قوستانايدا وقۋشى دەنە شىنىقتىرۋ ساباعىندا مۇگەدەك بولىپ قالدى

استانا. 5 ءساۋىر. قوستانايدا 4-سىنىپ وقۋشىسى دەنە شىنىقتىرۋ ساباعىنا قاتىسامىن دەپ كوزى كورمەي قالدى. ول ساباق بارىسىندا ۇستازىمەن بىرگە «قۋىپ جەت» ويىنىن ويناعان. بۇل تۋرالى tengrinews.kz حابارلايدى. حرەستيان گەنينگ ويناپ ءجۇرىپ, ۆولەيبولدىڭ باعاناسىنا باسىمەن سوققان. وعان جەدەل دارىگەرلىك كومەك كورسەتىلىپ, وفتالمولوگيالىق اۋرۋحاناعا جەتكىزىلەدى. الايدا, اۋىر سوققىنىڭ سالدارىنان وقۋشىنىڭ جانارى بىرنەشە ساعات وتكەن سوڭ كورمەي قالدى. حرەستيان گەنينگتىڭ اناسى ۇلىنىڭ مۇگەدەك كۇيگە تۇسكەنىنە مەكتەپ باسشىلىعى كىنالى دەيدى. سونداي-اق, ول كىنالىلەر زاڭ اياسىندا ءتيىستى جازاسىن المايىنشا تىنشىمايتىنىن ايتىپ وتىر. زاڭگەر ۆاديم سوبولەۆ: «ءبىلىم تۋرالى» زاڭنىڭ 45-بابى, 4-تارماعى, 3-بولىمىندە وقۋشىنىڭ ساباق پروتسەسى بارىسىندا ءومىرى مەن دەنساۋلىعىنا تىكەلەي مەكتەپ ديرەكتورى جاۋاپتى» ەكەنىن العا تارتۋدا. ايتا كەتەيىك, حريستياندى شۇعىل تۇردە شەت ەلگە اپارىپ, وتا جاساتۋ كەرەك. بىراق ونىڭ اتا-اناسى ۇلىن ەمدەتەتىن قارجىسى جوق ەكەنىن ايتۋدا. ولار قوستاناي قالاسىنىڭ ماڭىنداعى شاعىن اۋىلدا پاتەر جالداپ تۇرادى. تالعات رايىمبەك. دەرەك, سۋرەت; tengrinews.kz.