عالىمدار جۇمىرتقانىڭ ەركەكتەر ءۇشىن پايدالى ەكەنىن انىقتادى

استانا. 5 ءساۋىر. ماماندار راتسيونداعى جۇمىرتقانى كوبەيتۋ ديابەتپەن اۋىرۋ تاۋەكەلىن تومەندەتەتىنىن انىقتاپ وتىر. بۇل تۋرالى «التاپرەسس.رۋ» حابارلادى. زەرتتەۋگە جاستارى 42-60 ارالىعىنداعى 2 مىڭ ادام ءوز ەرىكتەرىمەن قاتىسقان. ماماندار ولاردىڭ دەنساۋلىقتارىن 20 جىل بويى باقىلاپ كەلگەن. وسى ۋاقىتتىڭ ىشىندە توپتىڭ قۇرامىنا كىرگەن 430 ادام ديابەت اۋرۋىنا شالدىققان. عالىمدار بۇل ارالىقتا اپتاسىنا 4 تۇقىم پايدالانىپ وتىرعان ادامداردىڭ ديابەتپەن اۋىرۋى 37 پايىزعا تومەندەيتىنىن بايقاعان. ولار سونىمەن قاتار مۇنداي كورسەتكىشتىڭ تەك قانا ەركەكتەر توبىندا كورىنىس بەرگەنىنە نازار اۋدارادى. «تاۋىقتىڭ تۇقىمى بويىندا ورگانيزمدەگى گليۋكوزانى ءسىڭىرۋدى جاقسارتىپ, اۋرۋدىڭ قوزۋىن ازايتاتىن پايدالى ەلەمەنتتەر بار. عالىمدار سونىمەن قاتار, 2 ءتيپتى ديابەتپەن اۋىراتىن ادامدارعا جۇمىرتقانى كوپ پايدالانباۋدى ۇسىنادى. سەبەبى, ول جۇرەك اۋرۋىن كۇشەيتىپ جىبەرەدى», - دەپ جازادى svopi. مۇرات ايتقوجا. مانبە: التاپرەسس.رۋ. سۋرەت: burtas.ru.