جانى ىزگىلەرگە جومارتتىق جاراسادى

قۇرمەتتى وتانداستار! ەلىمىزدىڭ بارلىق ازاماتتارىن ايلاردىڭ سۇلتانى قاسيەتتى رامازان ايىنا بايلانىستى مول ساۋاپقا كەنەلتەر ءىس-شارالار اتقارۋعا شاقىرامىن. مۇباراك ايدا اللا تاعالا ري­زالىعى ءۇشىن كۇندەلىكتى تۇتىناتىن ازىق-ت ۇلىكتەر مەن كيىم-كەشەك, قوناق ءۇي, شاشتاراز, مونشا سياقتى باسقا دا قىزمەت كورسەتۋ ورىندارى مەن ۇشاق, پويىز, اۆتوبۋس, باسقا دا كولىك باعالارىن 10 پايىزعا ارزان­داتۋعا جانە دۇكەندەردە, مەيرامحا­نالاردا ءسپيرتتى ىشكىلىكتەردىڭ ەشبىر ءتۇرىن ساتپاۋعا, توي داستارقان­دا­رى­نا اراق-شاراپ قويماۋعا ۇندەيمىن. تەلەديدارلاردان بەيادەپ, زور­لىق-زومبىلىق, ۇرلىق-قارلىقتى نا­سيحاتتايتىن سەريالدار مەن في­ل­م­­دەردى كورسەتپەي, ەسەسىنە ادام­گەرشىلىك پەن وتان سۇيۋشىلىك كوز­­قا­راستى قالىپتاستىراتىن دۇنيەلەرگە ءورىس اشىپ, حالىقتىڭ قاسيەتتى را­مازاننىڭ شاراپاتىن مۇمكىن­دى­گىنشە سەزىنۋىنە ۇلەس قوسۋلارىڭىز­دى سۇرايمىن. ءبىلىم بەرۋ ورىندارىندا ستۋ­دەنت­تەر مەن شاكىرتتەرگە ورازا ۇس­تاۋدىڭ ارتىقشىلىقتارىن ءتۇسىن­دىرۋ دە جىلداعىداي جالعاسىن تاۋ­ىپ, ىزگىلىك ورىستەي بەرۋىن تىلەيمىن. ويتكەنى, جىل سايىن رامازان ايىن قۋانا قارسى الىپ, اينا­لا­مىزعا نۇر شۇعىلاسىن شاشقان قا­سيەتتى كەشتەردىڭ, قۇلاق قۇرىشىن قاندىراتىن ازاننىڭ, سارەسىدەگى تاتتىلىكتىڭ, اۋىزاشارداعى ءلاززاتتى, تاراۋيح نامازىنا دەگەن ىنتانى كورگەن جاستار دا بۇل ايدىڭ ەرەك­شەلىگىن سەزىنىپ, جىل سايىن رامازاندى اسىعا كۇتەتىنى حاق. رامازان – جىعىلعاندى دەمەپ, جىلاعاندى جۇباتاتىن, مۇڭ-مۇقتاجداردىڭ قاباعىنان كىربىڭ ارىلتاتىن شىنايى جاناشىرلىق ايى. بۇل ايدا جاقسىلىق كورگەن جەتىم-جەسىرلەردىڭ ءجۇزى جادىراپ, عارىپ-مىسكىندەردىڭ ارقا-باسى كە­ڭەيەدى. وسىعان وراي, قامقورلىققا مۇقتاج جاندارعا تيىسىنشە كومەك-قولداۋ كورسەتۋدىڭ ءمان-ماڭىزى دا ايرىقشا. ويتكەنى, جومارتتىق – كوركەم مىنەزدىڭ اجىراماس بولىگى. قۇدىرەتتى جاراتۋشىمىز كوپتەگەن اياتتاردا مۇسىلمانداردى جومارت­تىق­قا, اللا تاعالا جولىندا جاق­سىلىق جاساۋعا شاقىرادى. “مۇحام­مەد” سۇرەسىنىڭ 38-اياتىندا اللا تا­عالا: “نەگىزى, سەندەر اللا جولىندا مال جۇمساۋعا شاقىرىلۋداسىڭدار. الايدا, ارالارىڭدا ساراڭدار بار. كىمدە-كىم ساراڭدىق جاساسا, وزىنە ساراڭدىق جاساعانى... ەگەر اللادان تەرىس اينالساڭدار سەندەردىڭ ورىندارىڭا باسقا قاۋىم اكەلەدى”, – دەيدى. نە­گىزىندە, اللا تاعالا ەشكىمنىڭ بەرگەنىنە مۇقتاج ەمەس, بەرمەگەن ادام وزىنە ساراڭدىق ەتكەنى. اللا تاعالا دۇنيە-مۇلكىن جاق­سىلىق جولىندا جۇمسامايتىن قاۋ­ىم ورنىنا باسقا قاۋىم جىبە­رە­تىنىن ايتىپ, ەسكەرتكەن. ولار يمان مەن تاقۋالىققا يە بولىپ, اللا­نىڭ ۋادە ەتكەن ساۋاپتارى مەن جە­تىس­تىگىنە جەتەدى. تاعى ءبىر اياتتا: “اللانىڭ كەڭشىلىگىنەن وزدەرىنە بەرىلگەن نارسەلەرىندە ساراڭدىق ەت­كەندەر, مۇنى وزدەرى ءۇشىن قايىرلى دەپ ويلاماسىن. جوق, بۇل ولارعا جاماندىق اكەلەدى. ساراڭدىق ەتكەن نارسەلەرى قيامەت كۇنى ولاردىڭ موي­­نىنا ورالادى. كوكتەر مەن جەر­دىڭ مۇراسى اللانىكى. اللا تاعا­لا سەندەردىڭ ىستەگەندەرىڭنەن تولىق حاباردار” ء(“الي-يمران” سۇرەسى, 180-ايات), – دەلىنگەن. رامازان ايىندا جاساپ جۇرگەن جاقسىلىقتارىمىزدى بارىنشا ارتتىرعان ءجون. ويتكەنى, مۇنىڭ ساۋابى وزگە ايلارعا قاراعاندا الدە­نەشە ەسە كوبەيە تۇسەرى ءسوزسىز. رامازان ايى ادامنىڭ ءوزىن-ءوزى ءتار­بيەلەۋدىڭ ۇلكەن مەكتەبى ەكەن­دىگىن ەسكەرسەك, اتالعان يگىلىكتى باس­تامالار وزگە ايلاردا دا جالعاسىن تاباتىن باياندى قايىر-يحسانعا ۇلاسارىنا كامىل سەنىممەن بارشا وتانداستاردى وسىناۋ ىزگى ماقسات­تارعا جۇمىلا اتسالىسۋعا شاقى­رامىن. شەيح ءابساتتار قاجى دەربىسالى, قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى, باس ءمۇفتي.