يم سودىرلارى ءبىرىنشى اراب كورولدىگى استاناسىن قيراتتى (ۆيدەو)

استانا. 5 ءساۋىر. «يراك جانە لەۆانتا يسلام مەملەكەتى» (يليم) توبىرىنىڭ سودىرلارى وزدەرىنىڭ الەم مادەنيەتىنىڭ مۇرالارىن قيراتۋعا باعىتتالعان جابايى جيحادتارىن ودان ءارى جالعاستىرۋدا. بۇل تۋرالى «التاپرەسس.رۋ» حابارلادى. ۆاندالداردىڭ قيراتقىش قولدارى بۇل جولى يراكتاعى حاترا دەگەن كونە قالانىڭ ورنىنا جەتتى. ول ءبىزدىڭ داۋىرىمىزگە دەيىنگى III عاسىردا تىرشىلىك ەتۋىن توقتاتقان پارفيا پاتشالىعى ءىرى شاھارلارىنىڭ ءبىرى بولاتىن. قالا سونداي-اق ءبىرىنشى اراب كورولدىگىنىڭ استاناسى بولعان ەدى. سودىرلار حاترانى وتكەن ايدىڭ ىشىندە باسىپ الدى. سول كەزدىڭ وزىندە-اق ونىڭ ەجەلدەن بەرى ساقتالىپ تۇرعان ساۋلەتىنە ەلەۋلى زاقىم كەلتىرىلگەنى ايقىن بولدى. بىراق ونىڭ ءىس جۇزىندە قانشالىقتى ب ۇلىنشىلىككە ۇشىراعانىن ءبىلۋدىڭ ورايى كەلە قويمادى. https://youtu.be/ONjPPO7pQKs ال قازىر «يسلام مەملەكەتىنىڭ» مۇندا نە ىستەپ, نە قويعاندارىن كورسەتەتىن ۆيدەو-روليك ينتەرنەتتە جاريالانىپ وتىر. وعان قاراپ يۋنەسكو-نىڭ بۇكىلالەمدىك مۇرالار تىزىمىنە كىرگەن حاترانىڭ قانداي كۇيگە تۇسكەنىن بايقاۋعا بولادى. «ۆيدەودان سودىرلاردىڭ ءبىرىنىڭ حاترانى «يسلام مەملەكەتىنىڭ» جويىپ جىبەرگەنىن, سەبەبى, وعان جۇرتتىڭ «قۇداي ورنىنا تابىنىپ كەتكەنىن» ايتىپ تۇرعانى انىق ەستىلەدى», - دەپ جازادى theartnewspaper.ru. مۇرات ايتقوجا. مانبە, سۋرەت, ۆيدەو: التاپرەسس.رۋ.