ءبىرجان سالدان قالعان اسىل تۇياق ەدى

انمەن ورىلگەن, سالدىقپەن ءسانى كىرگەن سوقتىقپالى دا سوقپاقتى ءومىرىنىڭ وكسىكتى ءبىر تۇسىندا ىشتەگى كۇيىگىن كەلەر كۇنگە ارتقان ۇمىتىمەن وزەكتەستىرە “تەمىرتاس, اسىل, اقىق, قاراقتارىم” دەپ شىرقايتىن سال ءبىرجاننىڭ اسقاق ءانىن كىم بىلمەيدى! سوڭىندا قالىپ بارا جاتقان ۇرپا­عىنا ءوزىنىڭ بار اكەلىك ماحابباتىن, جان تولعانىسىن, الاڭ كوڭىلىن وسى انمەن جەتكىزەتىن ءبىرجان عۇمىرى اسپانداعى اققۋعا ءۇنىن قوسقان ءجۇي­رىك انشىلىگىمەن, ەرەن سالدى­عىمەن بىرگە, سوڭىندا قالعان ۇرپاعىمەن دە ءبىر توبە ەدى. داۋىلپاز ءبىرجان تۋ­رالى ءسوز قوزعالسا, ەندىگى جەردە ءبىر­دەن-بىرگە جالعاسىپ, سوڭىندا قال­­­­­­­عان وسى نەمەرە-شوبەرەلەرىن مە­­دەت تۇتاتىنبىز, سولارمەن كور­كەيەتىنبىز. جىلجىپ اققان سۋداي ءبىر ور­نىندا تۇرمايتىن بەۋ, دۇنيە-اي! ەندى, مىنە, سال بابامىزدىڭ ۇلى تە­مىرتاستان قالعان نەمەرەسى, اسىل­دىڭ سىنىعى مۇحامەدقالي اقساقال­دىڭ دا 85 جاسىندا بۇل پانيدەن باقيعا وزعاندىعى تۋرالى قارالى حابار وزەگىمىزدى ورتەپ وتىر. وسى رەتتە, كىمگە بولسىن, ۇلى ادامنىڭ نەمەرەسى بولىپ جەر باسىپ ءجۇرۋ وڭاي سوقپاسا دا, مۇحامەدقالي تەمىرتاس ۇلىنىڭ وسى بيىك پارىزعا لايىق ماعىنالى دا ءماندى, ۇزاق عۇمىر كەشىپ, ءبىرجان سال اتاسىنىڭ اتىنا دا, ءوز ەسىمىنە دە قىلاۋداي داق تۇسىرمەي وتكەندىگىن ەرەكشە ريزاشىلىق سەزىممەن اۋىزعا الماي تۇرا المايمىز. اتاقتى ءبىرجان سالدىڭ تىكەلەي ۇرپاعى ەكەندىگىنە قاراماستان, تاع­دىر جاستايىنان مۇقاڭنىڭ دا ءومىر جولىن وڭاي قالىپتاستىر­ما­دى. اكەسى تەمىرتاس وتىزىنشى جىل­­­­داردىڭ ناۋبەتىنە ىلىككەندە بالا مۇحامەدقالي نەبارى ون جاستا بولاتىن. سودان ناعاشى جۇرتىن پا­نالاپ, سوناۋ ىشكى رەسەيدەن, ءتۇ­مەن وبلىسىنىڭ ايىمجان اۋى­لى­نان ءبىر-اق شىعا­دى. ءسويتىپ, ول جاق­تان تەك 1965 جىلى عانا كوك­شە­تاۋعا ورالۋدىڭ ءساتى ءتۇسىپ, اتاسى سال ءبىرجاننىڭ انشىلىك داۋرەنى وتكەن وڭىرمەن قايتا تابىسادى. اتاسىنا تارت­قان انشىلىك ونەر­دەن ءوزى دە قارا جاياۋ ەمەس مۇحا­مەد­­قالي اقسا­قالمەن كەزدەسكەن ادام ونىڭ ءبىر­جان­داي التىننىڭ سىنىعى ەكەندىگىن جازباي تانيتىن. سونىڭ ىشىندە: “الدىمدا شامشىراعىم, تەمىرتاسىم, تىلەگىم, سەنىڭ ۇزاق بولسىن  جاسىڭ. قوش بولىڭدار باۋىرىم, بالاپانىم, بايقايمىن اجال شىركىن, قۇتقارماسىن,– دەپ ءدۇلدۇل اتاسى سياقتى داۋىسىن ءبىر ىرعالتىپ الىپ, ء“بىرجان سال”, “ايتپاي”, “جانبوتا”, تاعى باسقا بابا مۇراسىن الديلەپ, ايالاۋدان استە ءبىر تانبايتىن مۇحامەدقالي اتامىزدىڭ دا مايدا قوڭىر داۋى­سىن ءالى تالاي ساعىنارمىز, تالاي ءىز­دەرمىز. بار سانالى عۇمىرى قارا­پايىم ەڭبەك ادامى, كوپتىڭ ءبىرى بو­لىپ, ەلىنە, حالقىنا حال-قادەرىنشە ادال قىزمەت ەتۋمەن وتكەن تەكتى جان­نىڭ سوڭىندا قالعان سەرىك, ءشارىپ, ورال, مارال سەكىلدى ۇلدارى عانا ءدال وسى ءسات كوڭىلىمىزگە اجەپتاۋىر مەدەت. ءبىر ءوزى ءبىرجان سال باباسىنىڭ سايراپ جاتقان ايشىقتى ىزىندەي كورىنەتىن مۇقاڭدار كەتكەنىمەن, وسى ازاماتتار باردا ءانشى بابا ۇر­پاعى ءالى دە ورنىندا دەپ ءتۇيسىن­بەسكە شارا جوق ەندى. قايتەيىك, جەر بەتىنە ىزگىلىكتىڭ, تۇتاس ءبىر ونەر كوشىنىڭ سوڭعى ۇزىگىنىڭ نۇرىن دا, سىرىن دا سەبەزدەتە قۇيىپ, ديدار-عايىپقا اينالىپ جۇرە بەرگەن مۇحامەدقالي اقساقالدىڭ دا كوزى تىرىسىندەگى تەكتى كەيپى ءوزىن ىزدەتپەي قويماس. ءبىرجان سال اۋلەتىنىڭ ۇلكەن ءبىر تۇعىرىنىڭ وپىرىلىپ, بۇتىندەۋ ءبىر تۇسىنىڭ ويسىراپ قالعانى انىق. جاتقان جەرىڭىز جايلى, توپىراعىڭىز تورقا بولىپ, و دۇنيەنىڭ بار جاقسىلىعىن بەرسىن, ءبىرجان اتاسىن, قازاقتىڭ ءان ونەرىن جان دۇنيەسىندە قۇنداقتاپ, تەربەتىپ وتكەن عازيز دا جومارت جۇرەكتى اسىل جان, ارداقتى اعا! بۇلاندى, ەڭبەكشىلدەر, بۋراباي اۋداندارىنىڭ اكىمدەرى.