فۋتبول. «توبىل» ماۋسىمداعى العاشقى جەڭىسىنە قول جەتكىزدى

استانا. 5 ءساۋىر. فۋتبولدان قازاقستان پرەمەر-ليگاسى اياسىندا ءوتىپ جاتقان 5-تۋردىڭ تاعى ەكى ويىنى اياقتالدى. «توبىل» ءوز الاڭىندا «شاحتەردى» 4:1 ەسەبىمەن جەڭسە, تالدىقورعاندا وتكەن جەرگىلىكتى «جەتىسۋ» مەن «ەرتىس» اراسىنداعى كەزدەسۋ 2:2 ەسەبىمەن تەڭ اياقتالدى. بۇل تۋرالى egemen.kz حابارلادى. «توبىل» مەن «شاحتەر» اراسىنداعى ويىندا الاڭ يەلەرى ايقىن باسىمدىق تانىتتى. ماتچ بارىسىندا قازاقستان فۋتبولىنىڭ جارىق جۇلدىزى نۇربول جۇماسقاليەۆ ءۇش بىردەي گول سوعىپ, حەت-تريك اتاندى. بۇل – «توبىلدىڭ» ماۋسىمداعى العاشقى جەڭىسى. ازىرگە قوستانايلىقتار تۋرنير كەستەسىندە 5 ۇپايمەن 8-ورىندا كەلەدى. ال ءتورت ويىن قاتارىنان جەڭىلگەن «كەنشىلەر» ەڭ سوڭعى ورىندا. كەلەسى تۋردا «توبىل» اتىراۋعا قوناققا بارسا, «شاحتەر» «جەتىسۋدى» قابىلدايدى. تالدىقورعانداعى ويىن دا اسا تارتىستى ءوتتى. العاشقى تايمدا ەسەپ اشىلعان جوق. ەسەسىنە, كەزدەسۋدىڭ ەكىنشى بولىگىندە قارسىلاستار ەكى گولدان سوعىپ, جانكۇيەرلەردى قۋانىشقا بولەدى. «ەرتىس» ويىنشىلارى 0:2 ەسەبىمەن جەڭىلىپ جاتىپ, تارازى باسىن تەڭەستىرگەنىن ايتا كەتەيىك. ەكىنشى گولدى پاۆلودارلىقتار سوڭعى مينۋتتا سوقتى. ازىرگە قوس كوماندانىڭ تۋرنير كەستەسىندەگى جاعدايى اسا ءماز ەمەس. بەس ويىننان 4 ۇپاي جيناعان «ەرتىس» 10-ورىنعا تابان تىرەسە, 3 ۇپايى بار «جەتىسۋ» 11-ساتىعا جايعاستى. تالدىقورعاندىقتاردىڭ كەلەسى تۋرداعى قارسىلاسىن جوعارىدا ايتتىق. ال «ەرتىس» 8 ساۋىردە 7-تۋردىڭ ويىنىن الدىن الا وتكىزەدى. بۇل كۇنى ولار «قايراتپەن» كۇش سىناسادى. ءدال قازىر 5-تۋردىڭ قالعان ءۇش ويىنى وتۋدە. «استانا» «اقتوبەنى», «قايسار» «اتىراۋدى» جانە «قايرات» «وقجەتپەستى» ءوز الاڭدارىندا قابىلداۋدا. ازىرگە بۇل كەزدەسۋلەردە ەسەپ اشىلعان جوق. بۇعان دەيىن شىمكەنتتە «ورداباسى» «تارازدى» 1:0 ەسەبىمەن جەڭگەنىن ايتا كەتەيىك. اتالعان ويىن تۋرالى مىنا جەردەن بىلە الاسىزدار.   توبىل (قوستاناي) – «شاحتەر» (قاراعاندى) 4:1 (0:0) 5 ءساۋىر. زاتوبولسك. «زاتوبولەتس» ستاديونى. تورەشى: ب.ابدۋللاەۆ (قاراتاۋ). «توبىل»: ا.پەتۋحوۆ, ش.كۋچەرا (ا.ءانۋار 56), ي.سادوۆنيچي, ن.كۋرگۋلين, ر.اسلان, ن.شليۆيچ, ا.بوگدانوۆ, ت.سيمكوۆيچ, ن.جۇماسقاليەۆ, س.موشنيكوۆ (و.كراسيچ 33), ۋ.كالۋ (ي.بۋگاەۆ 84). «شاحتەر»: ي.شاتسكي, م.گابىشەۆ, ا.دەۆيد, ا.پورىۆاەۆ, ا.دجيديچ, ن.پوكريۆاچ, گ.نادجاريان (گ.ۆاسيلەۆ 64), ا.كارپوۆيچ (پ.ساسس 67), يا.ۆوشاگليك, ر.مۇرتازاەۆ, م.توپچاگيچ. گولدار: ن.جۇماسقاليەۆ 62, 66, 89, ت.سيمكوۆيچ 84 – گ.نادجاريان 59. ەسكەرتۋلەر: ن.پوكريۆاچ 44, ا.دەۆيد 71.   «جەتىسۋ» (تالدىقورعان) – «ەرتىس» (پاۆلودار) 2:2 (0:0) 5 ءساۋىر. تالدىقورعان. «ورتالىق» ستاديونى. تورەشى: ا. اليەۆ (الماتى). «جەتىسۋ»: ا.پاسەچەنكو, س.ساعىندىقوۆ, د.ەرگاشەۆ, م.ميحايلوۆ, م.ازوۆسكي, س.ساريەۆ (م.مۇجىقوۆ 88), ي.تسۆەتكوۆيچ, م.شاحمەتوۆ (ب.تۇرىسبەك 81), ت.دانيليۋك, د.ساۆيچ, د.دەسپوتوۆيچ. «ەرتىس»: د.لوريا, پ.اليەۆ, ا.كيسليتسىن, ۆ.چەرنىشوۆ, ا.سامسونوۆ, س.سماقوۆ, ق.گەتەريەۆ, ي.ازۋكا, ا.گاتاگوۆ, گ.سارتاكوۆ (ا.سۇلەي 81), ا.بانسە. گولدار: د.دەسپوتوۆيچ 58, د.ساۆيچ 67 – ي.ازۋكا 75, پ.اليەۆ 90. ەسكەرتۋ: پ.اليەۆ 35. ەلامان قوڭىر. دەرەك: egemen.kz. سۋرەت: fc-tobol.kz.