كونتراباندانىڭ جولى كەسىلدى

شەكارادان زاڭسىز زات الىپ ءوتۋ ءۇشىن كونترابانداشىلار ءارتۇرلى قۋلىقتارعا بارادى. سونىمەن, اعىمداعى جىلدىڭ 26 شىلدەسىندە وسكەمەن شەكارا وتريادىنا قاراستى “قىزىل اۋىل” زاستاۆاسىنىڭ شەكارا ناريادىمەن قا­زاقستاننان رەسەيگە بەتتەگەن بتر-60 اۋىر كو­لى­گ­ىنىڭ قوزعالىسىن اڭعارىپ قالادى. مەملە­كەت­تىك شەكاراعا بتر-60 اۋىر كولىگى جاقىنداعاندا شەكاراشىلار جۇرگىزۋشىگە كولىكتى توقتاتۋدى تالاپ ەتەدى. بىراق بتر جۇرگىزۋشىسى بۇل تالاپتى ورىندامايدى. وتان ساقشىلارى زاڭ بۇزۋ­شىنىڭ سوڭىنا تۇسەدى. مەملەكەتتىك شەكارا ماڭىندا كولىكتى توقتاتۋ ماقساتىندا شەكارا ناريادى ەسكەرتۋ وعىن اتقان. بىراق, بۇل ارەكەت تە بتر-60 كولىگىنىڭ جۇرگىزۋشىسىن توقتاتقان جوق. شەكاراشىلار كولىكتى توقتاتۋ ءۇشىن بتر-60 دوڭعالاقتارىنا وق جاۋدىردى. ءىس كەسۋشىلەردەن قاشىپ قۇتىلۋ ماقساتىندا كونترابانداشىلار بتر-60 اۋىر كولىگىنەن “قىزىل اۋىل” شەكارا زاستاۆاسى اسكەري كىز­مەتشىلەرى مىنگەن ماشينە دوڭعالاقتارىنىڭ اس­تىنا جۇك لاقتىرادى. ارام ويلى زاڭ بۇزۋ­شىلاردىڭ بۇل ارەكەتى شەكاراشىلارعا توس­قاۋىل بولمادى. شەكارا ناريادىنىڭ بىلىكتى ارەكەتتەرىنىڭ ار­قاسىندا كولىك توقتاتىلدى. رەسەي فەدەرا­تسيا­سىنىڭ ءۇش ازاماتى قۇرىقتالدى. تەكسەرىس با­رى­سىندا انىقتالعانداي, بتر كولىگى تو­لىعىمەن حالىق تۇتىناتىن تاۋارلارعا لىق تيەلگەن ەكەن. اتالمىش دەرەك بويىنشا تەرگەۋ امالدارى جۇرگىزىلۋدە.