ەكونوميكاسى كەرى شەگىنبەگەن الەمدەگى ساناۋلى ەلدەر قاتارىنداعى قازاقستان ءۇشىن باسىم باعىت بولىپ قالا بەرەتىنىن دۋباي تورىندەگى شارا تاعى ءبىر ايعاقتاپ بەردى
بىرىككەن اراب امىرلىكتەرىنەن قۋانىشتى حابار مۇحيت ورلەي, تەڭىز كوكتەي ءوتىپ, قۇستاي ۇشىپ جەتتى. قىزىلجار وڭىرىنە! سۇيىنشىلەگەن – وبلىستىق اۋىل شارۋاشىلىعى باسقارماسى باسشىسىنىڭ ورىنباسارى التىنبەك ابدوللاەۆ. اتىنا زاتى ساي باۋىرىمىز دۇنيەنىڭ ءتورت بۇرىشىنا جاقسى تانىس ەلىمىزدىڭ تاعى ءبىر بيىك شىڭدى باعىندىرعانىن بولىسكەنشە اسىققان سىڭايلى. الدىندا وبلىس اكىمىنىڭ ءبىرىنشى ورىنباسارى ايداربەك ساپاروۆ باستاعان توپ قازاقستان دەلەگاتسياسىنىڭ قۇرامىندا ءباا-گە ساپارلاپ كەتكەنىن ەستىگەنبىز. اسىقپايىق, اپتىقپايىق, ولجالى ورالعان سوڭ ەمەن-جارقىن سۇحباتتاسارمىز دەگەنبىز. سامال جەلدەي تەربەتىپ, جان-دۇنيەمىزدى جادىراتقان جاڭالىق قولىمىزعا ەرىكسىز قالام الدىرتتى. ولاي بولسا, اڭگىمەنى باسىنان ساباقتايىق.
ەلباسى ن. نازارباەۆتىڭ ۇكىمەتتىڭ سوڭعى كەڭەيتىلگەن وتىرىسىندا «ءتيىستى مەموراندۋمدار بەكىتە وتىرىپ, قازاقستاندىق قامتۋ جونىندەگى فورۋمدار وتكىزۋ تاجىريبەسىن قايتا جاڭعىرتۋ كەرەك. بارلىق ساۋدا جەلىلەرىندە وتاندىق تاۋارلار سەكتسياسى پايدا بولۋ ءۇشىن «قازاقستاندا جاسالعان» اكتسياسىن باستايمىز. وبلىس اكىمدەرى مۇنى قاداعالاپ وتىرۋى كەرەك. بارشا ازاماتتارعا وسى كۇردەلى جاعدايدا پاتريوت بولىپ, قازاقستاندىق ءونىمدى ساتىپ الۋ جونىندە ءسوز ارنايمىز», دەگەنى ءبارىمىزدىڭ ەسىمىزدە. باعالى باستاما ەل اۋقىمىندا قولداۋ تاۋىپ, بۇگىندە جەر-جەرلەردە قىزۋ جالعاسىپ كەلەدى.
ەندى, مىنە, ءباا-دەگى قازاقستان رەسپۋبليكاسىنىڭ ەلشىلىگى پرەزيدەنتتىڭ قازاقستاندىق ءونىمدى ناسيحاتتاۋ ۇسىنىسىن جۇزەگە اسىرۋ شەڭبەرىندە «قازاقستاندا جاسالعان» اكتسياسىن وتكىزۋگە دۋبايدى تاڭداپ الۋىنا تاڭدانا قاراساق تا, تانىستىرىلىم ارابتار تاراپىنان زور قىزىعۋشىلىق تۋدىرعانىن ەستىپ, «بارەكەلدى! قازانىمىز ورتايماعاي, ىرىسقا تولا بەرگەي!» دەدىك ىشىمىزدەن. وركەنيەتتىڭ ورەلى ورىنە ورشەلەنە ۇمتىلىپ, وزىندىك ورنەك ءىزىن سالعان اراب الەمىن تاڭعالدىرۋ وڭاي ەمەس, ارينە. بولادى ەكەن! قازاقستاندىقتاردىڭ بۇل جەڭىسى, شىن تالاپتانسا, ىنتالانسا, العا ۇلكەن ماقسات قويسا, ماڭدايدان تەر شىعارسا, الىنبايتىن قامالدىڭ, اسپايتىن اسۋدىڭ جوقتىعىنا كوزىمىزدى نىق جەتكىزدى.
