ۇزدىك پوشتاشىعا بەرىلگەن سىيلىق

«قازپوشتا» اق-تىڭ  وبلىستىق فيليالىندا «ۋچاسكەلىك پوشتاشى» اتتى جاڭا جوبا ەنگىزىلدى. جەرگىلىكتى فيليال باسشىسى ابىلاي ابىشەۆتىڭ  ايتۋىنشا, جالپى, بۇل جوبانىڭ  ماقساتى – بولىمشەلەردە جۇمىس جاسايتىن ءار پوشتاشىنىڭ ءوزى قىزمەت كورسەتەتىن اۋداندا تۇرعىندارعا قانشالىقتى تانىلاتىندىعىن انىقتاۋ. ەكىنشىدەن, پوشتاشى ماماندىعىنىڭ بەدەلىن كوتەرۋ.ۇشىنشىدەن, قوعامنىڭ پوشتاشىعا نازار اۋدارۋى قانداي دارەجەدە دەگەن سۇراقتارعا جاۋاپ ىزدەلدى. ايتسا ايتقانداي-اق, ارينە, ءتۇرلى تاقىرىپتاعى پوشتا قىزمەتى جايلى وسىنداي جوبالار وتە قاجەت. بۇل جالپى قوعامنىڭ,  جەرگىلىكتى اتقارۋشى ورگانداردىڭ نازارىن اۋدارۋعا ءتيىس دەپ ويلايمىز. قازىر پوشتا بايلانىسىنىڭ  جۇمىسىندا ماسەلەلەر از ەمەس. مىسالى, قا­لاداعى تۇرعىن ۇيلەردە پوشتا جاشىكتەرى ابدەن توزىعى جەتكەن. قالالىق اكىمدىكتىڭ نازار اۋدارماي, قولعا الماي تۇرعانى وسى. بۇل ءبىر.  ەكىنشىدەن, شالعايداعى اۋىل جولدارىمەن كۇن ارا گازەت-جۋرنال جەتكىزۋ مۇمكىن ەمەس. سوندىقتان, وسى ماقسات بويىنشا, «ۋچاسكەلىك پوشتاشى», «ۇزدىك پوشتاشى» دەگەن تاقىرىپ اياسىندا بايقاۋ ۇيىمداستىرىلدى. بايقاۋعا قاتىسۋ ءۇشىن  ۇمىتكەرلەرلەر ءوتى­نىشتەرىن جىبەردى. ال, قالا تۇر­عىندارى داۋىس بەرۋ ارقىلى ءوز پوشتاشىلارىن تاڭداپ بەردى. ءسويتىپ, بايقاۋ قورىتىندىسىن­دا  گاۋحار قابىكەنقىزى, گۇلنار قاجەنوۆالار اقشالاي سىيلىققا يە  بولدى. وبلىس ورتالى­عىن­داعى №13 پوشتا ءبولىم­شەسىنىڭ  بەل­سەندى قىزمەتتەرى اتالىپ ءوتتى. بارلىق قاتىسۋشىلارعا ىنتالان­دىرۋ سىيلىقتارى بەرىلدى. سونىمەن قوسا, بايقاۋ جەڭىمپازى  گاۋحار قابىكەنقىزىنا «2014 جىلدىڭ ۇزدىك ۋچاسكەلىك پوشتاشى» نوميناتسياسى بويىنشا  بەلەسەبەت بەرىلدى. الداعى ۋاقىتتا  «ۋچاسكەلىك پوشتاشى», «ۇزدىك پوشتاشى» بايقاۋى جىل سايىن جانە تەك قانا قالادا ەمەس, اۋىل­داردا, اۋدان ورتا­لىقتارىندا «قازپوشتا» اق بار­لىق وبلىستىق فيليالدارىندا وتكىزۋدى جوسپارلاپ وتىر. – ويتكەنى, بۇل جوبا  ماقساتى  پوشتاشى­لاردىڭ گازەت-جۋرنال, حات-حابار تاراتۋدا بەلسەندى  جۇمىس جاساۋلارى ءۇشىن كورپوراتيۆتىك رۋحتى كوتەرىپ, ەڭبەككە دەگەن ىنتا-ىقىلاس تۋدىرادى, – دەيدى ابىلاي ابىشەۆ. فاريدا بىقاي, «ەگەمەن قازاقستان». پاۆلودار.