باياناۋىل بەدەرلەرى

“فوليانت” باسپاسىنىڭ جاڭا تۋىندىسىندا كەستەلەنگەن تاريح – تانىم مەن ءتالىمدى, ءما­دەنيەت پەن ونەردى, ءداستۇر مەن سالت-سانانى, شەجىرە مەن جادىگەرلەردى, ەڭ باستىسى ۇلت پەن ۇلتتىلىقتى ءبىر ار­نا­عا ۇشتاستىرعان, ءبىر-ءبىرىنسىز قۇن­دى­لىق فەنومەنىن قۇرا المايتىن اسىل قازىنا. تاريحتىڭ ەلگە ارتقان جاۋاپ­كەرشىلىگىن تەرەڭ سەزىنگەن تاريح­شى­لار, ولكەتانۋشىلار مەن جازۋ­شى­لار ءبۇ­گىندە ەلدىڭ تاريحىن بۇتىندەپ جات­قان­دارىنا “مەنىڭ وتانىم – قا­زاقستان” اتتى سەريامەن شىعىپ جات­قان كىتاپتار تولىق ايعاق بولا الادى. بۇل سەريا اياسىندا وسىعان دەيىن “ ۇلىتاۋ”, “ويىل”, “ەرەيمەنتاۋ”, “قا­زىعۇرت”, “وتىرار” كىتاپتارى وقىر­مانعا جول تارتسا, ولكەتانۋ تا­قى­­رىبىنداعى تاريحي تانىمدىق كى­تاپ­تاردىڭ قاتارى ەندى, مىنە, “فو­ليانت” باسپاسىنان شىققان (اۆتورى تاريح عىلىمدارىنىڭ دوكتورى جام­بىل ارتىقباەۆ) “باياناۋىل” كىتا­بى­مەن تولىقتى. جۋىردا قر ۇلتتىق اكادەميالىق كىتاپ­حانادا وسى كىتاپتىڭ تانىستىرىلىمى ءوتتى. بايلانىس جانە اقپارات مينيسترلىگى مەن ۇلتتىق كىتاپحانانىڭ قولداۋىمەن وتكىزىلگەن كىتاپتىڭ تۇساۋكەسەرىنە كورنەكتى اق­ىن-جازۋشىلار, مادەنيەت جانە ونەر قايراتكەرلەرى, تاريحشىلار, كوپتەگەن زيالى قاۋىم وكىلدەرى قاتىستى. قاي قىرىمەن دە ەرەكشە, توپى­راعى اسىل, تالاي-تالاي تالانتتاردى تۋدىرعان قاسيەتتى ولكەنىڭ ارعى-بەرگى تاريحى, وسىناۋ ءوڭىردىڭ بارشا ەرەك­شەلىكتەرى, ەل مەن ەردىڭ باي شەجى­رە­لەرى ناقتى دەرەكتەر مەن كوركەم­سۋرەتتەر ارقىلى جۇيەلى باياندالاتىن كىتاپتا ءومىرى باياناۋىلمەن وزەكتەس تۇلعالار جايلى ماتەريالدار تىڭ دەرەكتەرمەن ۇشتاسا ورىلەدى. سوناۋ تاس عاسىرىنداعى ەسكەرتكىشتەردەن باس­تاپ, باياناۋىل ءوڭىرىنىڭ تاڭعا­جاي­­ىپ تابيعاتى, جان-جانۋارلار الە­مى, وسىمدىكتەر دۇنيەسى جانە ءبۇ­گىن­گى ءال­ەۋ­مەتتىك-ەكونوميكالىق, ءما­دەني-رۋ­­حا­ني كەلبەتى جايلى دا ناق­تى دە­رەكتەر بار. العاشقى تارالىمىن 1000 دا­نا­مەن جارىققا شىققان بۇل كىتاپتىڭ تۇساۋكەسەر ءراسىمى بارىسىندا “فوليانت” باسپاسىنان شىققان كىتاپتاردىڭ كورمەسى ۇيىمداستىرىلعانىن دا ايتا كەتسەك دەيمىز. اراي ۇيرەنىشبەكقىزى.