ءباا-دەگى ءىرى ازىق-ت ۇلىك جەلىلەرىنىڭ ءبىرى «LuLu» گيپەرماكەتىندە تاماق ونەركاسىبىندەگى قازاقستاننىڭ ۇلتتىق جەتىستىكتەرىن كورسەتۋ, وتاندىق تاۋار وندىرۋشىلەر مەن امىرلىك ريتەيلەرلەر اراسىندا ەكونوميكالىق, ساۋدا-ساتتىق ارىپتەستىك قارىم-قاتىناستى ورناتۋدى كوزدەۋ ماقساتىندا ۇيىمداستىرىلعان شاراعا قاتىسقان جەتەكشى كومپانيالار اراسىندا قىزىلجارلىقتار ۇلەسىنىڭ باسىم بولعانىن ەسكەرسەك, ەكسپوزيتسيانىڭ ءىرى اۋماعىن يەلەنۋى زاڭدى دەر ەدىك. تاماق ونەركاسىبى سالاسىندا سىرتقى نارىققا شىعىپ جۇرگەن «سۇلتان», «ءسۇت», «مۋكومول», «درۋجبا», «پەرسپەكتيۆا» سەكىلدى سەرىكتەستىكتەردىڭ ماكارون, ءۇن, بال ونىمدەرىنە سۇرانىس مول بولعان. ەڭ باستىسى, ساپالىلىعىمەن, باسەكەلەستىلىگىمەن, باعانىڭ قولجەتىمدىلىگىمەن ەرەكشەلەنگەن.
– روۋد-شوۋدىڭ سالتاناتتى اشىلۋ ءراسىمىن قازاقستاننىڭ ءباا-دەگى توتەنشە جانە وكىلەتتى ەلشىسى قايرات لاما ءشارىپ, سولتۇستىك قازاقستان وبلىسىنىڭ دەلەگاتسيا جەتەكشىسى ايداربەك ساپاروۆ, شاردجاس امىرلىگىنىڭ ساۋدا-ونەركاسىپ پالاتاسىنىڭ وكىلى دجاسيم يسا ءال مۋتاۆا جۇرگىزدى. قازاقتىڭ «شاشۋ» سالتىن دۋباي تۇرعىندارى ۇلكەن ىنتىزارلىقپەن تاماشالادى. كاسىپكەرلەرگە قىزىلجاردىڭ ۇنى مەن ماكارونىنىڭ قاتتى ۇناعانى سونشالىك, قالاي الۋعا بولاتىنىن قايتا-قايتا سۇراستىرىپ جاتتى. سۋپەرماركەتكە كەلۋشىلەر باعانىڭ ادەقالاي تومەندىگىنە باستارىن شايقاپ, تاڭقالىستارىن جاسىرمادى,–دەدى ءسوزىنىڭ سوڭىندا التىنبەك.
جاقسىلىق حاباردىڭ ءىزىن سۋىتپاستان اۋىل شارۋاشىلىعى باسقارماسى باسشىسىنىڭ ءبىرىنشى ورىنباسارى جانار مۇساعۇلوۆاپەن حابارلاسقانىمىزدا ءوز ويىن «قازاقستاندىق دەلەگاتسيا مەن ءىرى گيپەرماركەتتەر جەلىسى باسشىلارى اراسىندا وتاندىق ونىمدەردى ءباا جانە تاياۋ شىعىستىڭ باسقا دا ەلدەرىنە وتكىزۋ جونىندە كەلىسىم جاسالعانىن ەستىپ, قاتتى قۋانىپ جاتىرمىز. جەرگىلىكتى ازىق-ت ۇلىك وندىرۋشىلەردىڭ امىرلىكتىڭ ءىرى ريتەيلەرلەرىمەن تىكەلەي بايلانىس ورناتۋى نارىق كوكجيەگىن كەڭەيتە تۇسەرى ءسوزسىز. مۇنىڭ ءوزى ۇستانعان ەكونوميكالىق ساياساتىمىزدىڭ دۇرىستىعىن دالەلدەيدى», دەگەن سوزدەرمەن تۇيىندەدى.
