قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ بۇيرىعى  №57

2014 جىلعى 11 جەلتوقسان, استانا قالاسى مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن شاعىم بەرۋ ەرەجەسىن بەكىتۋ تۋرالى قازاقستان رەسپۋبليكاسىنىڭ «مەملەكەتتىك قىزمەت تۋرالى» زاڭىنىڭ 29-بابى 2-تارماعىنا جانە قازاقستان رەسپۋبليكاسى پرەزيدەنتىنىڭ 1999 جىلعى 31 جەلتوقسانداعى № 321 جارلىعىمەن بەكىتىلگەن قازاقستان رەسپۋبليكاسىنىڭ مەملەكەتتىك اكىمشىلىك قىزمەتشىلەرىنە تارتىپتىك جازا قولدانۋ ەرەجەسىنىڭ 65-تارماعىنا سايكەس, بۇيىرامىن: 1. قوسا بەرىلگەن مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن شاعىم بەرۋ ەرەجەسى بەكىتىلسىن. 2. «مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن شاعىم بەرۋ ەرەجەسىن بەكىتۋ تۋرالى» قازاقستان رەسپۋبليكاسى مەملەكەتتىك قىزمەت ىستەرى اگەنتتىگى توراعاسىنىڭ 2013 جىلعى 25 جەلتوقسانداعى № 06-7/188 بۇيرىعىنىڭ (نورماتيۆتىك قۇقىقتىق اكتىلەردىڭ مەملەكەتتىك تىزىلىمىندە № 9096 تىركەلگەن, 2014 جىلعى 8-اقپانداعى № 27 (28251) «ەگەمەن قازاقستان» گازەتىندە جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مەملەكەتتىك قىزمەت جانە سىبايلاس جەمقورلىق پروفيلاكتيكاسى دەپارتامەنتى ء(ا.ا. كومەكباەۆ) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ونى رەسمي جاريالاۋدى قامتاماسىز ەتسىن. 4. وسى بۇيرىق العاش رەسمي جاريالانعان كۇنىنەن باستاپ قولدانىسقا ەنگىزىلەدى. توراعا ق.قوجامجاروۆ. قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2014 جىلعى 11 جەلتوقسانداعى № 57 بۇيرىعىمەن بەكىتىلدى مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن شاعىم بەرۋ ەرەجەسى 1. جالپى ەرەجەلەر 1. مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن شاعىم بەرۋ ەرەجەسى (بۇدان ءارى - ەرەجە) «مەملەكەتتىك قىزمەت تۋرالى» قازاقستان رەسپۋبليكاسى زاڭىنىڭ 29-بابىنىڭ, سونداي-اق قازاقستان رەسپۋبليكاسى پرەزيدەنتىنىڭ 1999 جىلعى 31 جەلتوقسانداعى № 321 جارلىعىمەن بەكىتىلگەن قازاقستان رەسپۋبليكاسىنىڭ مەملەكەتتىك اكىمشىلىك قىزمەتشىلەرىنە تارتىپتىك جازا قولدانۋ قاعيدالارىنىڭ 65-تارماعىنىڭ تالاپتارىن ىسكە اسىرۋ ماقساتىندا ازىرلەنگەن. 2. ەرەجە مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن (بۇدان ءارى - قىزمەتشى) جوعارى تۇرعان مەملەكەتتىك ورگاندارعا, جوعارى تۇرعان لاۋازىمدى ادامدارعا, مەملەكەتتىك قىزمەت ىستەرى جونىندەگى ۋاكىلەتتى ورگانعا (بۇدان ءارى - ۋاكىلەتتى ورگان) شاعىم بەرۋ ءتارتىبىن بەلگىلەيدى. 2. مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى مەملەكەتتىك قىزمەتشىلەرىمەن شاعىم بەرۋ ءتارتىبى جانە مەرزىمى 3. قىزمەتشى مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە جوعارى تۇرعان مەملەكەتتىك ورگاندارعا, جوعارى تۇرعان لاۋازىمدى ادامدارعا, ۋاكىلەتتى ورگانعا شاعىم بەرەدى, ەگەردە: 1) قىزمەتشى وعان قولدانىلعان تارتىپتىك جازامەن كەلىسپەگەندە; 2) قىزمەتشىنىڭ قۇقىعى, بوستاندىعى جانە زاڭمەن قورعالاتىن مۇددەلەرى بۇزىلسا; 3) قىزمەتشى مەملەكەتتىك قىزمەت تۋرالى زاڭنامانىڭ بۇزىلۋىمەن تارتىپتىك جاۋاپقا تارتىلسا. 4. قىزمەتشىنىڭ وتىنىشىندە ونىڭ تەگى, اتى, اكەسىنىڭ اتى (بار بولعان جاعدايدا), پوشتالىق مەكەن-جايى كورسەتىلەدى, وتىنىشكە قىزمەتشى قول قويۋى نە ول ەلەكتروندىق تسيفرلىق قولتاڭبامەن كۋالاندىرىلۋعا ءتيىس. شاعىم جاسالعان كەزدە ءىس-ارەكەتىنە شاعىم جاسالىپ وتىرعان مەملەكەتتىك ورگاننىڭ اتاۋى, لاۋازىمدى ادامداردىڭ تەگى جانە اتى-ءجونى, ءوتىنىش جاساۋ سەبەپتەرى مەن تالاپتارى كورسەتىلەدى. 