اقتوبە قالالىق اكىمدىگىندە اكتسيا اياسىندا ۇلى وتان سوعىسىنا قاتىسۋشىلاردىڭ ءبىر توبىمەن كەزدەسۋ وتكىزىلىپ, ولارعا «دابىل» تۇيمەلى ۇيالى تەلەفون تابىس ەتىلدى.
اكتسيانىڭ باستى ماقساتى – ۇلى وتان سوعىسىنا قاتىسۋشىلاردى «دابىل» نۇكتەسى بار ۇيالى تەلەفونمەن قامتاماسىز ەتۋ بولىپ تابىلادى. كەزدەسۋدە ءسوز العان قالا اكىمىنىڭ ورىنباسارى ايگۇل ارىنعازيەۆا اكتسياعا كەلگەن سوعىس ارداگەرلەرىن الدا كەلە جاتقان ۇلى جەڭىستىڭ 70 جىلدىعىمەن قۇتتىقتادى, وسى باعىتتا اتقارىلىپ جاتقان جۇمىستارعا توقتالدى. ونىڭ ايتۋىنشا, وبلىس ورتالىعىندا نەبارى 134 مايدانگەر تۇرادى ەكەن. مەرەكەگە دايىندىق بارىسىندا تۇرعىن ءۇيىن جوندەۋدى, باسقالاي دا الەۋمەتتىك كومەكتى قاجەت ەتەتىن سوعىس ارداگەرلەرىنىڭ تولىق ءتىزىمى الىنعان. مەرەكەلىك شارالار وتەتىن جەرلەر بەلگىلەنگەن, قالاداعى كەڭەس وداعىنىڭ باتىرلارى مەن «داڭق» وردەنىنىڭ تولىق يەگەرلەرى اتىنداعى كوشەلەردى جوندەۋ, كورىكتەندىرۋ جۇمىستارى جۇرگىزىلەتىن بولادى.
«ەۋرازيالىق مەديا-فورۋم» حالىقارالىق قورىنىڭ وكىلى سابىرجان داۋلەتياروۆ جەڭىستى جاقىنداتقان قارت جاۋىنگەرلەردى الداعى كەلە جاتقان مەرەيلى مەرەكەلەرىمەن قۇتتىقتاپ, «جەڭىس.كz» سايتى اشىلعانىن, سول ارقىلى جاستارعا ۇلى وتان سوعىسى جانە مايدانگەرلەر تۋرالى تولىق اقپارات بەرۋدى جۇيەلەيتىندىكتەرىن جەتكىزدى. ال, «ءومىر جولى» قوعامدىق قورىنىڭ ديرەكتورى ەرنار نۇربەكوۆ ارداگەرلەرگە «دابىل» تۇيمەسى بار ۇيالى تەلەفوننىڭ قالاي جۇمىس ىستەيتىنىن ءتۇسىندىردى. سونىڭ وزىنەن كەيىنگى تولقىننىڭ مايدانگەرلەرگە دەگەن قۇرمەتى ەرەكشە ەكەنىن اڭعارتتى. بۇگىندە مايدانگەرلەر قاتارى سيرەگەن, كوپشىلىگى سىرقات. تەلەفوننىڭ ءبىر جاقسىسى – ونى قۇلاعى اۋىر ەستيتىن, كوزى كورمەي قالعان قارت جاۋىنگەرلەر ەركىن پايدالانا الادى. «دابىل» تۇيمەسىن باسسا, اقپاراتتىق دابىل استانا, الماتى جانە قاراعاندى قالالارىنداعى وپەراتورلارعا تۇسەدى. ولار بىردەن سوعىس ارداگەرىنە جاقىن جەردەن شۇعىل كومەك بريگاداسىن اتتاندىرادى. ول وسى ۋاقىتقا دەيىن 400-دەن استام ارداگەرگە كومەك كورسەتىلىپ, 3 مايدانگەردى اجال اۋزىنان امان الىپ قالعاندارىن ايتىپ ءوتتى. رەسپۋبليكالىق كومەك ورتالىعى «قازتەلەكوم» بازاسىندا جۇمىس جاسايدى. بازادا بۇگىندە جەر باسىپ جۇرگەن 5083 قارت جاۋىنگەردىڭ جاعدايى تۇزىلگەن كارتا بار, ودان مايدانگەرلەر تۋرالى بارلىق اقپاراتتاردى تابۋعا بولادى. ۇلى وتان سوعىسىنىڭ ارداگەرى, اقتوبە قالاسىنىڭ قۇرمەتتى ازاماتى ۆلاديمير فينيۋتين مايدانگەرلەرگە الەۋمەتتىك قولداۋ كورسەتىپ, دەنساۋلىقتارىن تۇزەۋدى ۇدايى نازاردا ۇستاپ, قاداعالاپ تۇرعان ەلباسىنا, ۇكىمەتكە جانە جەرگىلىكتى بيلىككە ريزاشىلىعىن ءبىلدىردى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
