا فۋتبول فەدەراتسياسىنىڭ وسىنىڭ الدىندا جولداستىق كەزدەسۋدى ەك­ۆادور قۇراماسىمەن وتكىزۋگە كەلىسىم جاساسقانىن جاقسى بىلەدى. بىراق, جەمە-جەمگە كەلگەندە, بۇل ەلدىڭ فۋتبول تىزگىنىن ۇستاپ وتىر­عان باس­شىلارى جەر شالعايلىعىن جەلەۋ ەتىپ, بۇل ويىندى وتكىزۋدەن باس تارت­تى. سول كەزدە ومان ەلىنىڭ جاي­ساڭدارى جاردەمگە كەلىپ, تۇيىقتان شىعۋدىڭ تۋرا جولىن تاۋىپ بەردى. البەتتە, ومان فۋتبولىن وڭ­تۇس­تىك امەريكانىڭ اياقدوپ شە­بەر­لەرى قازانىندا قايناپ جۇرگەن ەكۆادورداعى دەڭگەيدەن كۇشتى ەدى دەپ ايتا المايمىز. بىراق الەمدىك رەيتينگىدە قازاقستاننان ەداۋىر جوعارى تۇر. ءدال قازىرگى تاڭدا ول 81-ءشى شەپتە. ال ازيادا 8-ءشى بولىپ سانالادى. سوعان قاراماستان, اراب تۇبەگىندەگى شاعىن ەلدىڭ فۋتبولمەن اينالىسقانى دا قىزىق. بۇل مەم­لەكەتتە فۋتبول فەدەراتسياسى سوناۋ 1930 جىلى قۇرىلىپتى. سول جىلى فيفا-عا مۇشە بولىپ ەنەدى. سودان 1965 جىلعا دەيىن بىردە-ءبىر سىرت جۇرتتىڭ ۇزدىك كومانداسىمەن كەزدەسۋ وتكىزبەپتى. ءتىپتى 1982 جىلعا دەيىن الەم چەمپيوناتىنىڭ ىرىكتەۋ جارىستارىنا قاتىسپاعان. ال ءبى­رىن­شى ويىنىن 1965 جىلعى 2 قىر­كۇي­ەك­تە ماسكات سۇلتاناتىنىڭ جىگىت­تە­رىمەن وتكىزىپ, 15:0 ەسەبىمەن تاس-تال­قان ەتەدى. 1986 جىلى فيفا-دان شىعىپ كەتىپ, 1990 جىلى قايتا ورا­­لادى. الايدا, سودان كەيىن ءوزى قاتىسقان ىرىكتەۋ تۋرنير­لە­رى­نەن ىلگەرى شىعىپ كورمەگەن. ونىڭ ازيا كونفەدەراتسياسىنداعى جاع­دايى دا وسىنداي الا-قۇلا, بىردە چەم­پيو­ناتتىڭ ىلكى ويىندارىنا قاتىسپاي قويسا, قاتىسقان كەزدە­رىن­دە توپتان العا جىلجي الماعان. بۇگىن ومان قۇراماسىنداعى ەڭ تانىمال ويىنشى رەتىندە قاقپاشى الي ال-ءحابسيدىڭ اتى اتالادى. سەبەبى, ول انگليانىڭ پرەمەر-ليگاسىنداعى “ۋيگان” كوماندا­سىندا وينايدى. قۇرامانى فرانتسۋز مامانى كلود لە رۋا باس­قارادى. ول بۇعان دەيىن گانا, كون­گو جانە كامەرۋن قۇرامالارىن جات­تىق­تىرىپ, سوڭعىسىنا 1988 جى­لى اف­ريكا كۋبوگىن الىپ بەرگەن ەكەن. بۇل ماتچقا ماۋسىم-شىلدە اي­لا­رىندا وڭتۇستىك افريكا رەسپۋبلي­كا­سىندا وتكەن الەم چەمپيوناتىن­دا قازىلىق جاساپ, ءوزىن وتە جاقسى جاعىنان كورسەتكەن وزبەكستاندىق راۆشان يرماتوۆ تورەشىلىك ەتەدى. ول 2008 جانە 2009 جىلدارى ازيا­نىڭ ەڭ ۇزدىك تورەشىسى اتانعان. سونىمەن, بۇگىن ءبىزدىڭ فۋتبول­شىلار ءۇشىن جاۋاپتى ماتچ. جول­داستىق كەزدەسۋ بولعانىمەن, سال­ما­عى جوعارى. سەبەبى, ول قۇرامانىڭ سىندارلى سىناق الدىنداعى ناقتىلى دايىندىعىن كورسەتەدى. سەرىك ءپىرنازار.