5. جوعارى تۇرعان مەملەكەتتىك ورگانعا, جوعارى تۇرعان لاۋازىمدى ادامعا, ۋاكىلەتتى ورگانعا قىزمەتشىنىڭ ءوتىنىشى قازاقستان رەسپۋبليكاسىنىڭ «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» زاڭىمەن بەلگىلەنگەن تارتىپتە قاراستىرىلادى. 6. قىزمەتشى جوعارى تۇرعان مەملەكەتتىك ورگانعا, جوعارى تۇرعان لاۋازىمدى ادامعا, ۋاكىلەتتى ورگانعا بەرگەن ءوتىنىشىن سول ءوتىنىش بويىنشا شەشىم قابىلدانعانعا دەيىن ءوزىنىڭ جازباشا ارىزى نەگىزىندە كەرى قايتارىپ الا الادى. وسى ەرەجەنىڭ 8-تارماعىمەن بەلگىلەنگەن مەرزىمى ساقتالعان جاعدايدا كەرى قايتارىپ الىنعان شاعىم قىزمەتشىنى قايتا شاعىم بەرۋ قۇقىعىنان ايىرمايدى. 7. مەملەكەتتىك ورگانداردىڭ نەمەسە لاۋازىمدى تۇلعالاردىڭ ءىس-ارەكەتتەرىنە جوعارى تۇرعان مەملەكەتتىك ورگانعا, جوعارى تۇرعان لاۋازىمدى ادامعا, ۋاكىلەتتى ورگانعا قىزمەتشىگە ونى تارتىپتىك جاۋاپكەرشىلىككە تارتۋ تۋرالى شەشىم قابىلدانعانى تۋرالى بەلگىلى بولعان كەزدەن باستاپ, ءبىر ايدان كەشىكتىرىلمەي شاعىم بەرىلەدى. شاعىم بەرۋ مەرزىمىنىڭ ءوتىپ كەتۋى مەملەكەتتىك ورگانعا نەمەسە لاۋازىمدى تۇلعاعا شاعىمدى قاراۋدان باس تارتۋعا نەگىز بولىپ تابىلمايدى. شاعىم بەرۋ مەرزىمىنىڭ ءوتىپ كەتۋ سەبەپتەرى شاعىمدى ءمانى بويىنشا قاراۋ كەزىندە انىقتالادى جانە شاعىمدى قاناعاتتاندىرۋدان باس تارتۋعا نەگىزدەردىڭ ءبىرى بولىپ شىعۋى مۇمكىن. 3. مەملەكەتتىك ورگانداردىڭ نەمەسە لاۋازىمدى ادامداردىڭ ءىس-ارەكەتتەرىنە مەن شەشىمدەرىنە تارتىپتىك جاۋاپقا تارتىلۋشى قىزمەتشىلەردىڭ شاعىمىن قاراۋ ءتارتىبى جانە مەرزىمى 8. قىزمەتشىنىڭ جوعارى تۇرعان مەملەكەتتىك ورگانعا, جوعارى تۇرعان لاۋازىمدى ادامعا, ۋاكىلەتتى ورگانعا بەرگەن شاعىمى مەملەكەتتىك ورگانعا نەمەسە لاۋازىمدى ادامعا كەلىپ تۇسكەن كۇنىنەن باستاپ كۇنتىزبەلىك ون بەس كۇن ىشىندە قارالادى. قوسىمشا زەردەلەۋ نەمەسە تەكسەرۋ جۇرگىزۋ قاجەت بولعان جاعدايلاردا, قاراۋ مەرزىمى كۇنتىزبەلىك وتىز كۇننەن اسپايتىن مەرزىمگە ۇزارتىلادى, بۇل تۋرالى قاراۋ مەرزىمى ۇزارتىلعان كۇننەن باستاپ كۇنتىزبەلىك ءۇش كۇن ىشىندە ءوتىنىش بەرۋشىگە حابارلانادى. 9. جوعارى تۇرعان مەملەكەتتىك ورگاندار, جوعارى تۇرعان لاۋازىمدى ادامدار, ۋاكىلەتتى ورگان ءوز قۇزىرەتى شەگىندە: 1) شاعىمدى وبەكتيۆتى, جان-جاقتى ءارى ۋاقتىلى, قاجەت بولعان جاعدايدا قىزمەتشىنىڭ قاتىسۋىمەن قاراۋدى قامتاماسىز ەتەدى; 2) قىزمەتشىنىڭ بۇزىلعان قۇقىقتارى مەن بوستاندىقتارىن قالپىنا كەلتىرۋگە باعىتتالعان شارالاردى قابىلدايدى; 3) شاعىم قاراۋ ناتيجەلەرى مەن قابىلدانعان شارالار تۋرالى قىزمەتشىگە حابارلايدى. 10. شاعىمدى قاراۋ ناتيجەلەرى بويىنشا مىناداي شەشىمدەردىڭ ءبىرى قابىلدانادى: 1) قىزمەتشىنىڭ شاعىمىن تولىق نەمەسە ءىشىنارا قاناعاتتاندىرۋ تۋرالى; 2) وسىنداي شەشىم قابىلداۋدى نەگىزدەي وتىرىپ, قىزمەتشىنىڭ شاعىمىن قاناعاتتاندىرۋدان باس تارتۋ تۋرالى; 3) قىزمەتشىنىڭ شاعىمىنىڭ ءمانى بويىنشا تۇسىنىك بەرۋ تۋرالى; 4) قىزمەتشىنىڭ شاعىمىنىڭ قاراۋدى توقتاتۋ تۋرالى. 11. جوعارى تۇرعان مەملەكەتتىك ورگانمەن, جوعارى تۇرعان لاۋازىمدى اداممەن, ۋاكىلەتتى ورگانمەن قابىلدانعان شەشىممەن كەلىسپەگەن جاعدايدا قىزمەتشى سول شەشىمدى سوتقا شاعىمدانۋعا قۇقىعى بار. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 20 قاڭتارداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10109 بولىپ ەنگىزىلدى.