اكتسيانىڭ باستى ماقساتى – ۇلى وتان سوعىسىنا قاتىسۋشىلاردى «دابىل» نۇكتەسى بار ۇيالى تەلەفونمەن قامتاماسىز ەتۋ بولىپ تابىلادى. كەزدەسۋدە ءسوز العان قالا اكىمىنىڭ ورىنباسارى ايگۇل ارىنعازيەۆا اكتسياعا كەلگەن سوعىس ارداگەرلەرىن الدا كەلە جاتقان ۇلى جەڭىستىڭ 70 جىلدىعىمەن قۇتتىقتادى, وسى باعىتتا اتقارىلىپ جاتقان جۇمىستارعا توقتالدى. ونىڭ ايتۋىنشا, وبلىس ورتالىعىندا نەبارى 134 مايدانگەر تۇرادى ەكەن. مەرەكەگە دايىندىق بارىسىندا تۇرعىن ءۇيىن جوندەۋدى, باسقالاي دا الەۋمەتتىك كومەكتى قاجەت ەتەتىن سوعىس ارداگەرلەرىنىڭ تولىق ءتىزىمى الىنعان. مەرەكەلىك شارالار وتەتىن جەرلەر بەلگىلەنگەن, قالاداعى كەڭەس وداعىنىڭ باتىرلارى مەن «داڭق» وردەنىنىڭ تولىق يەگەرلەرى اتىنداعى كوشەلەردى جوندەۋ, كورىكتەندىرۋ جۇمىستارى جۇرگىزىلەتىن بولادى.
«ەۋرازيالىق مەديا-فورۋم» حالىقارالىق قورىنىڭ وكىلى سابىرجان داۋلەتياروۆ جەڭىستى جاقىنداتقان قارت جاۋىنگەرلەردى الداعى كەلە جاتقان مەرەيلى مەرەكەلەرىمەن قۇتتىقتاپ, «جەڭىس.كz» سايتى اشىلعانىن, سول ارقىلى جاستارعا ۇلى وتان سوعىسى جانە مايدانگەرلەر تۋرالى تولىق اقپارات بەرۋدى جۇيەلەيتىندىكتەرىن جەتكىزدى. ال, «ءومىر جولى» قوعامدىق قورىنىڭ ديرەكتورى ەرنار نۇربەكوۆ ارداگەرلەرگە «دابىل» تۇيمەسى بار ۇيالى تەلەفوننىڭ قالاي جۇمىس ىستەيتىنىن ءتۇسىندىردى. سونىڭ وزىنەن كەيىنگى تولقىننىڭ مايدانگەرلەرگە دەگەن قۇرمەتى ەرەكشە ەكەنىن اڭعارتتى. بۇگىندە مايدانگەرلەر قاتارى سيرەگەن, كوپشىلىگى سىرقات. تەلەفوننىڭ ءبىر جاقسىسى – ونى قۇلاعى اۋىر ەستيتىن, كوزى كورمەي قالعان قارت جاۋىنگەرلەر ەركىن پايدالانا الادى. «دابىل» تۇيمەسىن باسسا, اقپاراتتىق دابىل استانا, الماتى جانە قاراعاندى قالالارىنداعى وپەراتورلارعا تۇسەدى. ولار بىردەن سوعىس ارداگەرىنە جاقىن جەردەن شۇعىل كومەك بريگاداسىن اتتاندىرادى. ول وسى ۋاقىتقا دەيىن 400-دەن استام ارداگەرگە كومەك كورسەتىلىپ, 3 مايدانگەردى اجال اۋزىنان امان الىپ قالعاندارىن ايتىپ ءوتتى. رەسپۋبليكالىق كومەك ورتالىعى «قازتەلەكوم» بازاسىندا جۇمىس جاسايدى. بازادا بۇگىندە جەر باسىپ جۇرگەن 5083 قارت جاۋىنگەردىڭ جاعدايى تۇزىلگەن كارتا بار, ودان مايدانگەرلەر تۋرالى بارلىق اقپاراتتاردى تابۋعا بولادى. ۇلى وتان سوعىسىنىڭ ارداگەرى, اقتوبە قالاسىنىڭ قۇرمەتتى ازاماتى ۆلاديمير فينيۋتين مايدانگەرلەرگە الەۋمەتتىك قولداۋ كورسەتىپ, دەنساۋلىقتارىن تۇزەۋدى ۇدايى نازاردا ۇستاپ, قاداعالاپ تۇرعان ەلباسىنا, ۇكىمەتكە جانە جەرگىلىكتى بيلىككە ريزاشىلىعىن ءبىلدىردى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