ءباا-دەگى «LuLu» ءىرى ازىق-ت ۇلىك جەلىلەرىنىڭ العاشقى ساۋدا ورنى 1996 جىلى ءابۋ-دابيدە اشىلعان. ال, دۋبايدا العاشقى سۋپەرماركەت 2000 جىلى پايدا بولعان. بۇگىندە ونىڭ جۇيەلەرى كۋۆەيت, باحرەين, ومان, كاتار, مىسىر, ساۋد ارابياسى ەلدەرىندە ورنالاسىپ, ۇزىن-سانى 114-ءتى قۇرايدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
بىرىككەن اراب امىرلىكتەرىنەن قۋانىشتى حابار مۇحيت ورلەي, تەڭىز كوكتەي ءوتىپ, قۇستاي ۇشىپ جەتتى. قىزىلجار وڭىرىنە! سۇيىنشىلەگەن – وبلىستىق اۋىل شارۋاشىلىعى باسقارماسى باسشىسىنىڭ ورىنباسارى التىنبەك ابدوللاەۆ. اتىنا زاتى ساي باۋىرىمىز دۇنيەنىڭ ءتورت بۇرىشىنا جاقسى تانىس ەلىمىزدىڭ تاعى ءبىر بيىك شىڭدى باعىندىرعانىن بولىسكەنشە اسىققان سىڭايلى. الدىندا وبلىس اكىمىنىڭ ءبىرىنشى ورىنباسارى ايداربەك ساپاروۆ باستاعان توپ قازاقستان دەلەگاتسياسىنىڭ قۇرامىندا ءباا-گە ساپارلاپ كەتكەنىن ەستىگەنبىز. اسىقپايىق, اپتىقپايىق, ولجالى ورالعان سوڭ ەمەن-جارقىن سۇحباتتاسارمىز دەگەنبىز. سامال جەلدەي تەربەتىپ, جان-دۇنيەمىزدى جادىراتقان جاڭالىق قولىمىزعا ەرىكسىز قالام الدىرتتى. ولاي بولسا, اڭگىمەنى باسىنان ساباقتايىق.
ەلباسى ن. نازارباەۆتىڭ ۇكىمەتتىڭ سوڭعى كەڭەيتىلگەن وتىرىسىندا «ءتيىستى مەموراندۋمدار بەكىتە وتىرىپ, قازاقستاندىق قامتۋ جونىندەگى فورۋمدار وتكىزۋ تاجىريبەسىن قايتا جاڭعىرتۋ كەرەك. بارلىق ساۋدا جەلىلەرىندە وتاندىق تاۋارلار سەكتسياسى پايدا بولۋ ءۇشىن «قازاقستاندا جاسالعان» اكتسياسىن باستايمىز. وبلىس اكىمدەرى مۇنى قاداعالاپ وتىرۋى كەرەك. بارشا ازاماتتارعا وسى كۇردەلى جاعدايدا پاتريوت بولىپ, قازاقستاندىق ءونىمدى ساتىپ الۋ جونىندە ءسوز ارنايمىز», دەگەنى ءبارىمىزدىڭ ەسىمىزدە. باعالى باستاما ەل اۋقىمىندا قولداۋ تاۋىپ, بۇگىندە جەر-جەرلەردە قىزۋ جالعاسىپ كەلەدى.
ەندى, مىنە, ءباا-دەگى قازاقستان رەسپۋبليكاسىنىڭ ەلشىلىگى پرەزيدەنتتىڭ قازاقستاندىق ءونىمدى ناسيحاتتاۋ ۇسىنىسىن جۇزەگە اسىرۋ شەڭبەرىندە «قازاقستاندا جاسالعان» اكتسياسىن وتكىزۋگە دۋبايدى تاڭداپ الۋىنا تاڭدانا قاراساق تا, تانىستىرىلىم ارابتار تاراپىنان زور قىزىعۋشىلىق تۋدىرعانىن ەستىپ, «بارەكەلدى! قازانىمىز ورتايماعاي, ىرىسقا تولا بەرگەي!» دەدىك ىشىمىزدەن. وركەنيەتتىڭ ورەلى ورىنە ورشەلەنە ۇمتىلىپ, وزىندىك ورنەك ءىزىن سالعان اراب الەمىن تاڭعالدىرۋ وڭاي ەمەس, ارينە. بولادى ەكەن! قازاقستاندىقتاردىڭ بۇل جەڭىسى, شىن تالاپتانسا, ىنتالانسا, العا ۇلكەن ماقسات قويسا, ماڭدايدان تەر شىعارسا, الىنبايتىن قامالدىڭ, اسپايتىن اسۋدىڭ جوقتىعىنا كوزىمىزدى نىق جەتكىزدى.
