ەلباسىنا داۋىس بەرۋ – ەل ەرتەڭى ءۇشىن داۋىس بەرۋ

كەشە, 3 ءساۋىر – الماتىعا ساپارلارىنىڭ ەكىنشى كۇنى قازاقستان رەسپۋبليكاسى پرەزيدەنتتىگىنە كانديدات نۇرسۇلتان نازارباەۆتىڭ رەسپۋبليكالىق قوعامدىق شتابىنىڭ (رقش) مۇشەلەرى عىلىمي جانە شىعارماشىل ينتەلليگەنتسيا, ارداگەرلەر ۇيىمدارى مەن پاتريوتتىق كلۋبتاردىڭ وكىلدەرىمەن, قالا كاسىپكەرلەرىمەن كەزدەسىپ, سونداي-اق, «يننوۆاتسيالىق تەحنولوگيالار پاركى» ەركىن ەكونوميكالىق ايماعىندا بولدى. الماتىنىڭ زيالى قاۋىمى ەل­با­سىنىڭ باس­شىلىعىمەن ەلىمىز تەك ۇلكەن ەكونو­ميكالىق تابىستارعا قول جەتكىزىپ قانا قويماي, ءوزىنىڭ باستى رۋحاني قۇن­دى­­لىقتارى – حالىق اراسىنداعى دوس­تىق­­تى, تاعاتتىلىقتى, بەيبىتشىلىك پەن كە­لى­سىمدى ساقتاي العانىن اتاپ كور­سەتتى. «بۇكىل عىلىمي قوعامداستىق نۇر­سۇلتان نازارباەۆتىڭ باعىتىن قول­داي­دى», – دەپ اتاپ ايتتى ءسوز سويلەگەن كەزىندە قازاقستان ۇلتتىق عىلىم اكا­دە­مياسىنىڭ پرەزيدەنتى مۇرات جۇ­رىنوۆ. ءوز كەزەگىندە قازاق ۇلتتىق اگرارلىق ۋنيۆەرسيتەتىنىڭ رەكتورى تىلەكتەس ەس­پو­لوۆ تەك سوڭعى بەس جىل ىشىندە عانا مەملەكەت باسشىسىنىڭ قولداۋى ءناتي­جە­سىندە وتاندىق عىلىمدى قارجىلان­دىرۋ ەكى ەسە وسكەنىن كولدەنەڭ تارتتى. بۇدان بولەك, مەملەكەتتىڭ ءبىلىم بەرۋ سالاسىنا بولگەن قارجىسى ايتارلىقتاي ارتتى. «ناتيجەسىندە اتالعان سالانى دامىتۋ يندەكسى بويىنشا قازاقستان الەمدىك كوشباسشى ەلدەر قاتارىنا كىرىپ وتىر», – دەپ قوستى ت.ەسپولوۆ. كەزدەسۋ كەزىندە قازاقستان جا­زۋ­شىلار وداعىنىڭ توراعاسى نۇرلان ورازالين دە ءسوز سويلەدى. ول قازىرگى كەزەڭدى شىعارماشىلىق ادامدارى ءۇشىن التىن كەزەڭ دەپ ەسەپتەيدى.  ويتكەنى, ولار دانا كوشباسشىسى مەن جۇدىرىقتاي جۇمىلعان حالقى بار جاس, ىرعاقتى دامۋ ۇستىندەگى جانە قۋاتتى مەملەكەتتى جەكە سەزىنە وتىرىپ,  وزدەرىنىڭ شىعارمالارىنا ارقاۋ ەتۋدىڭ تاماشا مۇمكىندىگىنە يە. قازاقستاندىق اكادەميك سۇلتان سارتاەۆ كەزدەسۋ كەزىندە ەلگە ءجيى شى­عىپ تۇراتىنىن, بارلىق جەردە قۇرى­لىس كراندارىن كورەتىنىن ايتتى. بۇل, عالىمنىڭ پىكىرىنشە, قازاقستاندى قازىردىڭ وزىندە الدىڭعى قاتارلى وڭىرلىك دەرجاۆالاردىڭ قاتارىنا قوسقان پرەزيدەنتتىڭ دانا ساياساتىنىڭ باستى ناتيجەلەرىنىڭ ءبىرى. اتاقتى ءانشى الىبەك دىنىشەۆ نۇرسۇلتان نازارباەۆ وتاندىق مادەنيەت پەن ونەردى دامىتۋ ءۇشىن وتە كوپ نارسە جاساعانىن اتاپ ءوتتى. بۇعان بۇكىل ەلىمىز بويىنشا اشىلىپ جاتقان جاڭا تەاترلار جارقىن ايعاق بولىپ تابىلادى. رقش مۇشەلەرى بارعان كەلەسى جەر «ين­نوۆاتسيالىق تەحنولوگيالار پاركى» ەركىن ەكونوميكالىق ايماعى بولدى. 