قازاقستان رەسپۋبليكاسىنىڭ قورعانىس مينيسترلىگى جەڭىستىڭ 70 جىلدىعىنا وراي جۋرناليستەر اراسىندا بايقاۋ جاريالايدى

* نازار اۋدارىڭىز:  كونكۋرس! قازاقستان رەسپۋبليكاسىنىڭ قورعانىس مينيسترلىگى ۇلى وتان سوعىسىنداعى جەڭىستىڭ 70 جىلدىق مەرەيتويىنا وراي جۋرناليستەر اراسىندا «جەڭىس جارشىسى» رەسپۋبليكالىق شىعارماشىلىق بايقاۋىن جاريالايدى. شىعارماشىلىق بايقاۋدىڭ نەگىزگى ماقساتى 1941-1945 جىل­دار­داعى ۇلى وتان سوعىسىنىڭ تاريحى, قازاقستاندىق سارباز­دار, وفيتسەرلەر جانە تىل ەڭبەك­كەرلەرىنىڭ ۇلى وتان سوعى­سىنداعى جەڭىسكە قوسقان ۇلەسى, ەرلىگى مەن قاھارماندىعى تۋرالى جاس بۋىن وكىلدەرى اراسىندا وتانسۇيگىشتىك قاسيەتتەردى ناسيحاتتاۋ, ۇلى جەڭىس تاريحى ماسەلەلەرىن كوتەرىپ جۇرگەن جۋر­ناليستەردىڭ كاسىبي دەڭگەيىن ارتتىرۋ, اتالعان تاقىرىپتاردى اقپاراتتاندىرۋعا تالانتتى اۆتورلاردى تارتۋ بولىپ تابىلادى. ەكىنشى دۇنيەجۇزىلىك سوعىس تاقىرىبىن جازاتىن ءۇز­دىك جۋرناليستەرگە ارنالعان باي­قاۋ قازاقستان اۋماعىندا شىعارىلاتىن قالالىق جانە رەسپۋبليكالىق بۇقارالىق اقپا­رات قۇرالدارى, سونداي-اق مەملەكەتتىك جانە ورىس تىلدە­رىندە ەلەكتروندى بۇقارالىق اقپارات قۇرالدارى اراسىندا جەكە نوميناتسيالار بويىنشا وتكىزىلەدى. بايقاۋعا گازەت, راديو جانە تەلەارنا جۋرناليستەرى, اقپا­راتتىق اگەنتتىكتەر, سونداي-اق ەكىنشى دۇنيەجۇزىلىك سوعىس تاريحى, مايدانگەرلەر مەن تىل ەڭبەككەرلەرىنىڭ سوعىستان كەيىنگى تاعدىرى, ۇوس ارداگەرلەرىنە قولداۋ كورسەتەتىن قوعامدىق ۇيىمدار تۋرالى جانە دالا شايقاستارىندا قازا بولعان جاۋىنگەرلەردى ىزدەۋ تۋرالى ماتەريالداردى جاريالاپ جۇرگەن شتات­ت­ان تىس اۆتورلار دا قاتىسا الادى. جەڭىمپازدار «باسپاسوزدەگى جاريالانعان ۇزدىك ماقالا», «ينتەرنەت باسىلىمدا جاريا­لان­عان ۇزدىك ماتەريال», «ۇزدىك تە­لەسيۋجەت/تەلەحابار», «ۇزدىك راديو­سيۋجەت/راديوحابار», «ۇزدىك فو­توتۇسىرىلىم/فوتووچەرك» ات­تى بەس نوميناتسيا بويىنشا انىقتالادى.