ءباا-دەگى ءىرى ازىق-ت ۇلىك جەلىلەرىنىڭ ءبىرى «LuLu» گيپەرماكەتىندە تاماق ونەركاسىبىندەگى قازاقستاننىڭ ۇلتتىق جەتىستىكتەرىن كورسەتۋ, وتاندىق تاۋار وندىرۋشىلەر مەن امىرلىك ريتەيلەرلەر اراسىندا ەكونوميكالىق, ساۋدا-ساتتىق ارىپتەستىك قارىم-قاتىناستى ورناتۋدى كوزدەۋ ماقساتىندا ۇيىمداستىرىلعان شاراعا قاتىسقان جەتەكشى كومپانيالار اراسىندا قىزىلجارلىقتار ۇلەسىنىڭ باسىم بولعانىن ەسكەرسەك, ەكسپوزيتسيانىڭ ءىرى اۋماعىن يەلەنۋى زاڭدى دەر ەدىك. تاماق ونەركاسىبى سالاسىندا سىرتقى نارىققا شىعىپ جۇرگەن «سۇلتان», «ءسۇت», «مۋكومول», «درۋجبا», «پەرسپەكتيۆا» سەكىلدى سەرىكتەستىكتەردىڭ ماكارون, ءۇن, بال ونىمدەرىنە سۇرانىس مول بولعان. ەڭ باستىسى, ساپالىلىعىمەن, باسەكەلەستىلىگىمەن, باعانىڭ قولجەتىمدىلىگىمەن ەرەكشەلەنگەن.
– روۋد-شوۋدىڭ سالتاناتتى اشىلۋ ءراسىمىن قازاقستاننىڭ ءباا-دەگى توتەنشە جانە وكىلەتتى ەلشىسى قايرات لاما ءشارىپ, سولتۇستىك قازاقستان وبلىسىنىڭ دەلەگاتسيا جەتەكشىسى ايداربەك ساپاروۆ, شاردجاس امىرلىگىنىڭ ساۋدا-ونەركاسىپ پالاتاسىنىڭ وكىلى دجاسيم يسا ءال مۋتاۆا جۇرگىزدى. قازاقتىڭ «شاشۋ» سالتىن دۋباي تۇرعىندارى ۇلكەن ىنتىزارلىقپەن تاماشالادى. كاسىپكەرلەرگە قىزىلجاردىڭ ۇنى مەن ماكارونىنىڭ قاتتى ۇناعانى سونشالىك, قالاي الۋعا بولاتىنىن قايتا-قايتا سۇراستىرىپ جاتتى. سۋپەرماركەتكە كەلۋشىلەر باعانىڭ ادەقالاي تومەندىگىنە باستارىن شايقاپ, تاڭقالىستارىن جاسىرمادى,–دەدى ءسوزىنىڭ سوڭىندا التىنبەك.
جاقسىلىق حاباردىڭ ءىزىن سۋىتپاستان اۋىل شارۋاشىلىعى باسقارماسى باسشىسىنىڭ ءبىرىنشى ورىنباسارى جانار مۇساعۇلوۆاپەن حابارلاسقانىمىزدا ءوز ويىن «قازاقستاندىق دەلەگاتسيا مەن ءىرى گيپەرماركەتتەر جەلىسى باسشىلارى اراسىندا وتاندىق ونىمدەردى ءباا جانە تاياۋ شىعىستىڭ باسقا دا ەلدەرىنە وتكىزۋ جونىندە كەلىسىم جاسالعانىن ەستىپ, قاتتى قۋانىپ جاتىرمىز. جەرگىلىكتى ازىق-ت ۇلىك وندىرۋشىلەردىڭ امىرلىكتىڭ ءىرى ريتەيلەرلەرىمەن تىكەلەي بايلانىس ورناتۋى نارىق كوكجيەگىن كەڭەيتە تۇسەرى ءسوزسىز. مۇنىڭ ءوزى ۇستانعان ەكونوميكالىق ساياساتىمىزدىڭ دۇرىستىعىن دالەلدەيدى», دەگەن سوزدەرمەن تۇيىندەدى.
ءباا-دەگى «LuLu» ءىرى ازىق-ت ۇلىك جەلىلەرىنىڭ العاشقى ساۋدا ورنى 1996 جىلى ءابۋ-دابيدە اشىلعان. ال, دۋبايدا العاشقى سۋپەرماركەت 2000 جىلى پايدا بولعان. بۇگىندە ونىڭ جۇيەلەرى كۋۆەيت, باحرەين, ومان, كاتار, مىسىر, ساۋد ارابياسى ەلدەرىندە ورنالاسىپ, ۇزىن-سانى 114-ءتى قۇرايدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
