بۇرىمى توبىعىن سوعىپ, شولپىسى سىڭعىرلاپ, سىلاڭ قاعىپ وتە شىققان بويجەتكەن تالاي انگە, ولەڭگە ارقاۋ بولدى.
«اق ۇيدەن ءبىر قىز شىقتى كوزى كۇلگەن. شاشتارىن بەس كۇن تاراپ, ون كۇن ورگەن». حالىق اۋىز ادەبيەتىندەگى وسى ءبىر تەڭەۋدەن-اق باياعى قىزداردىڭ بەينەسى انىق كورىنەتىندەي. ءبۇگىندە ونداي بۇرىمدىلاردى كورۋ ارمان. قولاڭشاش تۇگىلى, باسىن تاقىرلاپ الىپ تاستاعان قارىنداستاردى دا كورىپ ءجۇرمىز.
حالىقارالىق ايەلدەر كۇنى مەرەكەسىنە وراي قىزىلوردا وبلىسىنىڭ جالاعاش اۋدانىندا بۇرىمدى ارۋلاردىڭ بايقاۋى ءوتتى. بايقاۋدىڭ ماقساتى دا تۇسىنىكتى. ەستە جوق ەسكى زاماندا قالعان ءۇردىستى بۇگىنگە ورالتۋ. شاشتى كۇتۋ, ونى ءوسىرۋ, باپپەن تاراپ ءورۋ سياقتى قازاق قىزىنا ءتان قاسيەتتەردى وسكەلەڭ جاسقا ونەگە رەتىندە كورسەتۋ ەدى. اتالعان سىنعا شاشى ەڭ ۇزىن 15 بويجەتكەن قاتىستى. بايقاۋعا قاتىسۋشىلاردىڭ ەڭ كىشىسى – 13 جاستاعى ارايلىم ءالىمجان.
سۇلۋدىڭ سۇلۋى – بۇرىمدى قىز. بۇل – 17 نەمەرە سۇيگەن مەيرامگۇل ەرجانوۆانىڭ ومىرلىك ۇستانىمى. اق جاۋلىقتى اجە نەمەرەلەرىنىڭ شاشىن كۇتىپ-باپتاۋىن ءوزى ەرەكشە قاداعالايدى ەكەن. «شولپى تاعىپ, شاشباۋ ىلگەن ارۋلار ۇلتىمىزدىڭ سىر-سىيپاتى دەپ ماقتان تۇتا بىلگەن ءجون»,– دەيدى كەيۋانا. بايقاۋعا قاتىسقان ارۋلاردىڭ ىشىندەگى ەڭ قولاڭشاشتىسى ارايلىم بولدى. ونىڭ شاشىنىڭ ۇزىندىعى 107, قالىڭدىعى 13 سانتيمەتر ەكەن.
– بۇرىم – ۇلتىمىزدىڭ ەڭ تاماشا ءساندى بايلىعى دەپ ەسەپتەيمىن. سوندىقتان بۇگىنگى بايقاۋعا قىزدارىمىزدىڭ جاقسى ۇلگى-ونەگەلەرى, ولاردى كۇتۋ جايىندا جاساعان ءىس-ارەكەتتەرى بىزگە ۇنادى. شاشباۋى سىلدىر قاققان سۇلۋلار بايقاۋى قازاق ارۋلارىنىڭ تابيعاتىن اشىپ بەردى. ال ۇلكەندەر ۇزىن بۇرىم سۇلۋلاردىڭ كوركى عانا ەمەس, ادەپتىلىك پەن يناباتتىلىق سياقتى اسىل قاسيەتتەردىڭ ايناسى دەپ وسيەت ايتتى. راسىندا, قىزدارعا تەك اسەمدىك جاراسادى, – دەدى قازىلار القاسىنىڭ مۇشەسى باقىت كانتاەۆا.
ەرجان بايتىلەس,
«ەگەمەن قازاقستان».
قىزىلوردا وبلىسى,
جالاعاش اۋدانى.
«اق ۇيدەن ءبىر قىز شىقتى كوزى كۇلگەن. شاشتارىن بەس كۇن تاراپ, ون كۇن ورگەن». حالىق اۋىز ادەبيەتىندەگى وسى ءبىر تەڭەۋدەن-اق باياعى قىزداردىڭ بەينەسى انىق كورىنەتىندەي. ءبۇگىندە ونداي بۇرىمدىلاردى كورۋ ارمان. قولاڭشاش تۇگىلى, باسىن تاقىرلاپ الىپ تاستاعان قارىنداستاردى دا كورىپ ءجۇرمىز.
حالىقارالىق ايەلدەر كۇنى مەرەكەسىنە وراي قىزىلوردا وبلىسىنىڭ جالاعاش اۋدانىندا بۇرىمدى ارۋلاردىڭ بايقاۋى ءوتتى. بايقاۋدىڭ ماقساتى دا تۇسىنىكتى. ەستە جوق ەسكى زاماندا قالعان ءۇردىستى بۇگىنگە ورالتۋ. شاشتى كۇتۋ, ونى ءوسىرۋ, باپپەن تاراپ ءورۋ سياقتى قازاق قىزىنا ءتان قاسيەتتەردى وسكەلەڭ جاسقا ونەگە رەتىندە كورسەتۋ ەدى. اتالعان سىنعا شاشى ەڭ ۇزىن 15 بويجەتكەن قاتىستى. بايقاۋعا قاتىسۋشىلاردىڭ ەڭ كىشىسى – 13 جاستاعى ارايلىم ءالىمجان.
سۇلۋدىڭ سۇلۋى – بۇرىمدى قىز. بۇل – 17 نەمەرە سۇيگەن مەيرامگۇل ەرجانوۆانىڭ ومىرلىك ۇستانىمى. اق جاۋلىقتى اجە نەمەرەلەرىنىڭ شاشىن كۇتىپ-باپتاۋىن ءوزى ەرەكشە قاداعالايدى ەكەن. «شولپى تاعىپ, شاشباۋ ىلگەن ارۋلار ۇلتىمىزدىڭ سىر-سىيپاتى دەپ ماقتان تۇتا بىلگەن ءجون»,– دەيدى كەيۋانا. بايقاۋعا قاتىسقان ارۋلاردىڭ ىشىندەگى ەڭ قولاڭشاشتىسى ارايلىم بولدى. ونىڭ شاشىنىڭ ۇزىندىعى 107, قالىڭدىعى 13 سانتيمەتر ەكەن.
– بۇرىم – ۇلتىمىزدىڭ ەڭ تاماشا ءساندى بايلىعى دەپ ەسەپتەيمىن. سوندىقتان بۇگىنگى بايقاۋعا قىزدارىمىزدىڭ جاقسى ۇلگى-ونەگەلەرى, ولاردى كۇتۋ جايىندا جاساعان ءىس-ارەكەتتەرى بىزگە ۇنادى. شاشباۋى سىلدىر قاققان سۇلۋلار بايقاۋى قازاق ارۋلارىنىڭ تابيعاتىن اشىپ بەردى. ال ۇلكەندەر ۇزىن بۇرىم سۇلۋلاردىڭ كوركى عانا ەمەس, ادەپتىلىك پەن يناباتتىلىق سياقتى اسىل قاسيەتتەردىڭ ايناسى دەپ وسيەت ايتتى. راسىندا, قىزدارعا تەك اسەمدىك جاراسادى, – دەدى قازىلار القاسىنىڭ مۇشەسى باقىت كانتاەۆا.
ەرجان بايتىلەس,
«ەگەمەن قازاقستان».
قىزىلوردا وبلىسى,
جالاعاش اۋدانى.
