تەلەجۇرگىزۋشى تينا كاندەلاكي ۆولگوگرادتا قايدان ءجۇر؟

استانا. 4 ءساۋىر. كەشە رەسەيدىڭ بەلگىلى تەلەجۇرگىزۋشىسى تينا كاندەلاكيدى (سۋرەتتە) كورەرمەندەر كەنەت ۆولگوگراد مەتروسىنان كورىپ قالعاندارىندا قاتتى تاڭ قالدى. بۇل تۋرالى جەرگىلىكتى «كريۆوە زەركالو. Ru» حابارلادى. تانىمال تەلەجۇرگىزۋشىنىڭ قاھارمان-قالاعا تابان باسۋى رف ۇكىمەتىنىڭ ۆيتسە-پرەمەرى يگور شۋۆالوۆ, سپورت ءمينيسترى ۆيتالي مۋتكو سەكىلدى تۇلعالاردىڭ وسىندا جاساعان ساپارلارىمەن كەزدەيسوق تۋرا كەلىپ قالىپتى. 3 ءساۋىر كۇنى ۆولگوگرادقا ماسكەۋدەن تۇتاس ءبىر دەسانت ساۋ ەتىپ كەلە قالدى. بۇل ساپتاعى ۇكىمەت باسشىسىنىڭ ورىنباسارى مەن سپورت ءمينيسترى مۇندا 2018 جىلعى مۋنديالعا دايىندىق بارىسىن كورۋگە كەلىپتى. ءبىر كۇننىڭ ىشىندە ولار سالىنىپ جاتقان حالىقارالىق تەرمينالدى, «پوبەدا» ارەناسى بوي كوتەرەتىن الاڭدى, بىرنەشە جاڭا مەيمانحانانى كورىپ ۇلگەردى. ال تينا كاندەلاكي بۇل كەزدە قالادا ءوز جۇمىستارىمەن ءجۇردى. ەدىل جاعاسىنداعى قالاعا دا ول ءوزىنىڭ جەكە شارۋاسىمەن كەلگەن سياقتى. بىزگە بەلگىلىسى, ول الدىمەن وزەننىڭ جاعاسىنا بارىپ, سۋرەتكە تۇسكەن. سوسىن ونى الەۋمەتتىك جەلىگە سالىپ: «جاعالاداعى جاقتاۋلارعا سۇيەنبەڭىزدەر! پالتولارىڭىزدى تازالاي الماي قالاسىزدار!» دەپ جازىپتى. بۇدان سوڭ تينا ماماي قورعانىنا بارۋ ءۇشىن مەترونىڭ «كومسومولسكايا» ستانساسىنا تۇسكەن. ونىڭ ەسەبىن تاعى دا ينتەرنەتكە سالىپ قويىپتى. «اۋا رايى, ارينە, ونشا ەمەس, بىراق كوڭىل كۇي كوتەرىڭكى. ترامۆايمەن ۆولگوگراد مەتروسىنا كەلە جاتىرمىن. بيلەتى 15 رۋبل», دەپ جازادى تەلەجۇرگىزۋشى. سودان كەيىن ءوزىن تانىپ قالعان قىراعى جولاۋشىلارمەن ەسكەرتكىش ءۇشىن سۋرەتكە ءتۇسىپتى. الايدا, تانىمال تۇلعا قاھارمان-قالاعا نە ءۇشىن كەلگەنى تۋرالى ءتىس جارىپ, ءبىر اۋىز ءسوز ايتپايدى. كاندەلاكيدىڭ وكىلى مۇنى جۇمىس سيپاتىندا ەمەس ەكەنىمەن عانا تۇسىندىرەدى. تيناعا قالانىڭ كورىكتى جەرلەرى ۇناعان. «وتان-انانى جانىنان كورۋ دەگەن, ارينە, كەرەمەت! – دەپ جازادى ول. – وراسان زور اۋقىمداعى ءمۇسىن – ازاتتىق ستاتۋياسى مەن ريوداعى حريست ايىبىن جۋشى ستاتۋياسىنان ەكى ەسەدەي ۇلكەن. ايتقانداي, ول سالىنىپ جاتقاندا, قۇرىلىس ورنىنا بەتون تاسۋشى جۇك كولىكتەرى توبەلەرىنە لەنتا تاعىپ الىپ ءجۇرىپتى. وسى ارقىلى باعدارشامنىڭ «قىزىلىنا» قاراماي, توقتاماستان وتە بەرەتىن بولعان. ال گاي قىزمەتكەرلەرىنە ولاردى توقتاتۋعا تىيىم سالىنعان. مىنە, قانداي قۇرىلىس بولعان دەسەيشى!». سامات ق ۇلىمبەت. مانبە, سۋرەت: كريۆوە زەركالو. Ru.