2011 جىلدان بەرى اتالعان ارنايى ەكونو­ميكالىق ايماققا قاتىسۋشىلار 2 مىڭ­نان استام ادامدى جۇمىسپەن قامتاماسىز ەتىپ وتىرسا, ول 150 يننوۆاتسيالىق كاسىپورىننىڭ باسىن بىرىكتىرەدى. وتكەن جىلى مۇندا وندىرىلگەن ءونىم كولەمى 10,5 ميلليارد تەڭگەنى, ال تولەگەن سالىق كولەمى 2,4 ميلليارد تەڭگەنى قۇرادى. جاس جاڭاشىلدار نۇرسۇلتان نا­زار­باەۆقا قازاقستاندىق ازىرلەۋشى-عا­لىمدارعا وزدەرىن كورسەتۋگە مۇمكىندىك بەرگەن يننوۆاتسيالىق تەحنولوگيالار پاركىن قۇرعانى ءۇشىن ريزاشىلىقتارىن ءبىلدىردى. اتاپ ايتقاندا, مەملەكەت باسشى­سى­نىڭ تاپسىرماسى بويىنشا قۇرىلعان حالىقارالىق اقپاراتتىق تەحنولوگيالار ۋنيۆەرسيتەتىنە باسشىلىق جاسايتىن جاس عالىم دامير شينابەكوۆ نۇرسۇلتان نازارباەۆ بولاشاقتىڭ ەكونوميكاسىنا بەرىك نەگىز قالاعانىن مالىمدەدى. «اق­پاراتتىق تەحنولوگيالار پاركى, جاڭا بۋىن­داعى عىلىمي زەرتحانالاردىڭ جەلىسى, «نازارباەۆ ۋنيۆەرسيتەت», نازار­باەۆ زياتكەرلىك مەكتەپتەرى – وسى­نىڭ بارلىعى ەلباسىنىڭ تۋىندىلارى بولىپ تابىلاتىن سەرپىندى جوبالار, ەندى بۇلار ەلىمىزدى الەمدەگى جەتەكشى يننوۆاتسيالىق مەملەكەتتەر قاتارىنا قوساتىن بولادى», – دەپ اتاپ كورسەتتى دامير شينابەكوۆ. كاسىپكەرلىكتى جاڭادان باستاپ جۇرگەن ەدۋارد يۋگاي يننوۆاتسيالىق تەحنولوگيالار پاركىنىڭ ارقاسىندا ءوز ءىسىن باستاعان. ول جوعارى تەحنولوگيالىق قۇرال-جابدىقتاردى دايىنداۋمەن اينالىسادى جانە العاشقى پايداسىن الىپ تا ۇلگەرگەن. وسى ءۇشىن ول نۇرسۇلتان نازارباەۆقا شىن جۇرەكتەن شىققان ريزاشىلىعىن ءبىلدىردى. كەزدەسۋگە قاتىسۋشىلار, تۇتاستاي العاندا, 26 ساۋىردە وتەتىن پرە­زيدەنتتىك سايلاۋدا نۇرسۇلتان نازار­باە­ۆتىڭ كانديداتۋراسىن قول­دايتىندارىن ايتتى. ءسويتىپ, كەزدەسۋگە قاتىسۋشىلار نۇرسۇلتان نازارباەۆقا داۋىس بەرە وتىرىپ, ەلىمىزدىڭ وركەندەۋى, بىرلىگى, بەيبىتشىلىك پەن كەلىسىم ءۇشىن داۋىس بەرەتىندەرىن اتاپ كورسەتتى. قانات ەسكەندىر, «ەگەمەن قازاقستان». الماتى.